LEVITIKUS 17:4 - Ombibeli Iyapuki

⁴ ndele ite i eta poshivelo shetwali leongalo a etele Omwene eyambo molwetwali liyapuki lOmwene, winya e netimba lohonde. Ye a tilashi ohonde, onghee ye e nokudimwa mo moshiwana shaye.

LEVITIKUS 17:4 ပူးပေါင်းရင်းမြစ်များ

GENESIS 17:14

Ndele omulumenhu ou ina pita etanda, e na oshipa shokoxulo youlumenhu waye inashi tetwa ko, omunhu e li ngaha na kombwe mo muvakwao. Ye okwa teya ehangano lange.”

OMAPSALOME 32:2

Omulumenhu omunelao oye ou Omwene ite mu valulile owii waye, nomomhepo yaye ngeenge kamu na ekonda.

EXODUS 12:15

Momafiku aheyali mu nokulya omingome dihe nonhafi. Mefiku lotete nokuli mu nokweekelashi momaumbo eni olumbololo lomungome li nonhafi. Osheshi keshe ou ta li omungome u nonhafi mefiku lotete fiyo okefiku etihamano, omwenyo ou u nokunyonwa po muIsrael.

EXODUS 12:19

Momafiku aheyali muha monike momaumbo eni onhafi yomungome, osheshi keshe ou ta li omungome u nonhafi na nyonwe mo moshiwana shaIsrael, ngeenge omunailongo ile omudalelwa mo.

EXODUS 30:33

Keshe umwe ou te liningile sha sha fa omaadi aa ile ta vaeke omunhu, e nokudimwa mo muvakwao.”

EXODUS 30:38

Keshe umwe ou te liningile sha sha fa omaadi aa e a twimine, e nokudimwa mo muvakwao.”

JESAJA 66:3

Ou ta tomo ongobe, oye a fa ou ta dipaa omulumenhu, ou ta yambe odi ngaashi ou ta teya yo ombwa ofingo; ou ta yambe eendjayambo ngaashi ou ta yambe ohonde yoshingulu, ou ta yambe etwimino ngaashi edimbulukifoyambo, oye e li ngaashi ou ta fimaneke oshikalunga. Ngaashi ovo ve lihoololela eendjila davo vene neemwenyo davo oda hokwa oixuna yavo,

HESEKIEL 20:40

Osheshi Omwene Kalunga ta ti: Komhunda yange iyapuki, komhunda ile yaIsrael, oko eumbo alishe laIsrael, vo aveshe, otava ka fimaneka nge moshilongo shavo. Oko Ame ohandi ke va hokwa, oko Ame ohandi kala nokuhala omayambo eni noipeyambo neeshali adishe deni diyapuki.

LEVITIKUS 1:3

“Eyambo laye ngeenge exwikiloyambo lomeengobe, ye e nokweeta ongobe yomhedi ihe noshipo. Ye e noku i eta koshivelo shetwali leongalo, opo e li monene okuhokiwa koshipala shOmwene.

LEVITIKUS 17:10

“Ndele keshe umwe womeumbo laIsrael ile womovanailongo tava kala mokati keni, ta li ohonde keshe, heeno, kukeshe ou ha li ohonde, Ame ohandi ke mu taalelifa oshipala shange nehandu noku mu dima mo moshiwana sheni.

LEVITIKUS 17:14

Osheshi omwenyo wombelela keshe oo ohonde, muyo omo mu nomwenyo. Onghee hano nda lombwela ovana vaIsrael: Inamu lya ohonde yomombelela, osheshi omwenyo wombelela keshe oo ohonde. Keshe umwe te i li, e nokudimwa po.

LEVITIKUS 17:3

“Keshe umwe womeumbo laIsrael ta tomene ongobe ile ta dipaele odi ile oshikombo monhanda ile pondje yonhanda,

LEVITIKUS 17:5

Onghee hano ovana vaIsrael nava ete omatomenoyambo avo ve a tomena pondje moluhaela komupristeli koshipala shOmwene poshivelo shetwali leongalo, noko ve noku i yambela Omwene epanduloyambo.

LEVITIKUS 17:9

ndelenee ite li eta koshivelo shetwali leongalo e li yambele Omwene, ye e nokudimwa mo muvakwao.

LEVITIKUS 18:29

Osheshi aveshe ava hava ningi sha shomoixuna ei, ove na okudimwa mo moshiwana.

LEVITIKUS 20:16

Nomukainhu ngeenge ta ehene koshimuna shi mu hambe, nye mu nokudipaa omukainhu noshimuna. Vo ove nokudipawa shili. Vo ove litula monhiko.

LEVITIKUS 20:18

Nomulumenhu ngeenge ta nangala nomukainhu e noudu wohani, ndele ta dula mo eteta laye, ye a yeulula ofifiya yaye nomukainhu ta yeulula ofifiya yohonde yaye; opo nee vo aveshe vavali ve nokudimwa po moshiwana shavo.

LEVITIKUS 20:3

Naame ohandi ke mu taalelifa oshipala shange nehandu, ndele Ame ohandi ke mu dima mo moshiwana shaye. Osheshi ye a yandja ovana vaye kuMolek, opo a nyateke etwali lange liyapuki nokushekifa edina lange liyapuki.

LEVITIKUS 3:2

Ndele ye e nokutenheka eke laye komutwe weyambo laye noku i tomena poshivelo shetwali leongalo. Novapristeli, ovamati vaAron, ve nokutila ohonde keembinga adishe doaltari.

LEVITIKUS 7:18

Ndele ngeenge ombelela yepanduloyambo laye tai liwa efiku etitatu, inashi wapala noitashi wapalele omweeti wayo. Oyo ya nyata; nakeshe ou ta li kuyo e nokuhumbata ombedi yaye.

JOHANNES 10:7

Opo Jesus okwe va lombwela vali: “Oshilishili ohandi mu lombwele: Aame oshivelo sheedi.

JOHANNES 10:9

Aame oshivelo. Ngeenge pe na ou ta i mo ta piti mwaame, oye ta xupifwa, ndele ta kala nokuya mo nokudja mo, ndele ta mono oulifilo.

JOHANNES 14:6

Jesus okwe mu nyamukula: “Aame ondjila noshili nomwenyo; kape na ou te uya kuTate, ngeenge hamwaame ta pitile.

OVAROMA 4:6

ngaashi naDavid yo ta tongo omunhu omunelao, ou Kalunga te mu valulile ouyuki ehe noilonga, ta ti:

OVAROMA 5:13

Osheshi oulunde owa li mounyuni fimbo omhango ya li ihe po, ndele oulunde kau niwe nao apa pehe nomhango;

OVAROMA 5:20

Ndelenee omhango oye uya pokati, omatimba opo a ninge mahapu; ndelenee apa omatimba a ninga mahapu, ouyadi wefilonghenda tau monika.

DEUTERONOMION 21:8

Akutu Omwene, kwatakanifa ovanhu voye Ovaisraeli, Ove we va xupifa, nohonde ihe netimba iha kale kombada yovanhu voye Ovaisraeli. Dima po etimba lohonde muvo.’