LEVITIKUS 10:1 - Ombibeli Iyapuki

¹ Ndele Nadab naAbihu, ovana ovamati vaAron, va kufa, keshe umwe, oshikwatelwa shomundilo, ndele va shakala mo omundilo nova tula ko oitwiminifo, ndele va eta koshipala shOmwene omundilo wa nyata, ou Ye ine u va lombwela.

LEVITIKUS 10:1 ပူးပေါင်းရင်းမြစ်များ

1 EEHAMBA 18:38

Opo nee omundilo wOmwene wa wila poshi ndele tau xwike po exwikiloyambo noikuni nomamanya, nedu, heeno, tau lafa omeva a li momukangha.

OMAPSALOME 141:2

Eindilo lange nali talwe kwoove, olo etwimino, neyelulo lomaoko ange, olo eyambo longuloshi.

EXODUS 24:1

Opo nee Ye okwa lombwela Moses, ndele ta ti: “Londa, u ye kOmwene onye naAron naNadab naAbihu novakulunhu omilongo heyali vOvaisraeli, mu ke mu fimaneke nokulinyongamena mu li kokule.

EXODUS 24:9

Moses naAron, Nadab naAbihu novakulunhu omilongo heyali vaIsrael va londa ko.

EXODUS 27:3

Ndele oikwatelwa yayo yokuyuka omute nosho yo oiyukifo yayo nomalwiyo ayo nomafoloko oikwatelwa yomakala. Oilongifo aishe u noku i ninga noshikushu.

EXODUS 28:1

“Ndele ifana Aron mumwanyoko, novana vaye ovamati pamwe naye movana vaIsrael ve uye kwoove, opo vo va shiive okulongela nge moshilonga shoupristeli: Aron, Nadab naAbihu, Eliaser naItamar, ovana vaAron.

EXODUS 31:11

nosho yo omaadi okuvaeka noitwiminifo yoimbodi yedimba liwa ketwali liyapuki. Naanaa ngaashi nde ku lombwela vo ove noku i ninga.”

EXODUS 37:29

nokwa ninga omaadi mayapuki okuvaeka noitwiminifo yoimbodi yedimba liwa, ngaashi omupiluli omunongo womaadi okuvava ta ningi.

EXODUS 38:3

Nokwa ninga yo oilongifo aishe yoaltari nokutya, eembiya noixupulo nomalonga noitwifo yeenyala noikwatelwa yomakala. Oinima yayo aishe e i ninga oshikushu.

EXODUS 40:27

Nokwa tema oitwiminifo yedimba liwa kuyo, ngaashi Omwene a lombwela Moses.

EXODUS 6:23

Ndelenee Aron okwa hombola Eliseba, omona okakadona kaAminadab, omumwaina waNashon. Ndele ye okwe mu dalela: Nadab naAbihu, Eliaser naItamar.

EXODUS 8:27

Tu lekela tu ka ende ondjila yomafiku atatu mombuwa, tu shiive okuyambela Omwene Kalunga ketu, ngaashi e tu lombwela.”

JEREMIA 19:5

ndele va tungila Baal oikulundu yomayambelo ndele va xwikila Baal ovana vavo omaxwikiloyambo, osho Ame inandi shi va lombwela noinandi va tongela nongaashi inashi uya mo momutima wange.

JEREMIA 32:35

Ndele va tungila Baal omitunda molufilu laBen-Hinnom, va xwikila Molek ovana ovamati noukadona omayambo, nande Ame inandi shi va lombwela noinandi shi diladila momutima wange, oixuna i fike apa i longwe ngeno; ove i hongaulifa Juda, a nyone.

JEREMIA 44:15

Ndele ovalumenhu aveshe ava va li ve shi shii, kutya ovakainhu vavo tava xwikile oikalunga imwe omayambo, novakainhu aveshe ava va kala ko ofika, ongudu inene, novanhu aveshe ava va kala muEgipiti nova kala muPatros ova nyamukula Jeremia ndele tava ti:

JEREMIA 44:8

Osheshi otamu handukifa nge noilonga yomake eni nokuxwikila oikalunga imwe omayambo moshilongo shaEgipiti oko mwe uya ko mu ka kale ovanailongo nosho ngaha tamu lishilile okunyonwa po, ndele tamu ningi ondjovo yefingano noyesheko mokati koiwana aishe yokombada yedu.

JEREMIA 7:31

Ndele molufilu laBen-Hinnom ova tungila mo Tofet eenduba dedu dokuyambela, opo va xwikile ko ovana ovamati noukadona, ndelenee Ame inandi shi va lombwela nongaashi inandi shi diladila nande.

LEVITIKUS 16:1

Ndele Omwene okwa popya naMoses, ovana vavali vaAron eshi va fya eshi va ehena koshipala shOmwene;

LEVITIKUS 16:12

Ye na yadife oshikwatelwa shomundilo nomakala a hanya okoaltari koshipala shOmwene. Ndele pamwe nao oitwiminifo yoimbodi yedimba liwa ya tuwa nawa i fike peke limwe noku i twala meni loshitukulifoyata.

LEVITIKUS 22:9

Onghee hano vo nava diinine eenghedimhango dange, vaha nyone molweeshali diyapuki ndele vaha fye omolwado eshi ve di nyateka. Aame Omwene ou te va yapula.

LEVITIKUS 9:24

omundilo wa dja koshipala shOmwene, nowa xwika po exwikiloyambo noipambu yomakaadi koaltari. Ovanhu aveshe, eshi ve shi mona, eemwenyo davo da shambukwa nova wila eombe.

NUMERI 16:46

Ndele Moses okwa lombwela Aron: “Kufa oshikwatelwa shomakala u teme ko omundilo woaltari, tula ko oitwiminifo, ndele endelela u shi twale keongalo u li kwatakanife, osheshi ehandu la dja kOmwene, oshiponga osha hovela nokuli.”

NUMERI 26:61

Ndele Nadab naAbihu ova fya, eshi va eta omundilo umwe uhe fi, wokoshipala shOmwene.

NUMERI 4:18

“Taleni, epata laKohat liha dimwe po kongudu yomapata Ovalevi.

DEUTERONOMION 12:32

“Ashishe eshi ame handi mu lombwele, sho omu noku shi diinina shili. Ino weda ko sha, ndele ino dima mo sha.

DEUTERONOMION 17:3

ndele ta i okulongela oikalunga imwe noku i linyongamena, ile etango ile ohani ile ongudu aishe yokeulu, Ame inandi shi tonga,

DEUTERONOMION 4:2

Kondjovo ei ame handi mu lombwele, inamu weda ko sha, nye inamu kufa ko sha. Opo mu shiive okudiinina oipango yOmwene Kalunga keni, ei ame handi mu lombwele.

OVAHEBERI 9:4

omo mwa li mu noaltari yoshingoldo yokutwimina, noshikefa shehangano sha vaekwa noshingoldo keembinga adishe, musho omwa li oshimbudju shoshingoldo omo mwa kala omanna, onhaili yaAron ya tutuma omafo noipelendemanya yehangano,