LEVITIKUS 13:2 - Ombibeli Iyapuki

² Moshipa shomunhu ngeenge tamu holoka ombulwa ile evangwa ile okavangwa ka toka, ngaashi oudu woshilundu tau hovele moshipa shombelela yaye, ye e nokutwalwa komupristeli Aron ile komona waye umwe womupristeli.

LEVITIKUS 13:2 ပူးပေါင်းရင်းမြစ်များ

2 SAMUEL 3:29

Nali wile komutwe waJoab nokombada yepata laye alishe, ndele meumbo laJoab mu nokukala omunhu ou e na eshisho lomaxu ile oudu woshilundu ile ou ta endele keemhani ile ou ta dipawa keongamukonda ile ou a hepa omungome.

2 EEHAMBA 5:1

Ndele Naeman, ondjai yohamba yaAram, okwa li omulumenhu a fimana koshipala shomwene waye nokwa tumbalekwa kovanhu. Osheshi omolwaye Omwene okwa yandja kOvaarami efindano. Nomulumenhu okwa li omukwaita omuladi, ndelenee okwa li omunashilundu.

2 EEHAMBA 5:27

Onghee hano, oudu woshilundu waNaeman tau ka kanyatela mwoove nomoludalo loye fiyo alushe.” Nokwa dja po puye omunashilundu a toka tootoo.

JESAJA 1:6

Okudja koshififinwa fiyo okomutwe kape na nande onhele ya yela, ndelenee oipute noivadi noitoshoulwa, oyo inai tumbwa noinai mangwa, yo inai vaekwa omaadi.

JESAJA 3:17

opo nee Omwene ota menifa omakoko koluwewe lovana oukadona vaSion ndele te va monikifa epenge lavo.”

LEVITIKUS 13:1

Omwene okwa popya vali naMoses naAron ndele ta ti:

LEVITIKUS 13:3

Nomupristeli e nokutala onhele ei i noudu womoshipa shaye. Olududi lomevangwa ngeenge olitoka noshipa ngeenge sha footela opo, eshi osho nee oudu woshilundu. Omupristeli ngeenge te shi mono e noku mu lombwela, nokutya okwa nyata.

LEVITIKUS 13:8

Omupristeli ngeenge ta mono nokutya, evangwa la tandavela moshipa, opo nee omupristeli e noku mu tongola nokutya ou oo oudu woshilundu.

LEVITIKUS 14:3

nomupristeli e nokuya pondje yonhanda. Omupristeli ngeenge ta mono oudu woshilundu wa veluka, wa efa omunashilundu,

LEVITIKUS 14:35

mwene weumbo e nokuuya okulombwela omupristeli ndele ta ti: “Eumbo lange ola fa li noudu woshilundu.”

LEVITIKUS 14:56

noyoidinda noyeembulwa noyevangwa la mbuduka,

MALAKIA 2:7

Osheshi omilungu domupristeli di nokutuvikila okushiiva nomokanya kaye tamu ka kongwa elongo, osheshi ye omutumwa wOmwene womatanga ovakwaita.

NUMERI 12:10

Oshilemo eshi sha li she litumba sha dja petwali, tala, Mirjam okwa hangika koudu woshilundu, a toka ngaashi omongwa. Ndele Aron eshi e mu tala, okwe mu mona, ye omunashilundu.

NUMERI 12:12

Ino mu efa, a kale ngaashi okahanana ka fya, taka di mo moshidalelo shaina, olutu lako la ola kombinga imwe.”

MATEUS 8:4

Ndele Jesus okwe mu lombwela: “Tala, ino shi lombwela nande olyelye, ndele inda u ke liulike komupristeli, ove u ka yandje oshali sha tongwa kuMoses, shi va ningile ondobwedi.”

MARKUS 1:44

Ndele okwa tya kuye: “Tala, ino shi lombwela nande olyelye, ndele inda u ke liulikile komupristeli, ove u ka yandjele eveluko loye oshali osho sha tongwa kuMoses, shi va ningile ondobwedi.”

LUKAS 17:14

Ndele eshi e va mona, okwa tya kuvo: “Indeni mu ke liulikile kovapristeli.” Hano opa ningwa fimbo tava i, ova veluka.

LUKAS 5:14

Ye okwe mu kumaida ehe shi hepaululile nande omunhu, ndele a tya: “Inda u ke liulikile omupristeli, ove u ka yandjele eveluko loye eyambo, ngaashi Moses a tile, opo li ninge ondobwedi kuvo.”

DEUTERONOMION 24:8

“Lungameni oudu woshilundu, ove u diinine shili nokuwanifa omapukululo aeshe tamu longwa kovapristeli Ovalevi. Ame ngaashi nde va lombwela, nye mu noku shi diinina shili.

DEUTERONOMION 28:27

“NOmwene ote ku tumine omaxwambwa okuEgipiti noidinda nonghana nomavangwa, ndele ito dulu okuveluka kuyo.