LEVITIKUS 16:4 - Ombibeli Iyapuki

⁴ Ye e nokudjala oshikutu shokoshi shiyapuki sholiina, nodolombuluku yoliina i nokutuvika oulumenhu waye, ndele ye e nokulidika omwiya woshiyata sholiina, nokomutwe waye embale loshiyata sholiina. Oyo oikutu iyapuki. Ndele ye e nokukosha olutu laye momeva noku i djala.

LEVITIKUS 16:4 ပူးပေါင်းရင်းမြစ်များ

EXODUS 28:2

Ndele ove u nokuhondjelifa Aron oikutu iyapuki i ninge efimano newapalo laye.

EXODUS 29:4

Ifana Aron novana vaye ovamati ve uye koshivelo shetwali leongalo ndele va kosha nomeva.

EXODUS 30:20

vo ngeenge tava i metwali leongalo ve nokulikosha nomeva, vaha fye, ile vo ngeenge tava ehene popepi noaltari va yakule Omwene mokutema eyambo lokuxwikwa nomundilo.

EXODUS 40:12

U nokwiifana yo Aron novana vaye ovamati ve uye popepi noshivelo shetwali leongalo, ndele u noku va kosha nomeva.

JESAJA 53:2

Okwa holoka koshipala shOmwene ongoshitutumine ngaashi omudi womedu likukutu. Kakwa li e nolupe noshinge, ngeno tu mu tale, ye kakwa li e nondilo, ngeno tu mu hokwe.

HESEKIEL 44:19

Ndele vo ngeenge tava i moluumbo lopondje, kovanhu vomoluumbo lopondje, ve nokulidula oikutu yavo va kala nayo meyakulolonga lavo. Nave i fiye po momakololo omotembeli ndele nava djale oikutu imwe, vaha yapule ovanhu noikutu yavo.

HESEKIEL 9:2

Ndele tala, ovalumenhu vahamano ve uya nondjila okudja koshivelo shokombada, eshi sha ama koumbangalanhu, nakeshe umwe e noiti yokuhanauna meke laye. Mokati kavo mwa li omulumenhu umwe a djala oshikutu sholiina, e noishangifo moshiya shaye. Ndele vo ove uya ndele tava kala ofika popepi noaltari yoshikushu.

LEVITIKUS 16:23

“Opo nee Aron e nokuya metwali leongalo nokulidula oikutu yoliina, ei kwa li e i djala, ye eshi a ile monhele iyapuki; ye ne i fiye mo.

LEVITIKUS 16:24

Ndele ye e nokukosha olutu laye momeva monhele iyapuki nokudjala oikutu yaye. Opo nee ye ta i pondje okuyamba exwikiloyambo loshiwana, opo e likwatakanife nokukwatakanifa oshiwana.

LEVITIKUS 16:32

Nomupristeli ou a vaekwa ndele a yapulwa ponhele yaxe moshilonga shoupristeli, ye e nokulandula omufindilo woupristeli a djala oikutu youyambi,

LEVITIKUS 6:10

Nomupristeli e nokudjala oshikutu shaye sholiina, noshikutu shokoshi sholiina ye e nokuuvika nasho oulumenhu waye. Opo nee ye ta yuku po omute wokexwikiloyambo lokoaltari ndele te u tula pomunghulo woaltari.

LEVITIKUS 6:3

ile a toola sha eshi sha kana ndele te shi anyene, ile ta anene moipupulu, moinima aishe ei omunhu ta longo nokulietela oushima,

LUKAS 1:35

Ndele omweengeli okwe mu nyamukula ta ti: “Omhepo Iyapuki otai ku dile kombada, neenghono daau wOkombadambada otadi ku tuvikile, onghee hano omudalwa ou omuyapuki ota ka lukwa Omona waKalunga.

OVAFILIPPI 2:7

ndelenee okwe lidula Ye mwene nokwa djala olupe lomupika nokufaafana novanhu

OVAHEBERI 10:22

tu eheneni hano tu nomutima wa yuka notu neitavelo la pama, twa shaminwa momitima da kufwa omaliudo mai, nokolutu twa koshwa nomeva mayela.

OVAHEBERI 2:14

Hano ngaashi ounona va ninga ombelela nohonde, naye yo okwa kwatafana navo opanghedi tuu oyo imwe, opo a hanaune po nefyo laye ou a kala e nepangelo lefyo nokutya, Satana,

OVAHEBERI 7:26

Heeno, omupristeli omukulunhu a tya ngaha okwe tu wapalela yo, omuyapuki ehe nomatimba, ke na nande oshipo, a yoololwa movalunde, nokwa ningwa munene a yelwa pombada yomaulu.