LEVITIKUS 19:3 - Ombibeli Iyapuki

³ Keshe umwe e nokutila ina naxe nokudiinina omashabata ange. Aame Omwene Kalunga keni.

LEVITIKUS 19:3 ပူးပေါင်းရင်းမြစ်များ

GENESIS 48:12

Opo nee Josef okwe va kufa ko komatundji aye, nokwa twa eengolo koshipala shaye nokwe linyongamena poshi.

NEHEMIA 9:14

Owe va shiivifila Eshabata loye liyapuki ndele we va pefifa omupiya woye Moses, oipango neenghedimhango.

EXODUS 16:29

Taleni, Omwene e mu pa Eshabata, onghee te mu pe omungome womafiku avali mefiku etihamano. Keshe umwe na fyaale apa e li mefiku etiheyali, ye ina pita mo monhele yaye.”

EXODUS 20:12

“Fimaneka xo nanyoko, Omwene Kalunga koye ngaashi e ku lombwela, omafiku oye opo a ninge mahapu, ndele ove u kale nelao medu olo Omwene Kalunga koye te ke li ku pa.

EXODUS 20:8

“Dimbulukwa efiku lEshabata, u li yapule.

EXODUS 21:15

“Ou ta denge xe ile ina, na yandjwe shili okufya.

EXODUS 21:17

“Naau ta fingi xe naina, e nokuyandjwa shili okufya.

OMAYELETUMBULO 1:8

Omumwange, pwilikina outekuduliko waxo, ndele ino ekelashi elongo lanyoko.

OMAYELETUMBULO 23:22

Pwilikina xo, ou e ku dala, ndele ino dina nyoko, eshi a kulupa.

OMAYELETUMBULO 30:11

Ope nepupi tali tula omutima xe, ndele itali nangeke ina yalo noupuna;

OMAYELETUMBULO 30:17

Ou ta sheke xe, ndele ita yavala okudulika kuina, omesho aye taa shomonwa komakola omefilu, novana vonhwa tave a li po.

JESAJA 58:13

Ngeno oto kelele eemhadi doye okunyona efiku lEshabata, uha longe oilonga yoye mefiku lange liyapuki, ndele ngeenge to ifana Eshabata olo efiku lehafo, ndele efiku liyapuki lOmwene ove to li fimaneke, ndele to li fimaneke, uha longe oyiikililwalonga, ndele ito kondjele oinima yoye ndele ito popi eendjovo dongaho.

HESEKIEL 20:12

Nomashabata ange, Ame nde e va pa, a ninge edidiliko pokati ketu navo, opo va shiive nokutya, Aame Omwene ohandi va yapula.

LEVITIKUS 11:44

Osheshi Aame Omwene Kalunga keni. Liyapuleni hano mu kale ovayapuki, shaashi Ame omuyapuki. Onghee hano inamu linyateka omolwoupuka tave likoko kombada yedu.

LEVITIKUS 19:25

Ndele momudo omutitano lyeni oiimati yado. Osho ngaha tamu hapupalifa oiimati yomiti. Aame Omwene, Kalunga keni.

LEVITIKUS 19:30

Diinineni omashabata ange, nokutila etwali lange liyapuki. Aame Omwene.

LEVITIKUS 19:31

“Inamu ama kovakwamhungu ile keemhule. Inamu di konga muha nyatekwe kudo. Aame Omwene Kalunga keni.

LEVITIKUS 19:34

Omunailongo ou ta kala punye, na talwe kunye, oye ngaashi omudalelwa mo womoshilongo, ou e li mokati keni. Ndele mu noku mu hola ngaashi mu lihole nye vene, osheshi nanye yo mwa li ovanailongo medu laEgipiti. Aame Omwene Kalunga keni.

LEVITIKUS 23:3

Napa longwe omafiku ahamano, ndelenee efiku etiheyali olo efiku letulumuko, efiku loshiongalele shiyapuki. Inamu longa sha, osheshi lo Eshabata lOmwene meenhele deni adishe.

LEVITIKUS 26:2

Diinineni omashabata ange, tileni etwali lange liyapuki. Aame Omwene.

MALAKIA 1:6

Omona ta fimaneke xe, nomupiya omwene waye! Aame ngeenge oxo, efimaneko lange oli li peni? Naame ngeenge Omwene, etilo lokutila nge oli li peni? Omwene womatanga ovakwaita ta ti kunye ovapristeli, ohamu dini edina lange! Ndelenee nye tamu ti: Edina loye otwe li nyateka ngahelipi?

DEUTERONOMION 27:16

“ ‘Ou ta dini xe ile ina, na tulwe omutima.’ Novanhu aveshe nava tye: ‘Amen!’

DEUTERONOMION 5:16

“ ‘Fimaneka xo nanyoko, Omwene Kalunga koye ngaashi e ku lombwela, omafiku oye opo a ninge mahapu, ndele ove u kale nelao medu olo Omwene Kalunga koye ote ke li ku pa.

OVAHEBERI 12:9

Ndele ngaashi vali twa kala nootate vetu vopalutu, eshi ve tu denga ndele twa dulika kuvo, hano ohatu kala ngahelipi tuha dulike ngeno kuxe yeemhepo neduliko li dule linya, fye tu kale tu nomwenyo?