LEVITIKUS 12:7 - Ombibeli Iyapuki

⁷ Ye e noku i yamba koshipala shOmwene noku mu kwatakanifa. Opo nee ye ota ka kala a koshoka ketiko lohonde yaye. Oyo omhango yomudali wokaana okamati ile okakadona.

LEVITIKUS 12:7 ပူးပေါင်းရင်းမြစ်များ

JOB 1:5

Ndele omafiku oitelekela eshi a pita po, Job okwa tuma ko ndele te va yapula. Opo nee Job ta fikama ongula inene ndele ta yambe omaxwikiloyambo akeshe umwe womuvo. Osheshi Job a diladila: Ovamwange kashiimba va nyona ndele va sheka Kalunga momitima davo! Osho Job a ninga alushe.

JOB 14:4

Mwaau a nyata, otamu di tuu ou a yela? Nande umwe.

LEVITIKUS 1:4

Ndele ye e nokutenheka eke laye komutwe wexwikiloyambo, opo nee tali ka tambulwa nohokwe ngaashi eyambo laye, ndele tali mu etele ekwatafano.

LEVITIKUS 12:6

Nomafiku oumwali konima yokudala okaana okamati ile okakadona, ngeenge a pwa, ye na ete odi yomudo umwe exwikiloyambo komupristeli nokanghutyona ile onghuti molwetimbayambo poshivelo shetwali leongalo.

LEVITIKUS 12:8

Ndelenee ye ngeenge ohepele iha dulu okulilandela odjona, ye e nokukufa omalyamono avali ile eenghutyona mbali, imwe exwikiloyambo naikwao etimbayambo. Nomupristeli e noku mu kwatakanifa. Opo nee ye ota kala a koshoka.

LEVITIKUS 15:15

nomupristeli e noku di yamba, imwe etimbayambo naikwao exwikiloyambo. Osho ngaha hano omupristeli ta kwatakanifa koshipala shOmwene ou a li e netiko lomahiyoyo.

LEVITIKUS 4:20

nokuninga ngaashi hashi ningwa ongobe yepanduloyambo naai osho i na okuningwa. Osho ngaha e nokuninga nayo; nomupristeli e noku va kwatakanifa ndele omanyono tae ke va diminwa po.

LEVITIKUS 4:26

Ye e nokuxwika po yo omakaadi aeshe koaltari ngaashi omakaadi epanduloyambo. Osho ngaha omupristeli e noku mu kwatakanifa omolwomanyonauno aye, ndele tae ke mu diminwa po.

LEVITIKUS 4:31

Nomakaadi aeshe ye e noku a kufa mo ngaashi omakaadi epanduloyambo a kufwa mo, nomupristeli e noku a xwika po koaltari edimba liwa kOmwene. Osho ngaha hano omupristeli te mu kwatakanifa, ndele omatimba aa tae ke mu diminwa po.

LEVITIKUS 4:35

Nomakaadi aeshe ye e noku a kufa mo ngaashi omakaadi odi yepanduloyambo haa kufwa mo, nomupristeli e noku a xwika po koaltari komundiloyambo wOmwene. Osho ngaha hano omupristeli e noku mu kwatakanifa molwomanyonauno aye e a ninga, ndele omatimba aa tae ke mu diminwa po.

OVAROMA 3:23

Osheshi aveshe ova nyona, novehe noshinge shaKalunga,

OVAROMA 3:26

opo a holole ouyuki waye mefimbo eli lopaife, Ye mwene a kale omuyuki, Ye a yukipalife ou a itavela Jesus.

1 OVAKORINTO 7:14

Osheshi omulumenhu ehe fi omwiitaveli, a yapulwa omolwomukainhu, nomukainhu ehe fi omwiitaveli a yapulwa omolwomulumenhu omwiitaveli; ngeno kakwa li ngaha, ngeno ovana veni ova nyata, ndelenee paife ovo ovayapuki.

OVAGALATI 3:28

Kape na vali Omujuda nOmugreka, kape na vali omupika nomudalwa, kape na vali omulumenhu nomukainhu; osheshi onye amushe umwe muKristus Jesus.