LEVITIKUS 10:3 - Ombibeli Iyapuki

³ Opo nee Moses ta ti kuAron: “Eshi osho tuu osho Omwene e shi tile, eshi ta ti: ‘Mwaava ve li popepi naame, Ame nda hala okushiivifa ouyapuki wange nomoipafi yovanhu aveshe nda hala okulifimanekifa.’ ” Ndelenee Aron okwa mwena.

LEVITIKUS 10:3 ပူးပေါင်းရင်းမြစ်များ

GENESIS 18:25

Nashi kale kokule naave oku shi ninga: u nyonaune ovayuki pamwe novahenakalunga, opo ovayuki va tokolelwe ngaashi ovahenakalunga. Nashi kale kokule naave: Omutokoli wedu alishe ita tokola pauyuki?”

JOB 2:10

Ndelenee ye te mu nyamukula: “Ove to popi ngaashi elai tali popi! Fye ohatu tambula ouwa kuKalunga, nowii ngeno tuhe u tambule?” Pwaaishe oyo Job ina nyona sha nomilungu daye.

OMAPSALOME 119:120

Olutu lange otali kakama molwoutile, ndele handi tila molwomatokolo oye.

OMAPSALOME 148:14

Ovanhu vaye okwe va yelulila vali oluvinga, osho oshifimanekifi shovayuki voye aveshe, shovana vaIsrael, oshiwana shopolwamba laye. Halleluya!

OMAPSALOME 39:10

Oshimwati shoye shi alula ko kwaame; oudjuu weke loye otau ninginifa nge.

OMAPSALOME 39:9

Onda ponga, itandi makula okanya kange, osheshi Oove ou, we shi ninga.

OMAPSALOME 46:10

Ota ti: “Ngungumaneni, nye dimbulukweni, nokutya Aame andike Kalunga, nda tumbala mokati koiwana yoilongo, nda tumbala kombada yedu.”

OMAPSALOME 89:7

A fe Kalunga ou ha tilika moshiongalele shovayapuki, noku neshushu mwaaveshe ava hava kala puye.

OMAPSALOME 93:5

Omaufo oye oku shii kulineekelwa shili. Ouyapuki tau wapalele eumbo loye fiyo alushe, Omwene.

EXODUS 14:17

NAame ohandi ka kukutika omitima dOvaegipiti, opo tave uya tave mu shikula. Ndele Ame ohandi ke lifimanekifila muFarao nomeenghono adishe daye dovakwaita nomomatemba aye oita nomovalondi vaye veenghambe.

EXODUS 14:4

Ndele Ame ohandi ka kukutika omutima waFarao, opo venya ve va shikule. Ndele Ame nda hala okulifimanekifila muFarao nomeenghono adishe domatanga ovakwaita vaye, nOvaegipiti tava ka shiiva nokutya, Aame Omwene.” Nosho va ninga.

EXODUS 19:22

Novapristeli yo ava hava ehene kOmwene, vo ove nokuliyapula voovene, Omwene ehe va nyone po.”

EXODUS 19:24

Opo nee Omwene okwe mu lombwela: “Inda ko, londoloka. Opo nee ove naAron tamu londo pamwe, ndelenee ovapristeli novanhu inava tauluka omufinda va londe kOmwene, opo Omwene ehe va nyone po.”

EXODUS 30:30

Ove u nokuvaeka yo Aron novana vaye ovamati noku va yapulila okuyakula nge moshilonga shoupristeli.

JESAJA 39:8

Opo nee Hiskia okwa lombwela Jesaja, ndele ta ti: “Ondjovo yOmwene we i tonga oya wapala.” Ndele ye okwa tya vali: Momafiku ange otapa ka kala ombili, pehe na oumbada nokuli.

JESAJA 49:3

Ndele okwa lombwela nge ta ti: “Oove omupiya wange, oove Israel, Ame ohandi lifimanekele mwoove.”

JESAJA 52:11

Djeni ko, djeni ko! Tembukeni ko, inamu kuma oshipo; djeni mo mokati kavo, lifeteni onye ovahumbati voitoo yOmwene.

HESEKIEL 20:41

Ngaashi edimba liwa ohandi mu tambula, ngeenge handi mu pitifa mo moiwana ndele handi mu kongolola moilongo omo mwa halakanifilwa mo, ndele Ame ohandi ke mu lishiivifila, ngaashi Omuyapuki moipafi yoiwana.

HESEKIEL 28:22

u tye: Omwene Kalunga ta ti ngaha: ‘Tala, akutu Sidon, Ame ohandi ku vele ombedi, ndele Ame ohandi ke lifimanekifa mwoove. Ndele vo otava ka shiiva nokutya, Aame Omwene, Ame ngeenge handi wanifa muvo ehandu lange, ndele handi lihololele muye ngaashi Omuyapuki.

HESEKIEL 38:16

Ndele ove oto ka totela oshiwana shange Israel ngaashi oshilemo okuuvika oshilongo. Pexulilo lomafimbo tashi ka ningwa. Ame ohandi ke ku efela u lotokele oshilongo shange, oiwana opo i shiive nge, Ame ngeenge handi liholola ouyapuki wange mwoove Gog, moipafi yayo.”

