LEVITIKUS 12:2 - Ombibeli Iyapuki

² Lombwela ovana vaIsrael u tye: Omukainhu ngeenge a ninga oufimba ngeenge a dala okaana okamati, ye e nokukala ina yela oule womafiku aheyali. Omafiku e fike pokumona ohani yaye e nokukala ina yela.

LEVITIKUS 12:2 ပူးပေါင်းရင်းမြစ်များ

GENESIS 1:28

Ndele Kalunga okwe va nangeka noupuna, nokwe va lombwela: “Dalafaneni nokuhapupala ndele yadifeni edu, lo nali kale mepangelo leni, ndele pangeleni oinamwenyo yomefuta needila dokeulu noinamwenyo aishe tai linyenge kombada yedu.”

GENESIS 3:16

Ye okwa lombwela omwalikadi ta ti: “Ame ohandi ke ku hapupalifila oudjuu moufimba woye. Ove to ka dala ounona voye nokuyehama. Ndele oto kala nokuhala omulumenhu woye, ndele ye ote ke ku pangela.”

2 SAMUEL 11:4

Opo nee David a tuma ovatumwa kuye ve ke mu tale. Ndele ye eshi e uya kuye, David okwa nangala naye, opo a hangika e lifeta molwohani yaye. Opo nee ye a shuna keumbo lavo.

JOB 14:4

Mwaau a nyata, otamu di tuu ou a yela? Nande umwe.

JOB 15:14

Omunhu ta dulu okukala ngahelipi a yela, ou a dalwa komukainhu ota dulu ngahelipi okukala omuyuki?

JOB 25:4

Omunhu ta dulu ngahelipi okukala omuyuki koshipala shaKalunga? Naau a dalwa komukainhu ota dulu ngahelipi okukala a yela?

OMAPSALOME 51:5

Tala, ame onda dalwa moulunde, nameme okwa dala nge moulunde.

LEVITIKUS 12:1

Omwene okwa popya vali naMoses ndele ta ti:

LEVITIKUS 12:5

Ndelenee ye ngeenge ta dala okaana okakadona, ye e nokukala oivike ivali mokuhayela kwaye ngaashi moumwali. Opo nee ye e nokukala omafiku omilongo hamano naahamano moumwali waye.

LEVITIKUS 15:19

“Ndelenee omukainhu ngeenge e netiko nohonde tai di muye, opo nee ye na kale omafiku aheyali mokutika kwaye. Nokeshe ou te mu kumu ota ka kala ina yela fiyo onguloshi.

LEVITIKUS 18:19

“Ino ehena komukainhu fimbo ye ina yela molwohani yaye, ove u mu dule eteta.

LEVITIKUS 5:3

ile mokuhashiiva ta kumu onyata yomunhu, ile keshe eshi tashi mu nyateke ndelenee ye e shi shiiva ndele ta pewa oushima,

LUKAS 2:22

Nomafiku avo elikosho opamhango yaMoses eshi a wana, ove ka twala kuJerusalem, ve ka twale koshipala shOmwene;