LEVITIKUS 26:1 - Ombibeli Iyapuki

¹ “Inamu li ningila oikalunga. Ndele inamu lidikila oshihongwafano ile ongudimanya, ndele inamu dika moshilongo sheni emanya mulo mwa pandelwa omafano opo mu li nyongamene kulo. Osheshi Aame Omwene Kalunga keni.

LEVITIKUS 26:1 ပူးပေါင်းရင်းမြစ်များ

2 EEHAMBA 17:10

Ndele ve lidikila eengudi domamanya nomalupwelele aAsera koshikulundu keshe shile nopomuti keshe mutalala.

2 EEHAMBA 17:16

Ndele va efa oipango aishe yOmwene Kalunga kavo, ndele ve li ningila omafano a telekwa, eenhana mbali doshivela, heeno, nolupwelele laAsera ve li ningila, ndele ve linyongamena keengudu adishe dokeulu nokulongela Baal.

2 EEHAMBA 17:8

Ndele va enda paenghedimhango doiwana inya Omwene e i taataa komesho yovana vaIsrael, ndele va ninga ngaashi eehamba daIsrael.

OMAPSALOME 78:58

Otave mu handukifa momiulu davo, omo va fiyawila, ndele tave mu shindifa oikalunga yavo.

OMAPSALOME 97:7

Ovafimaneki aveshe voihongwafano, ava tave litadele oikalunga, ove li po va fifwa ohoni; oifimanekwa aishe otai wile po eombe koshipala shaye.

EXODUS 20:2

“Aame Omwene Kalunga koye, ou nde ku pitifa mo medu laEgipiti, meumbo loupika.

EXODUS 20:23

Inamu liningila ponho yange oitelekwakalunga oisiliveli ile oingoldo.

EXODUS 23:24

Ino linyongamena moipafi yoikalunga yavo noino i longela, ino ninga ngaashi venya hava ningi, ndelenee i teya po sheke u teyaule po eengudimanya dayo.

EXODUS 34:17

“Ino liningila oikalunga ya telekwa monhelekelo.

JESAJA 2:20

Mefiku tuu olo omunhu ota ekeleshi oikalunga yaye yoshisiliveli noyoshingoldo, e i hambula e linyongamene kuyo, ndele te i pe eemhuku nomalimalima,

LEVITIKUS 19:4

Inamu ama koikalunga no inamu li ningila oitelekwakalunga. Aame Omwene, Kalunga keni.

LEVITIKUS 25:55

Osheshi ovana vaIsrael vo ovapiya vange. Vo ovapiya vange nde va pitifa mo medu laEgipiti. Aame Omwene Kalunga keni.

LEVITIKUS 7:33

Oye ou womovana vaAron ta yambe ohonde yomapanduloyambo nomakaadi, ye ota pewa oshilama shokolulyo ngaashi oshitukulwa shaye.

NUMERI 33:52

nye mu nokutaataa oonakukalamo aveshe vedu komesho yeni nokuhanauna po oihongwafano yavo. Nosho yo mu nokuhanauna po oitelekwafano yavo aishe nokutokeka oikulundu yavo yokuyambela.

OILONGA YOVAYAPOSTOLI 17:29

Hano osheshi fye oludi laKalunga, inatu diladileni oukwakalunga u fe ngeno oshingoldo ile oshisiliveli ile emanya, efano la hongwa nounghulungu nokomayele omunhu.

DEUTERONOMION 27:15

“ ‘Omulumenhu ou ta ningi oshihongwafano ile oshitelekwafano, oixuna kOmwene, oshilonga shomake omunongo, ndele te shi kaleke ofika meholeko, na tulwe omutima.’ Novanhu aveshe nava nyamukule nava tye: ‘Amen!’

DEUTERONOMION 5:6

“ ‘Aame Omwene Kalunga koye, ou nde ku pitifa mo medu laEgipiti meumbo loupika.

EHOLOLO 22:15

Ndelenee pondje tapa kala eembwa novakomeni voudiyo novahaeli novadipai novafimaneki voikalunga naaveshe ava ve hole oipupulu noku i wanifa.

OVATOKOLIPANGELI 18:30

Novana vaDan ve lidikila oshihongwafano. Ndele Jonatan yaGersom yaMoses novana vaye ovalumenhu va li ovapristeli vomepata laDan fiyo okefiku linya ovanhu voshilongo va kufwa mo.