LEVITIKUS 1:3 - Ombibeli Iyapuki

³ “Eyambo laye ngeenge exwikiloyambo lomeengobe, ye e nokweeta ongobe yomhedi ihe noshipo. Ye e noku i eta koshivelo shetwali leongalo, opo e li monene okuhokiwa koshipala shOmwene.

LEVITIKUS 1:3 ပူးပေါင်းရင်းမြစ်များ

GENESIS 22:13

Ndele Abraham eshi a yelula omesho okwa mona, ndele tala, konima yaye odi yondume ya dingila eembinga dayo moshixwa. Ndele Abraham okwa ya ndele ta kufa odi yondume ndele te i yambe exwikiloyambo ponhele yomona waye.

GENESIS 22:2

Opo Ye ta ti: “Kufa Isak, omona woye ewifa, ou u mu hole, ndele inda kedu laMoria. Ndee oko to ke mu yamba exwikiloyambo komhunda oyo Ame handi ke ku ulikila.”

GENESIS 22:8

Ndele Abraham okwa nyamukula ta ti: “Kalunga ote ke limonena odi yexwikiloyambo, mumwange.” Osho ngaha vo vavali va enda pamwe.

GENESIS 8:20

Ndele Noa okwa tungila Omwene oaltari, ndele okwa kufa moinamwenyo aishe ya koshoka nomeedila adishe da koshoka, ndele okwa yamba omaxwikiloyambo koaltari.

2 OMAFIMBO 29:32

Nomuvalu womaxwikiloyambo, a etwa koshiongalele, wa li eengobe omilongo heyali, eedi efele deemhedi, oudjona omafele avali; aishe oyo exwikiloyambo lOmwene.

2 OMAFIMBO 35:12

ndele va tukula mo osho shokexwikiloyambo, ve shi yandje kovanhu vomoshiwana pamaumbo avo, ve shi yambele Omwene, ngaashi pa shangwa membo laMoses. Nosho yo va ninga neengobe.

OMAPSALOME 110:3

Oshiwana shoye oshe lilongekidila nehalo liwa unene, mefiku lehomono loye: momidjalowapeko diyapuki ovanyasha voye tava iluka ngaashi omume mekolo leluwa.

OMAPSALOME 40:8

Kalunga kange, okuwanifa ehalo loye, osho otashi nyakula nge, nomhango yoye oyo ya nyolelwa moule womwenyo wange.”

EXODUS 12:5

Yo i nokukala odjona ihe noshiponga, odi okamhedi komudo umwe. Tava dulu oku i kufa ngeenge meedi ile moikombo.

EXODUS 24:5

Ndele okwa tuma ovalumenhu ovanyasha Ovaisraeli. Vo ova yamba omaxwikiloyambo ndele va tomena Omwene eemhedi omapanduloyambo.

EXODUS 29:18

Opo nee u nokuxwika po odi aishe koaltari. Olo exwikiloyambo kOmwene, edimba liwa, heeno, olo omundiloyambo kOmwene.

EXODUS 29:4

Ifana Aron novana vaye ovamati ve uye koshivelo shetwali leongalo ndele va kosha nomeva.

EXODUS 29:42

Olo li nokukala exwikiloyambo laalushe komapupi nomapupi poshivelo shetwali leongalo, koshipala shOmwene, omo Ame handi ka shakena nanye ndi popye nanye omo.

EXODUS 32:6

Ndele mefiku lomongula va penduka ongula inene ndele va yamba omaxwikiloyambo nova eta omapanduloyambo. Opo nee ovanhu va kala omutumba va lye nova nwe, ndele va fikama okudana.

EXODUS 35:21

Ndele keshe umwe e nomutima wa penduka nakeshe umwe ou a fininikwa komhepo yaye, e uya. Vo ova etela Omwene eeshaliyambo koshilonga shokutunga etwali leongalo nokeyakulo alishe lomulo nokoikutu iyapuki.

