LEVITIKUS 23:3 - Ombibeli Iyapuki

³ Napa longwe omafiku ahamano, ndelenee efiku etiheyali olo efiku letulumuko, efiku loshiongalele shiyapuki. Inamu longa sha, osheshi lo Eshabata lOmwene meenhele deni adishe.

LEVITIKUS 23:3 ပူးပေါင်းရင်းမြစ်များ

EXODUS 16:23

Opo nee ye te va lombwele ta ti: “Osho ngaha Omwene a tonga. Mongula efiku letulumuko, Eshabata liyapuki lOmwene. Oyo mwa hala oku i teleka, i telekeni, naayo mwa hala okupaka po, i pakeni po nena. Naaishe ei ya xupa po, i tuvikileni, i xupifileni efiku lomongula.”

EXODUS 16:29

Taleni, Omwene e mu pa Eshabata, onghee te mu pe omungome womafiku avali mefiku etihamano. Keshe umwe na fyaale apa e li mefiku etiheyali, ye ina pita mo monhele yaye.”

EXODUS 16:30

Osho hano ovanhu va tulumukwa mefiku etiheyali.

EXODUS 23:12

“Omafiku ahamano ove u nokulonga oilonga yoye, ndelenee mefiku etiheyali u nokutulumukwa, opo ongobe yoye nondongi yoye i shiive okufuda po nomona womupika woye omukainhu nomunailongo a shiive okutulumukwa po.

EXODUS 34:21

“Omafiku ahamano u nokulonga oilonga yoye, ndelenee mefiku etiheyali u nokutulumukwa. Mefimbo lokulima nomefimbo leteyo u nokutulumukwa.

JESAJA 56:2

Omunelao omunhu ou te shi diinine, nomona womunhu, ou e shi dama; ou ta diinine Eshabata ndele ite li nyono, ou ta kelele eke laye liha ninge owii.”

JESAJA 56:6

Novanailongo ovo ve litula pOmwene, oku mu longela nokuhola edina lOmwene, ndele va hala va kale ovapiya vaye, keshe umwe ou ta diinine Eshabata, ite li nyono, ndele ta diinine ehangano letu,

JESAJA 58:13

Ngeno oto kelele eemhadi doye okunyona efiku lEshabata, uha longe oilonga yoye mefiku lange liyapuki, ndele ngeenge to ifana Eshabata olo efiku lehafo, ndele efiku liyapuki lOmwene ove to li fimaneke, ndele to li fimaneke, uha longe oyiikililwalonga, ndele ito kondjele oinima yoye ndele ito popi eendjovo dongaho.

LEVITIKUS 19:3

Keshe umwe e nokutila ina naxe nokudiinina omashabata ange. Aame Omwene Kalunga keni.

LUKAS 13:14

Ndelenee mwene woshinagoga okwa umana, Jesus eshi a velula mEshabata, okwa hovela okupopya ndele ta lombwele ovanhu: “Oku na omafiku ahamano oilonga, ileni hano momafiku oo mu velulwe, ndele hamEshabata.”

LUKAS 23:56

Hano eshi va shuna komaumbo, ova longekida oidimba ya nyika nawa nomaadi mawa, ndele efiku lEshabata va tulumukwa opanghedi yomhango.

OILONGA YOVAYAPOSTOLI 15:21

Osheshi Moses e novaudifi vaye noshito nale omoilando aishe, ngaashi omishangwa daye tadi leshwa meeshinagoga omashabata aeshe.”

EHOLOLO 1:10

Mefiku lOmwene onda li mOmhepo, ndele nda uda konima yange ondaka inene ya fa enghuma,