HESEKIEL 40:46

Nokakololo oko, oshivelo shako sha taalela koumbangalanhu, oko kovapristeli hava yakula poaltari. Vo ovana vaSadok, ovo vomuLevi, tava shiiva okuya kOmwene, ve mu longele.

HESEKIEL 42:13

Opo nee ye okwa lombwela nge: “Omakololo lwokoumbangalanhu nomakololo lwokoumbuwanhu, aa taa taalele onhele ya tongolwa, oo omakololo mayapuki, omo ovapristeli tava ehene kOmwene, tava li eendja diyapukielela. Omo ve nokutula omayambo mayapukielela: eendjayambo, netimbayambo, okuvelombediyambo, osheshi onhele ei oyo iyapuki.

LEVITIKUS 21:15

Opo aha fife ohoni oludalo laye lomepata laye. Osheshi Aame Omwene ou handi mu yapula.”

LEVITIKUS 21:17

a lombwele Aron a tye: “Paha kale nande umwe womoludi loye ou e noshiponga shokolutu ta dulu okweehena a yambe eendja daKalunga kaye.

LEVITIKUS 21:21

Omulumenhu nande omupristeli womoludalo laAron, ngeenge e noshiponga shokolutu, ita dulu okweehena a yambe omundiloyambo wOmwene. Muye omu noshiponga shokolutu. Ye aha ehene a yambe eendja daKalunga kaye.

LEVITIKUS 21:6

Vo nava kale va yapulilwa Kalunga kavo, va hafife edina laKalunga kavo ohoni, osheshi vo ohava yambe omundiloyambo wOmwene, eendja daKalunga kavo. Onghee hano ovapristeli ve nokukala ovayapuki.

LEVITIKUS 21:8

Onghee hano ove u noku mu tala ye omuyapuki, osheshi ha yambe eendja daKalunga. Ye a kale omuyapuki kwoove, osheshi Aame omuyapuki, Ame ou handi mu yapula.

LEVITIKUS 22:9

Onghee hano vo nava diinine eenghedimhango dange, vaha nyone molweeshali diyapuki ndele vaha fye omolwado eshi ve di nyateka. Aame Omwene ou te va yapula.

LEVITIKUS 8:35

Nye mu nokukala poshivelo shetwali leongalo omafiku aheyali oufiku nomutenya. Nomu nokudiinina omalombwelo Omwene muha fye. Osheshi osho ngaha hano ame nda lombwelwa.”

NUMERI 16:5

Ndele ye okwa lombwela Kora nongudu yaye aishe ndee ta ti: “Ongula inene Omwene ta ka holola olyelye waye nalyelye omuyapuki nalyelye te mu itavelele okweehena kuye. Ou Ye ta hoolola Oye te mu itavelele okweehena kuye.

NUMERI 20:12

Opo nee Omwene okwa lombwela Moses naAron, ndee ta ti: “Nye eshi inamu itavela nge opo mu yapule nge moipafi yovana vaIsrael, onghee hano nye itamu ka twala eongalo eli medu linya nde li mu pa.”

MATEUS 10:37

“Keshe ou e hole xe ile ina komesho yange, oye ina wapalela nge; nakeshe tuu ou e hole omona waye omumati ile okakadona komesho yange, oye ina wapalela nge;

JOHANNES 12:28

Tate, fimanekifa edina loye.” Ndele meulu omwa dja ondaka: “Ame onde li fimanekifa nale, ndele ohandi li fimanekifa vali.”

JOHANNES 14:13

Ndele keshe eshi tamu indile medina lange, ohandi shi ningi, Tate opo a fimanekifwe mOmona.

DEUTERONOMION 32:51

shaashi nye mwa nyona kwaame mokati kovana vaIsrael pomeva eemhata muKades mombuwa yaSin, osheshi nye inamu yapula nge mokati kovana vaIsrael.

2 OVATESSALONIKI 1:10

mefiku olo te uya okuvadimifwa movayapuki vaye nokukuminwa movaitaveli vaye aveshe, osheshi onye omwa itavela ehepaululo twe li mu udifila.

1 PETRUS 4:17

Osheshi efimbo la fika, etokolo li hovele meumbo laKalunga; hano ngeenge tali hovele mufye, opo nee exulilo laavenya ihava dulika kevaengeli laKalunga, otali kala la tya ngahelipi?

1 SAMUEL 2:30

Onghee hano Omwene Kalunga kaIsraeli ta ti: ‘Ame nde shi tonga shili nokutya, eumbo loye neumbo laxo tali ka enda koshipala shange fiyo alushe.’ Ndelenee paife Omwene ta ti: ‘Ahowe, shi dalelwe! Osheshi ava hava fimaneke nge, Ame ohandi ke va fimaneka. Ndelenee ava tava dini nge, otava ka dinika.

1 SAMUEL 3:18

Ndele Samuel okwe mu hepaululila eendjovo adishe, ine mu holeka nande sha. Ndele ye ta ti: “Oye Omwene. Ye na ninge eshi tashi mu wapalele.”

1 SAMUEL 6:20

Opo nee ovalumenhu vomuBet-Semes tava ti: Olyelye ta dulu okuyakula moilonga koshipala shOmwene, Kalunga ou muyapuki? Ndele ta ka ya kulyelye eshi ta di pufye?