EXODUS 35:29

Ovaisraeli aveshe ovalumenhu novakainhu ava ve nomitima de va fininika okweeta sha koilonga Omwene e i lombwela Moses i ningwe, ova etela Omwene oshaliyambo nehalo liwa.

EXODUS 35:5

Kufeni mwaai mu i kwete oshaliyambo kOmwene. Keshe umwe e nehalo liwa momutima waye ne shi ete, oshaliyambo kOmwene: oshingoldo noshisiliveli noshikushu,

EXODUS 36:3

Ndele vo ova tambula moipafi yaMoses eeshaliyambo adishe odo ovana vaIsrael ve di eta okushakenifa oilonga ei tai ningwa metwali. Ndelenee vo ove mu etela vali eeshaliyambo kehalo liwa ongula keshe.

EXODUS 38:1

Ye okwa ninga yo oaltari yexwikilo yomuti womwoonde. Oule wayo omaludimbo atano, nolumbubu layo omaludimbo atano, noule wopombada omaludimbo atatu, hano yo i neembinga nhee.

JESAJA 1:11

Omwene ta ti: “Omatomenoyambo eni mahapuhapu ohandi a ningi shike? Ame onda nyonyodola komaxwikiloyambo eedi nomaadi outana va ondolwa. Ohonde yeemhedi noyeedi noyoikombo inandi i hala.

HESEKIEL 20:40

Osheshi Omwene Kalunga ta ti: Komhunda yange iyapuki, komhunda ile yaIsrael, oko eumbo alishe laIsrael, vo aveshe, otava ka fimaneka nge moshilongo shavo. Oko Ame ohandi ke va hokwa, oko Ame ohandi kala nokuhala omayambo eni noipeyambo neeshali adishe deni diyapuki.

HESEKIEL 40:39

Nomehale loposhivelo mwa li oitaafula ivali kombinga imwe noitaafula ivali kombinga ikwao, opo exwikiloyambo, netimbayambo nokuvelombediyambo i tomenwe po.

LEVITIKUS 1:10

“Ndele ye ngeenge ta yambe odi ile oshikombo exwikiloyambo, e nokweeta odi yondume ihe na oshipo:

LEVITIKUS 14:10

Ndele mefiku etihetatu e nokukufa oudjona vavali vehe noshipo nokadjona okakadi komudo umwe kehe noshipo ndele e nokukufa oufila wa nakwa u fike peekilograma nhatu ngaashi eendjayambo mwa pilulilwa omaadi, nomaadi oshitatu sholita.

LEVITIKUS 16:7

Ye e nokukufa yo oikombo oyo ivali noku i tula koshipala shOmwene poshivelo shetwali leongalo.

LEVITIKUS 17:4

ndele ite i eta poshivelo shetwali leongalo a etele Omwene eyambo molwetwali liyapuki lOmwene, winya e netimba lohonde. Ye a tilashi ohonde, onghee ye e nokudimwa mo moshiwana shaye.

LEVITIKUS 17:8

“Va lombwela yo kutya, keshe umwe womeumbo laIsrael nomovanailongo hava kala mokati kavo, ou ta eta exwikiloyambo ile etomenoyambo,

LEVITIKUS 17:9

ndelenee ite li eta koshivelo shetwali leongalo e li yambele Omwene, ye e nokudimwa mo muvakwao.

LEVITIKUS 23:12

Mefiku tuu olo nye tamu dungadungifa oshipandi, mu nokuyambela Omwene odi yomudo umwe ihe noshipo exwikiloyambo,

LEVITIKUS 23:18

Pamwe nomingome mu nokweeta yo eedi heyali domudo umwe dihe noshipo nongobe onyasha yomhedi needi eendume mbali. Do otadi ningi exwikiloyambo kOmwene pamwe neendjayambo noikunwayambo ngaashi omundiloyambo wedimba liwa kOmwene.

