LEVITIKUS 21:9 - Ombibeli Iyapuki

⁹ Nomona okakadona komupristeli ngeenge te lififa ohoni mokuhaelwa, ye ota fifa xe ohoni. Ye e nokuxwikwa po momundilo.

LEVITIKUS 21:9 ပူးပေါင်းရင်းမြစ်များ

GENESIS 38:24

Ngeno eshi pa pita eehani nhatu, Juda okwa shiivifilwa nokutya: “Tamar, oshitenya shoye okwa haelwa, nokwa ninga oufimba mokuhaelwa!” Ndele Juda okwa nyamukula ta ti: “Mu twaleni ko a ka xwikwe po.”

EXODUS 31:14

Diinineni hano Eshabata, osheshi lo oli nokuninga liyapuki kunye. Ye ou te li yapululula, e nokufya shili. Osheshi keshe umwe ta longo oilonga mulo, omwenyo tuu ou u nokudimwa mo muvakwao.

JESAJA 33:14

Ovalunde vomuSion otava haluka novanaihelele otava hangwa kekakamo. Ohava ti: “Olyelye womakati ketu ta dulu okukala po pomundilo hau lyana, nolyelye ta dulu okukala pomutemo alushe?”

HESEKIEL 9:6

Dipaeni ovaxungu novamati noukadona, nounona novalikadi, inamu xupifa po sha. Ndelenee inamu kuma nande umwe waava ve nedidiliko, ndele hoveleni motembeli yange.” Ndele vo ova hovela povalumenhu, nokutya ovakulunhu ava va li pondje yotembeli.

LEVITIKUS 19:29

“Nomumwoye okakadona ino mu fifa ohoni oku mu yandja mokuhaelwa, oshilongo opo shiha nyike oluhaelo nedu liha yadifwe oilonga yefifohoni.

LEVITIKUS 20:14

Nomulumenhu ngeenge ta hombola omukainhu na ina yomukainhu ou, osho oshififahoni. Vo ve noku va xwika po momundilo aveshe vavali. Mokati keni muha kale onhiko nande.

MALAKIA 2:3

Taleni, Ame ohandi ka handukila omaludalo eni, ndele handi ka ekela oshandja koipala yeni, heeno, oshandja shoivilo yeni. Ndele onye vene yo tamu ka ekelwa konduba yoshandja.

DEUTERONOMION 22:21

opo nee ve nokutwala omona okakadona konhu yeumbo laxe novalumenhu vomoshilando shavo ve noku mu dipaa nomamanya, a fye, shaashi ye okwa ninga oshififahoni muIsrael, ye eshi a haelwa meumbo laxe. Osho ngaha mu nokudima po owii mokati keni.

TITUS 1:6

omukulunhu ou na kale ehe noshipo, omulumenhu womukainhu umwe aeke, e novana ovaitaveli, ihava popiwa ve hole oipala, vo kave fi ovo ihava dulika.

JOSUA 7:15

Ndele ou a monika e noinima ya tongolelwa ehanauno, e nokuxwikwa po nomundilo, ye naaveshe ava ve li puye, osheshi ye okwa tauluka ehangano lOmwene nokwa ninga oshilonga shefifohoni muIsrael.”

JOSUA 7:25

Ndele Josua okwa tya: “Omolwashike we tu twala momupya! Omwene ote ke ku twala nena eli momupya?” Opo nee Ovaisraeli aveshe ve mu dipaa nomamanya ndele vo ove va xwika po nomundilo, ndele ve va kupula nomamanya.

1 SAMUEL 2:17

Nomatimba ovalumenhu ovanyasha a li manene koshipala shOmwene, osheshi ovalumenhu ava va dina eyambo lOmwene.

1 SAMUEL 2:34

Ndele edidiliko loinima ei oleli: ovana voye ovamati vavali, Hofni naPinehas, tava ka fya mefiku limwe alike.