LEVITIKUS 10:2 - Ombibeli Iyapuki

² Opo nee omundilo wa dja koshipala shOmwene, ndele we va lungwinifa po, nova fila koshipala shOmwene.

LEVITIKUS 10:2 ပူးပေါင်းရင်းမြစ်များ

2 SAMUEL 6:7

Opo nee ehandu lOmwene la xwamena Ussa, ndele Kalunga okwe mu denga omolwaashi e shi kwata, onghee ye a fila poshikefa shaKalunga.

1 EEHAMBA 13:28

Opo nee ye a ya nokwa mona oshimhu sha nangala mondjila, fimbo ondongi nonghoshi ya li ofika poshimhu. Onghoshi inai lya oshimhu noinai nyanyaula ondongi.

1 EEHAMBA 18:38

Opo nee omundilo wOmwene wa wila poshi ndele tau xwike po exwikiloyambo noikuni nomamanya, nedu, heeno, tau lafa omeva a li momukangha.

2 EEHAMBA 1:10

Opo nee Elia ta nyamukula ndele ta ti komukulunhu womilongo nhano: “Ame ngeenge omulumenhu waKalunga, omundilo nau dje keulu, nau ku lungwinife po pamwe navoye omilongo nhano!” Nomundilo wa kuluka wa dja keulu ndele tau mu lungwinifa pamwe novaye omilongo nhano.

2 EEHAMBA 1:12

Opo nee Elia ta nyamukula ndele ta ti kuvo: “Ame ngeenge omulumenhu waKalunga, omundilo nau kuluke poshi nau dje keulu, ndele nau ku lungwinifa po pamwe navoye omilongo nhano.” Nomundilo waKalunga wa kuluka poshi, wa dja keulu, ndele tau mu lungwinifa po pamwe navaye omilongo nhano.

1 OMAFIMBO 13:10

Opo nee ehandu lOmwene la xwamena Ussa, nokwe mu dipaa, shaashi ye a kuma oshikefa neke laye, onghee hano ye okwa fya koshipala shaKalunga.

1 OMAFIMBO 15:13

Osheshi nye kamwa li po pehovelo, Omwene Kalunga ketu eshi e tu taula, shaashi inatu mu konga ngaashi sha wapala.”

1 OMAFIMBO 24:2

Ndelenee Nadab naAbihu va fya moipafi yaxe, ndele vo va li vehe novana ovamati, onghee hano Eliaser naItamar va yakula moshilonga shoupristeli.

JOB 1:16

Fimbo ta popi, umwe okwe uya vali ndele ta ti: “Omundilo waKalunga wa wa keulu ndele wa xwika po eedi novapiya ndele we va lungwinifa po. Ndele aame andike nda xupa po ndi shi ku shiivifile.”

OMAPSALOME 50:3

Kalunga ketu ote uya, Ye ita mwena; omundilo wokulungwinifa po, otau mu pitile komesho, nokafudaela kanene otake mu dingilile.

EXODUS 24:1

Opo nee Ye okwa lombwela Moses, ndele ta ti: “Londa, u ye kOmwene onye naAron naNadab naAbihu novakulunhu omilongo heyali vOvaisraeli, mu ke mu fimaneke nokulinyongamena mu li kokule.

JESAJA 30:33

Osheshi ediko ola pwa okulongekidwa nale, la longekidilwa yo ohamba Molek. Mokule ola fewa la mbwalangadja, mulo omwa tulwa omundilo noikuni ihapu. Nomufudo wOmwene ngaashi ekunguluko losulfuri otau li xwameke.

LEVITIKUS 10:5

Opo vo va ehena popepi nove va twala noikutu yavo yokoshi pondje yonhanda ngaashi Moses a tonga.

LEVITIKUS 16:1

Ndele Omwene okwa popya naMoses, ovana vavali vaAron eshi va fya eshi va ehena koshipala shOmwene;

LEVITIKUS 9:24

omundilo wa dja koshipala shOmwene, nowa xwika po exwikiloyambo noipambu yomakaadi koaltari. Ovanhu aveshe, eshi ve shi mona, eemwenyo davo da shambukwa nova wila eombe.

NUMERI 14:37

ovalumenhu tuu ovo va tandavelifa eendjovo dii dedu linya, ova fila moshiponga koshipala shOmwene.

NUMERI 16:35

Ndelenee omundilo wa dja kOmwene ndele wa lungwinifa po ovalumenhu venya Omafele avali nomilongo nhano ava va eta oitwiminifo.

NUMERI 16:49

Ndele ava va fila moshiponga eshi ova li ve fike povanhu omayovi omulongo naane nomafele aheyali, venya va fya omolwaKora inava valwa.

NUMERI 26:61

Ndele Nadab naAbihu ova fya, eshi va eta omundilo umwe uhe fi, wokoshipala shOmwene.

OILONGA YOVAYAPOSTOLI 5:10

Opo tuu opo ye a wila poshi okeemhadi daye nokwa fya; ndele ovalumenhu ovanyasha, eshi ve uya mo, ove mu hanga a fya, ove mu twala pondje ndele ove ke mu paka pomulumenhu waye.

OILONGA YOVAYAPOSTOLI 5:5

Ananias eshi a uda eendjovo edi, okwa wila poshi ndele okwa fya, aveshe ava ve shi uda, ova kwatwa ketilo linene.

1 OVAKORINTO 10:11

Ndelenee ei aishe oya ningilwa venya i kale elondwelo kufye noya shangwa oku tu kumaida, ofye ava twa hangika komaxulilo omafimbo ounyuni.

1 SAMUEL 6:19

NOmwene okwa dipaa ovanhu moonakukalamo muBet-Semes. Osheshi Ye okwa dipaa movanhu ovalumenhu omilongo heyali, shaashi va tala oshikefa shOmwene. Novanhu ova nyika oluhodi shaashi Omwene okwa dipaa vahapu vomuvo.