LEVITIKUS 3:1

“Ndele eyambo laye ngeenge epanduloyambo, e nokweeta koshipala shOmwene oshinamwenyo shihe noshipo, ngeenge te shi eta meengobe, ongobe yomhedi ile ondema.

LEVITIKUS 4:15

novakulunhu veongalo ve nokutenheka omake avo komutwe wongobe yomhedi koshipala shOmwene, nongobe yomhedi i nokutomenwa koshipala shOmwene.

LEVITIKUS 4:23

ile omanyonauno aye e a ninga ngaha ngeenge a dimbulukiwa kuye, ye e nokweeta oshikombo shihe noshipo nokutya, oshikombo oshindume, osho eyambo laye,

LEVITIKUS 4:3

ngaashi ngeenge omupristeli a vaekwa ta nyono ndele ta ningi oshihopaelelwa shii kovanhu, omolwokunyona kwaye e nokweetela Omwene ongobe yomhedi onyasha ihe noshipo etimbayambo;

LEVITIKUS 4:32

“Ndelenee ye ngeenge ta eta etimbayambo laye okadjona, ye e nokweeta okakadi kehe noshipo,

LEVITIKUS 5:15

Omunhu ngeenge ta tauluka nomolwoungone ta nyono nokukufa sha shomwaayo ya yapulilwa Omwene, na etele Omwene ofuto odi ondume ihe noshipo yomoimuna opakuyeleka kwaye moisekeli oisiliveli pakushikula kwoisekeli yetwali liyapuki, ehandukulukifo.

LEVITIKUS 5:18

opo nee ye e noku ku etela moimuna yaye pakuyeleka kwaye odi yondume ihe noshipo. Nomupristeli e noku mu kwatakanifa omolwepuko laye lomokuhashiiva ndele tali mu diminwa po.

LEVITIKUS 6:2

“Umwe ngeenge ha nyono mokuhadulika kOmwene eshi ta anye nokutya, okwa tambula kumukwao eshi ye e mu pa ile a pewa kuye e shi tuvikile ile eshi ye e shi likufila ile a nyeka sha shamukwao moku mu fininika,

LEVITIKUS 6:8

Omwene okwa lombwela vali Moses ndele ta ti:

LEVITIKUS 7:16

“Ndelenee ye ngeenge ta eta eyambo ngaashi eudanekoyambo ile omulongeloyambo, nali liwe po efiku tuu olo ye a eta eyambo laye. Nefiku la shikula napa liwe po ei ya xupa po.

LEVITIKUS 8:18

Opo nee ye okwa etifila po odi yondume yexwikiloyambo, naAron novana ovamati vaye va tenheka omake avo komutwe wodi yondume,

LEVITIKUS 8:21

Ndelenee okwa kosha nomeva omandjadja nomakondo, ndele Moses okwa xwika po odi yondume aishe koaltari. Olo exwikiloyambo ngaashi edimba liwa, heeno, olo la li omundiloyambo wOmwene, Omwene ngaashi a lombwela Moses.

LEVITIKUS 9:2

ndele ta lombwele Aron: “Likufila onhana yondume inai lutulwa ngaashi etimbayambo, nodi yondume ngaashi exwikiloyambo, adishe mbali dihe noshipo. Di eta koshipala shOmwene.

SAKARIA 13:7

Eongamukonda, pendukila omufita wange, nomulumenhu wopwaamelela, Omwene womatanga ovakwaita ta ti! Denga omufita, eedi opo di lihane. Ndele Ame ohandi ka yambidida ava vaxupi nokwooko kwange.

MALAKIA 1:14

Omukengeleli na fingwe, ou e noshikombo oshindume mokati koikombo, ndele nande e shi udaneka, ta eta eshi shi noshipo osho a yambele Omwene. Osheshi Aame ohamba inene, Omwene womatanga ovakwaita ta ti, nedina lange ola tilika mokati kovapaani.

