LEVITIKUS 24:8 - Ombibeli Iyapuki

⁸ Keshe efiku lEshabata Aron e noku i tula koshipala shOmwene efimbo alishe, ngaashi oshali yovana vaIsrael, ngaashi ehangano laalushe.

LEVITIKUS 24:8 ပူးပေါင်းရင်းမြစ်များ

1 OMAFIMBO 23:29

nomingome detaliko noufila wa nakwa womeendjayambo noikuki ya lalakana ihe nonhafi noshipeleki shokuteleka oikuki, neendjayambo da pilulwa noiyelekifo aishe yoiyuma noyoule,

1 OMAFIMBO 9:32

Ndele vamwe vomOvakohati, vomovamwaina ovalumenhu, va li ve nokukala noshisho shomingome detaliko, di kale dipe mEshabata keshe.

2 OMAFIMBO 13:11

Ndele vo ohava yambele Omwene omaxwikiloyambo ongula keshe nonguloshi keshe, noitwiminifo yedimba liwa, ndele hava kala noshisho shomingome detaliko dokoshitaafula shoshingoldoelela noshoshikwatelwalamba shoshingoldo neelamba dasho, opo di temwe onguloshi keshe. Osheshi fye hatu diinine eenghedimhango dOmwene Kalunga ketu, ndelenee nye mwe mu efa.

2 OMAFIMBO 2:4

Tala, ame ohandi hovele okutungila edina lOmwene, Kalunga kange ongulu, ndi i mu yapulile, opo muyo mu twiminwe koshipala shaye oidimba iwa, nomingome detaliko di kale mo alushe nomaxwikiloyambo a yambwe ongula nonguloshi nomomashabata nopeehani dipe nopomafimbo oivilo yOmwene Kalunga ketu, osho oshinakuwanifwalonga shaalushe shOvaisraeli.

NEHEMIA 10:33

Molwomingome detaliko nomolweendjayambo defiku keshe nomolwexwikiloyambo lefiku keshe, molwomayambo omEshabata, omayambo eehani dipe, nomolwomafimbo oivilo, nomolweeshali diyapuki nomolwomatimbayambo okukwatakanifa Ovaisraeli, nomolwakeshe oshilonga shomongulu yaKalunga ketu.

EXODUS 25:30

Nomingome detaliko u noku di kaleka alushe koshitaafula koshipala shange.

NUMERI 4:7

Vo ve nokuuvika oshitaafula shomingome detaliko noshiyata shomavala, nokombada yasho ve nokutula ko oiyaxa noikwatelwa nomaholo neekana doikunwayambo. Nomingome odo di nokukala ko efimbo keshe, nadi kale ko yo.

1 SAMUEL 21:7

Ndelenee mefiku tuu olo kwinya kwa kala omulumenhu umwe womovapiya vaSaul, a idililwa mo koshipala shOmwene, edina laye Doeg, Omuedom, omupashukili wovafita voimuna yaSaul.