LEVITIKUS 14:7 - Ombibeli Iyapuki

⁷ Ndele ye e nokushamina ou e nokufetwa mo moudu woshilundu luheyali, noku mu ingidila eveluko, nodila i nomwenyo ye e noku i efa i tuke i ye noixwa.

LEVITIKUS 14:7 ပူးပေါင်းရင်းမြစ်များ

HESEKIEL 36:25

Opo nee handi ka tila kombada yeni omeva a yela, opo mu yele. Ame ohandi ke mu yapula eenyata deni adishe noikalunga yeni aishe.

JESAJA 52:15

osho ta ka kumwifa oiwana ihapu, eehamba otadi ke likwata komilungu, da kumwa. Osheshi eshi inave shi hepaululilwa, otave shi mono. Naashi inave shi uda otave ke shi shiiva.

2 EEHAMBA 5:14

Opo nee a londoloka ndele ta ningine mo luheyali muJordan pandjovo yomulumenhu waKalunga. Nolutu laye la kala ngaashi shito, ngaashi olutu lomunyasha, ndele okwa yela.

2 EEHAMBA 5:10

Opo nee Elisa a tuma kuye omutumwa e mu lombwela: “Inda u ke likoshe luheyali muJordan, opo nee olutu loye tali ka kala ngaashi shito, ndele ove to ka yela.”

1 PETRUS 1:2

ava va hoololelwa pashiivo laKalunga Xe, okudulika meyapulo lOmhepo kuJesus Kristus nokushaminwa ohonde yaye. Efilonghenda nombili nai mu hapupalele.

OVAHEBERI 9:19

osheshi Moses eshi kwa li a mana okuleshela oshiwana ashishe oipango aishe pamhango, okwa kufa ohonde yeenhana noyoikombo pamwe nomeva nolududi litilyana, naisopi nokwa shamina omushangwa woovene noshiwana ashishe,

OVAHEBERI 9:13

Osheshi ohonde yeemhedi noyoikombo ya shaminwa nomute wondema yondjelipa wa undwa kwaava va nyata, ngeenge tau va yapula, otava koshoka pambelela,

1 JOHANNES 5:6

Oye tuu ou e uya momeva nomohonde, Jesus Kristus, ndele hamomeva aeke, ndelenee omomeva nomohonde;

OVAHEBERI 12:24

nokuJesus, Omupokati wehangano lipe nokohonde yeshamino tai tongo oinima iwa i dule inya yaAbel.

OVAHEBERI 10:22

tu eheneni hano tu nomutima wa yuka notu neitavelo la pama, twa shaminwa momitima da kufwa omaliudo mai, nokolutu twa koshwa nomeva mayela.

OVAHEBERI 9:26

osheshi ngeno kasha li ngaha, ngeno okwa li a wana okuhepekwa luhapu nghee tuu ounyuni wa shitwa. Ndelenee paife Oye a holoka lumwe aluke opexulilo lomafimbo ounyuni, a kufe po omatimba okeliyandjo laye mwene ngeyambo.

OVAHEBERI 9:21

Ndele osho tuu etwali noikwatelwa aishe yomelongelokalunga okwe i shamina nohonde.

JOHANNES 19:34

Ndelenee umwe wovakwaita okwe mu twa neonga molupati laye, ndele mwa dja diva ohonde nomeva.

MIKA 7:19

Ye ote ke tu filulula onghenda, noilonga yetu ii Ye ote i lyatele poshi. Heeno, omatimba avo aeshe Ove to ke a ekela mokule mwi mefuta.

DANIEL 9:24

Oivike omilongo heyali oya tokolelwa oshiwana shoye noshilando shoye shiyapuki. Opo nee eliteeko tali xulu po, nowii tau xulifwa po noilonga ii tai xulifwa po, nouyuki waalushe tau hololwa, ndele emoniko nexunganeko tali pamekwa noshihako, naau Omuyapuki e dule aveshe, ota vaekwa.

OMAPSALOME 51:7

Koshe nge naisopi, opo ndi yele; koshe nge ndi yele, ndi dule outokele weemhawe.

OMAPSALOME 51:2

Koshe nge owii wange, ndi koshoke, Ove u fete po etimba lange.

LEVITIKUS 16:22

Osho ngaha hano oshikombo shi nokuhumbata komutwe washo oilonga yavo aishe ii noku i twala kofuka, ihe novanhu, ndele ye e nokumangulula oshikombo mofuka.

LEVITIKUS 16:19

nokushamina nomunwe waye luheyali kuyo. Osho ngaha hano ye e noku i yelifa noku i yapula monyata yovana vaIsrael.

LEVITIKUS 16:14

Ndele ye e nokukufa mo mohonde yomhedi noku i shamina nomunwe waye koshituviko shekwatakanifo kombinga yokoushilo. Nokomesho yoshituviko shekwatakanifo ye e nokushamina nomunwe waye ohonde ei luheyali.

LEVITIKUS 14:51

Opo nee ye e nokukufa omuti wasederi naisopi nongodi itilyana omheke nodila i nomwenyo, noku i yaveka mohonde yodila ya dipawa nomomeva a yela shekesheke. Ndele ye e nokushamina eumbo luheyali.

LEVITIKUS 13:17

Omupristeli ngeenge te mu konakona ndele ta mono nokutya, ombulwa ya toka, opo nee omupristeli e nokulombwela omunaudu: “wa yela.” Oye a yela.

LEVITIKUS 13:13

omupristeli ngeenge ta mono oudu woshilundu wa tuvika olutu alushe, opo nee ye ta lombwele omunaudu nokutya, ye a yela; ye okwa toka kolutu alishe, ye a yela.

LEVITIKUS 8:11

Nokwa shamina nao luheyali oaltari nokwa vaeka oaltari noilongifo yayo aishe, nelikoshelotemba noshikwatelwamhadi shalo noku i yapula.

LEVITIKUS 4:17

nomupristeli e nokutwa omunwe waye mohonde noku i shamina luheyali komesho yoshitukulifoyata koshipala shOmwene,

LEVITIKUS 4:6

nomupristeli e nokutwa omunwe waye mohonde nokushamina ohonde luheyali koshipala shOmwene, komesho yoshitukulifoyata shetwali liyapuki.

NUMERI 19:12

Ye e nokulifetifa nomeva tuu aa mefiku etitatu nomefiku etiheyali, opo nee ye ta ka kala a yela, ndele ngeenge ine liyeleka nomeva aa mefiku etitatu netiheyali, ye ota kala ina koshoka.