LEVITIKUS 12:3 - Ombibeli Iyapuki

³ Ndele mefiku etihetatu okaana okamati ke noku ka tetwa oshipa shonhele youlumenhu wako.

LEVITIKUS 12:3 ပူးပေါင်းရင်းမြစ်များ

EXODUS 22:30

Nosho yo u nokuninga noiveli yeengobe noyeedi doye. Nashi kale puina omafiku aheyali. Mefiku etihetatu shi yandja kwaame.

LEVITIKUS 12:4

Ndelenee omudali e nokukala meumbo omafiku omilongo nhatu naatatu fimbo oumwali waye tau oka. Na kale iha kumu sha shoshiyapuki ndele ita i ketwali liyapuki fiyo omafiku oumwali waye a pwa.

LEVITIKUS 15:3

Ndele oshiponga shaye molwokutika kwaye osheshi: moulumenhu waye ngeenge tamu tika omahiyoyo ile ngeenge oulumenhu waye wa fita, muye omu noshiponga.

LUKAS 1:59

Ndele efiku etihetatu ve uya va ka pitife okaana etanda, ndele ova hala ve ka lukile edina laxe Sakaria.

LUKAS 2:21

Ndele eshi pa pita omafiku ahetatu, okaana ka pita etanda nedina lako ola lukwa Jesus, olo tuu olo ke li lukwa komweengeli fimbo inaka holoka medimo laina.

OILONGA YOVAYAPOSTOLI 15:1

Ndele muJudea omwa dja vamwe ve uya oku, vo ova longa ovamwatate tava ti: “Ngeenge itamu piti etanda panghedi yaMoses, itamu dulu okuxupifwa.”

OVAROMA 3:19

Ndele fye otu shi shii, ashishe osho omhango tai shi popi, otai shi lombwele ava ve li koshi yomhango, opo okanya keshe ka mutikwe, nounyuni aushe u kale, u netimba koshipala shaKalunga;

OVAGALATI 3:17

Ndelenee onda hala okutya, ehangano la pamekwa kuKalunga muKristus, itali dimwa po komhango ye uya eshi pa pita omido omafele ane nomilongo itatu, neudaneko itali dimwa po kuyo.

OVAGALATI 5:3

Ndele keshe tuu omunhu te lipitififa etanda, ohandi mu lombwele, oye oku nokuwanifa omhango aishe.

DEUTERONOMION 30:6

NOmwene Kalunga koye ote ke ku pitifa etanda momutima woye, nomutima woludalo loye, opo u kale nokuhola Omwene Kalunga koye nomutima woye aushe nomwenyo woye aushe, opo u shiive okukala nomwenyo.

OVAFILIPPI 3:5

Ame ou nda pitifwa etanda mefiku etihetatu, aame womoludi laIsrael, womapata aBenjamin, Omuheberi womOvaheberi, pamhango Omufarisai,

OVAKOLOSSI 2:11

Muye mwa pitifwa etanda, hapitotanda eli hali ningwa nomake, ndelenee oleli lokulidula olutu lombelela, olo epitotanda laKristus,