LEVITIKUS 11:8 - Ombibeli Iyapuki

⁸ Ombelela yayo inamu i lya noinamu i kuma, ngeenge ya fya. Yo inai koshoka kunye.”

LEVITIKUS 11:8 ပူးပေါင်းရင်းမြစ်များ

JESAJA 52:11

Djeni ko, djeni ko! Tembukeni ko, inamu kuma oshipo; djeni mo mokati kavo, lifeteni onye ovahumbati voitoo yOmwene.

HOSEA 9:3

Itava ka kala vali medu lOmwene, ndelenee Efraim e nokushuna kuEgipiti, nomuAsiria ve nokulya ei yoshidila.

LEVITIKUS 11:7

Nosho yo oshingulu, osheshi sho oshi nomakondo a pandjuka, heeno, ndelenee ihashi alula, inashi koshoka kunye.

LEVITIKUS 11:9

Mwaaishe ei i li momeva, lyeni aishe ei i nomilenge nomapeta i li momeva, mefuta nomomilonga. Oyo mu lya.

LEVITIKUS 5:2

ile umwe ngeenge mokuhashiiva ta kumu osho sha nyata, nge oshimuna ile oshaalangati she lifila, osho ihashi liwa, ngaha okwe linyateka nokupewa oushima,

MATEUS 15:11

Hasheshi hashi i mokanya tashi nyateke omunhu, ndelenee osheshi hashi di mokanya tashi nyateke omunhu.”

MATEUS 15:20

Oyo tuu ei tai nyateke omunhu; ndele okulya nomake inaa koshwa itaku nyateke omunhu.”

MARKUS 7:15

Kape na eshi shokombada tashi i momunhu, tashi mu nyateke, eshi tashi di momunhu, osho tashi mu nyateke.

MARKUS 7:18

Ndele Ye okwa tya kuvo: “Hamba, nanye yo kamu na eendunge? Kamu udite ko mboli? Keshe osho shokombada hashi i momunhu, ihashi mu nyateke.

MARKUS 7:2

Ndele eshi va mona ovalongwa vaye vamwe va lya omungome nomake inaa yela, okutya, inaa koshwa, ove va tala va nyona.

OILONGA YOVAYAPOSTOLI 10:28

Ndele ye okwa tya kuvo: “Nye omu shi shii Omujuda okwa dilikwa okweendafana nomunailongo nokuya kuye. Ndele Kalunga okwa ulikila nge, ndiha tye nande komunhu, ye ina yapulwa ile ye ina koshoka.

OILONGA YOVAYAPOSTOLI 15:29

Nye mu lidilike keshe eshi sha yambelwa oikalunga, nohonde nombelela ya fya oshuunguungu, nohole yoipala. Ngeenge tamu yepa ei, otamu ningi nawa. Kaleni nawa!”

OVAROMA 14:21

Oshiwa okukala iho li ombelela noiho nu omaviinyu, ndele ho lidilike keshe eshi tashi tondifa omumwaxo, tashi mu pundukifa ile tashi mu fifa oungone.

1 OVAKORINTO 8:8

Ndelenee oikulya itai tu ehenifa kuKalunga; ngeenge itatu li, ihatu kanifa sha, ngeenge hatu li, ihatu likola sha.

2 OVAKORINTO 6:17

Onghee: “Djeni mo mokati kavo nye mu liyoolole mo muvo, Omwene osho ta ti, nye inamu kuma eshi sha nyata; opo Ame ohandi mu tambula,

OVAEFESO 5:11

ndele inamu kala mu neendafano nande linini noilonga yomulaulu ihai imike, ndelenee oshipu mu i hanyene.

OVAEFESO 5:7

hano inamu kwatafana nayo pamwe naavo.

OVAKOLOSSI 2:16

Inamu itavela mu tokolwe hano nande okomunhu omolwokulya nokunwa, ile omolwoshivilo ile omolwohani ipe ile omolwEshabata,

OVAHEBERI 9:10

ndelenee ngaashi oinakuliwa noikwakunuwa, nomalikoshelo e lili no ku lili, oyo omhango yopambelela, ya tulwa po i kale fiyo efimbo lomhango ipe le uya.