LEVITIKUS 10:6 - Ombibeli Iyapuki

⁶ Opo nee Moses okwa lombwela Aron novana vaye ovamati Eliaser naItamar: “Taleni, muha efele eexwiki dokomutwe di endjelele, ndele inamu pombaula oikutu yeni, opo muha fye, nehandu laye liha hange eongalo alishe. Ndelenee ovamwaxo, eumbo alishe laIsrael nali lilile epeya eli la temwa kOmwene.

LEVITIKUS 10:6 ပူးပေါင်းရင်းမြစ်များ

2 SAMUEL 24:1

Nehandu lOmwene la xwama vali kOvaisraeli, ndele Ye okwa hongaifa David navo ndele ta ti: “Inda u ka vale Israel naJuda.”

ESRA 7:5

yaAbisua yaPinehas yaEliaser yaAron, omupristeli omukulunhu,

EXODUS 33:5

Osheshi Omwene okwa li a lombwela Moses: “Lombwela ovana vaIsrael: ‘Nye oshiwana shi nofingo ikukutu. Ame ngeno ndi kale punye mepakumo leisho Ame ngeno handi mu nyono po. Ndelenee kufeni hano paife omawapeko eni oufuuli, opo ndi shiive okudiladila eshi handi mu ningile.’ ”

EXODUS 6:23

Ndelenee Aron okwa hombola Eliseba, omona okakadona kaAminadab, omumwaina waNashon. Ndele ye okwe mu dalela: Nadab naAbihu, Eliaser naItamar.

JEREMIA 7:29

Kulula ko eexwiki doye dokomutwe, Jerusalem, u di ekeleshi ove u ka lile eenghali keemhunda, osheshi Omwene okwa ekelashi nokwa kandula po epupi la hangika kehandu laye.

LEVITIKUS 13:45

Natango, oikutu yomunashilundu ou e noudu i nokukala ya pombaulwa, neexwiki daye dokomutwe di nokweendjelela. Ye e nokutuvika yo eendjedi daye nokwiingida: “Omunashilundu! Omunashilundu!”

MIKA 1:16

Ninga epalu pokati komutwe ndele likululila ovamwoye. Epalu loye li kulula linene, li kale ngaashi lonhwa, osheshi vo ova dja po pwoove ndele va ya moupika.

NUMERI 1:53

Ndelenee Ovalevi ve nokwoonga onhanda keembinga adishe detwali liyapuki, ehandu liha holoke kombada yovana vaIsrael. Osho ngaha hano Ovalevi ve nokuyakula moilonga yetwali liyapuki.”

NUMERI 14:6

Ndele Josua yaNun naKaleb yaJefunne, vavali ava va ile okulava edu, ova pombaula oikutu yavo,

NUMERI 16:22

Ndelenee vo ove litwa oipala yavo poshi ndee tava ti: “Akutu Kalunga, Kalunga keemhepo dombelela aishe! Omulumenhu umwe ngeenge ta nyono, Ove to handukile tuu eongalo alishe?”

NUMERI 18:5

Ndele nye mu nokulonga oilonga yetwali liyapuki noilonga yoaltari, opo paha holoke vali ehandu kombada yovana vaIsrael.

NUMERI 20:25

Kufa Aron nomona waye Eliaser, ndele va twala komhunda yaHor.

NUMERI 5:18

Opo nee omupristeli e nokukaleka omukainhu koshipala shOmwene, ye na pandulule eexwiki dokomutwe womukainhu, ndee na tule edimbulukifoyambo momake aye, olo eendjayambo doukodi. Ndele meke lomupristeli mu nokukala omeva ouyehame mulula, oo taa eta etulomutima.

DEUTERONOMION 33:9

Ou ta tongo xe naina ta ti: ‘Ame nghi va shii,’ ndele ina shiiva ovamwaina novana ite va yavala. Osheshi vo ova tuvikila ondjovo yoye, ndele va diinina ehangano loye.

JOSUA 22:18

Ndele nye mwa hala paife okuliteeka Omwene; nye ngeenge tamu tu ondubo nOmwene, nena Ye ota ka handukila mongula eongalo alishe laIsrael.

JOSUA 22:20

Akan yaSera eshi a kufa mo moinima ya tokolelwa ehanauno, ehandu inali uya nani kombada yeongalo alishe laIsrael? Ndele haye mwene aeke a nyonauka molwokunyona kwaye.”

JOSUA 7:1

Ndelenee ovana vaIsrael ova nyona eaneno lavo mokukufa moinima ya tokolelwa ehanauno. Osheshi Akan yaKarmi yaSabdi yaSera womepata laJuda okwa kufa moinima ya tokolelwa ehanauno, onghee hano ehandu lOmwene la xwamena ovana vaIsrael.

JOSUA 7:11

Israel okwa nyona ndele a tauluka ehangano lange, eli nde li ninga navo, ndele okwa kufa yo moinima ya tokolelwa ehanauno ndele a vaka ndele meholeko e i tula moinima yaye.