LEVITIKUS 2:9 - Ombibeli Iyapuki

⁹ Ndele omupristeli e nokukufa mo meendjayambo edimbulukifoyambo noku li xwikila po koaltari; olo omundiloyambo wedimba liwa kOmwene.

LEVITIKUS 2:9 ပူးပေါင်းရင်းမြစ်များ

EXODUS 29:18

Opo nee u nokuxwika po odi aishe koaltari. Olo exwikiloyambo kOmwene, edimba liwa, heeno, olo omundiloyambo kOmwene.

JESAJA 53:10

Ndelenee osha wapalela Omwene oku mu nyanyaula, Ye e mu denga noudu; ngeenge ta yandje omwenyo waye u ninge etimbayambo opo nee ota ka mona oludalo, ndele ta kala e na omwenyo mule, ndele ta wanifa ehalo lOmwene.

LEVITIKUS 1:9

Ndelenee omandjadja nomakondo vo ve noku a kosha nomeva, nomupristeli e noku i xwika po aishe koaltari exwikiloyambo nokutya, omundiloyambo wedimba liwa kOmwene.

LEVITIKUS 2:16

Opo nee omupristeli e noku i xwika po edimbulukifoyambo nokutya, oshitukulwa shomahola a fengwa nomaadi noitwiminifo aishe ngaashi omundiloyambo wOmwene.

LEVITIKUS 2:2

ndele e noku i twaalela ovapristeli, ovana ovamati vaAron. Nomupristeli e noku kufa mo muyo shi fike peke limwe moufila wa nakwa, pamwe nomaadi noitwiminifo aishe i li mo, ndele ye e noku i xwikila po koaltari edimbulukifoyambo nokutya, omundiloyambo wedimba liwa kOmwene.

LEVITIKUS 2:8

Opo nee ove u nokweetela Omwene eendjayambo edi da pilulilwa muwo. Vo ove noku di etela omupristeli, ndele ye e noku di twala koaltari.

LEVITIKUS 24:7

Ndele kombada yoikuki monhele keshe u nokutula oitwiminifo, oyo edimbulukifoyambo lomingome ngaashi omundiloyambo wOmwene.

LEVITIKUS 4:31

Nomakaadi aeshe ye e noku a kufa mo ngaashi omakaadi epanduloyambo a kufwa mo, nomupristeli e noku a xwika po koaltari edimba liwa kOmwene. Osho ngaha hano omupristeli te mu kwatakanifa, ndele omatimba aa tae ke mu diminwa po.

LEVITIKUS 5:12

Ndele ye e noku u eta komupristeli, nomupristeli e nokukufa mo muwo eke li yadi ngaashi edimbulukifoyambo noku li xwika po koaltari kombada yomundiloyambo wOmwene. Olo etimbayambo.

LEVITIKUS 6:15

Umwe na kufe mo mudo eke li yadi moufila wa nakwa weendjayambo pamwe nomaadi noitwiminifo aishe ei i li keendjayambo ndele ye e noku u xwika po koaltari ngaashi edimbulukifoyambo edimba liwa kOmwene.

SAKARIA 13:7

Eongamukonda, pendukila omufita wange, nomulumenhu wopwaamelela, Omwene womatanga ovakwaita ta ti! Denga omufita, eedi opo di lihane. Ndele Ame ohandi ka yambidida ava vaxupi nokwooko kwange.

SAKARIA 13:9

Opo oshitukulwa oshititatu Ame ohandi ke shi twala momundilo ndele handi va hemuna ngaashi oshisiliveli hashi hemunwa, ndele handi va yeleke ngaashi oshingoldo hashi yelekwa. Vo otava ka ifana edina lange, ndele Ame ohandi ke va uda. Ame handi ti: Eshi oshiwana shange! Ndele ohava ti: Omwene, Kalunga ketu!

NUMERI 5:26

Omupristeli e nokukufa yo meendjayambo eke li yadi ngaashi edimbulukifoyambo noku di xwika po koaltari. Opo nee ta nwefa omukainhu omeva.

OVAROMA 12:1

Osho nee ovamwatate, ame ohandi mu kumaidifa efilonghenda laKalunga, yandjeni omalutu eni eyambo liyapuki li nomwenyo, la wapalela Kalunga; olo elongelokalunga leni lopandunge.

OVAROMA 15:16

opo ndi kale omupiya waKristus Jesus mokati kovapaani, omoilonga iyapuki yopaupristeli yokuudifa evaengeli laKalunga, opo ovapaani va ninge eyambo la wapala, la yapulwa kOmhepo Iyapuki.

OVAEFESO 5:2

nye mu kale nokweenda mohole ngaashi Kristus kwa li e mu hole nokwe liyandja molwetu oshali, eyambo, edimba liwa, la hokiwa kuKalunga.

OVAFILIPPI 2:17

Ndele nande ohandi tilwashi ngaashi eyambo meyakulo leitavelo leni, ohandi hafe, nohandi nyakukwa pamwe nanye amushe,

OVAFILIPPI 4:18

Ndelenee onda tambula aishe, nda wana ndele pa xupa nokuli. Nda mona ehepuluko linene, eshi nda mona kuEpafroditus, osho mwe shi tumina nge, oyo edimba liwa, neyambo liwa la wapalela Kalunga.