LEVITIKUS 2:3 - Ombibeli Iyapuki

³ Ndele eshi sha xupa po keendjayambo, nashi ninge shaAron novana vaye ovamati, oshitukulwa shiyapukielela shomundiloyambo wOmwene.

LEVITIKUS 2:3 ပူးပေါင်းရင်းမြစ်များ

ESRA 2:63

Nomupangeli okwe va lombwela vaha lye meeshali diyapukielela fiyo taku holoka omupristeli e na Urim naTummim.

EXODUS 29:37

Momafiku aheyali u nokukwatakanifa oaltari noku i yapula. Osho ngaha hano oaltari tai ka ninga iyapukielela. Keshe eshi tashi kumu koaltari, tashi kala sha yapulwa.

HESEKIEL 44:29

Eendjayambo netimbayambo nokuvelombediyambo, vo va itavelelwa okulya. Nakeshe eshi shomuIsrael sha tongolelwa oshidila, oshavo.

HESEKIEL 46:20

Ndele ye okwa lombwela nge, ta ti: “Onhele oyo tuu ei omo ovapristeli hava teleke okuvelombediyambo netimbayambo, nomo hava teleke eendjayambo, opo vehe di twale koluumbo lopondje nokuyapula ngaha ovanhu.”

LEVITIKUS 10:15

Oshilama sheyelulwayambo nombadja yedungadungifwayambo pamwe noipambu nomakaadi omundiloyambo, vo ove nokudungadungifa koshipala shOmwene ngaashi edungadungifwayambo. Ndele olo tali ka ninga oshitukulwa shoye novana voye ovamati pamwe naave fiyo alushe, Omwene ngaashi a popya.”

LEVITIKUS 14:13

Opo nee ta dipaele odjona monhele apa hava tomene etimbayambo nexwikiloyambo, monhele iyapuki. Osheshi okuvelombediyambo ngaashi etimbayambo otai ningi yomupristeli. Olo liyapukielela.

LEVITIKUS 2:10

Ndele eshi sha xupa po meendjayambo, sho nashi ninge shaAron novana vaye ovamati, oshitukulwa oshiyapukielela shomundiloyambo wOmwene.

LEVITIKUS 21:22

Ndelenee na lye eendja daKalunga kaye, ngeenge doshiyapukielela naadi doshiyapuki.

LEVITIKUS 5:13

Osho ngaha omupristeli e noku mu kwatakanifa omolwomanyono ye e a ninga moshinima shongadi shoinima ei, ndele sho otashi ke mu diminwa po. Oufila oo tau xupu po nau ninge eendjayambo domupristeli.

LEVITIKUS 6:26

Omupristeli ou ta eta etimbayambo, ne li lye po. Monhele iyapuki li nokuliwa mehale lokomesho yetwali leongalo.

LEVITIKUS 6:9

“Lombwela Aron novana vaye ovamati u tye: Omhango yexwikiloyambo oyei: olo, nokutya exwikiloyambo li nokukala kefiya loaltari oufiku aushe fiyo ongula, nomundilo wokoaltari u nokudiininwa efimbo alishe.

LEVITIKUS 7:7

Ngaashi sha pangelwa etimbayambo, osho yo okuvelombediyambo. Omhango imwe aike kuwo. Omupristeli ou ta kwatakanifa nalo, ye ota pewa oshitukulwa shaye.

LEVITIKUS 7:9

Neendjayambo keshe tadi telekwa mefiya naaishe ya kangwa moshipana ile koshipeleki, otai ningi yomupristeli ou e i yamba.

NUMERI 18:9

Meeshali diyapukielela odo itadi xwikwa po, otadi ningi doye: omayambo avo aeshe nokutya, eendjayambo keshe, etimbayambo keshe nokuvelombediyambo keshe lavo, aa tava etele nge, oo naa kale ngaashi mayapukielela kwoove nokovana voye ovamati.

1 SAMUEL 2:28

Ndele Ame onde mu hoolola momapata aeshe aIsrael ngaashi omupristeli, a londe koaltari yange a xwameke oitwiminifo ndele a djale oshikutu shokomapepe moipafi yange. Ndele Ame nda yandja kepata laxo omindiloyambo adishe dovana vaIsrael.