NUMERI 15:3

ndele mwa hala okuyambela Omwene omundiloyambo, exwikiloyambo netomenoyambo mu wanife eudaneko ile ngaashi oshali yehalo liwa ile moivilo yeni mu yambele Omwene edimba liwa leengobe, leedi ile loikombo,

NUMERI 15:8

“Ndele ngeenge to yambe ongobe onyasha yomhedi exwikiloyambo ile etomenoyambo u wanife eudaneko we li udanekele ile epanduloyambo lOmwene,

NUMERI 19:2

“Onghedimhango oyo tuu ei Omwene e i tongele ta ti: Lombweleni ovana vaIsrael, nave ku etele ondema itilyana ihe noshipo ndee molutu kamu noipo, ndele inai kala natango koshi yondjoko.

NUMERI 23:19

Kalunga ke fi pomunhu a fufye ngeno. Ile omona womunhu ye e lialuluke. Ye a tonga sha ngeno, ndelenee ite shi ningi mbela? Ile ta popi sha, ite shi wanifa hamba?

NUMERI 23:27

Balak ta ti vali kuBileam: “Ila nee, ame ohandi ku twala monhele imwe. Kashiimba sha yuka momesho aKalunga, ove u va lyangulile nge kwinya.”

NUMERI 23:3

Opo nee Bileam a lombwela Balak: “Kala ofika pexwikiloyambo loye, ame handi i kwinya. Kashiimba Omwene ta shakeneke nge, ndele keshe eshi Ye ta ulikile nge, ame ohandi ke shi ku shiivifila.” Ndele ye okwa ya koshikulundu shihe noixwa.

NUMERI 23:30

Ndele Balak osho a ninga Bileam ngaashi a hala, ndele okwa yamba ongobe imwe yomhedi nodi imwe yomhedi koaltari keshe.

NUMERI 28:11

“Ndele pehovelo leehani deni dipe nye mu nokweetela Omwene exwikiloyambo: eengobe eenyasha mbali deemhedi nodi imwe yomhedi, oudjona vaheyali vomudo umwe vehe noipo.

NUMERI 28:19

Ndelenee mu nokweetela Omwene exwikiloyambo: eengobe eenyasha deemhedi nodi imwe yomhedi noudjona vaheyali vomudo umwe. Ove nokukala vehe noipo kunye.

NUMERI 28:31

Ponho yexwikiloyambo lomafiku aeshe pamwe neendjayambo dalo, noikunwayambo yeni oyo nye mu noku i yamba. Oimuna i nokukala ihe noipo.

NUMERI 29:13

Ndele mu nokweetela Omwene exwikiloyambo, omundiloyambo wedimba liwa: eengobe eenyasha omulongo nanhatu deemhedi, eedi mbali deemhedi, oudjona omulongo navane vomudo umwe vehe noshipo.

NUMERI 29:2

Nye mu nokuyamba exwikiloyambo edimba liwa kOmwene: ongobe onyasha imwe yomhedi, odi imwe yomhedi, oudjona vaheyali vomudo umwe vehe noshipo,

LUKAS 1:35

Ndele omweengeli okwe mu nyamukula ta ti: “Omhepo Iyapuki otai ku dile kombada, neenghono daau wOkombadambada otadi ku tuvikile, onghee hano omudalwa ou omuyapuki ota ka lukwa Omona waKalunga.

JOHANNES 1:36

Ndele mokutala Jesus ou ta ende po, ye okwa tya: “Tala, Odjona yaKalunga.”

JOHANNES 10:7

Opo Jesus okwe va lombwela vali: “Oshilishili ohandi mu lombwele: Aame oshivelo sheedi.

JOHANNES 10:9

Aame oshivelo. Ngeenge pe na ou ta i mo ta piti mwaame, oye ta xupifwa, ndele ta kala nokuya mo nokudja mo, ndele ta mono oulifilo.

2 OVAKORINTO 8:12

Osheshi ehalo liwa lokuyandja ngeenge li li po, ola wapalela osho omunhu e shi kwete hasheshi ehe shi kwete.

2 OVAKORINTO 9:7

Keshe tuu na yandje ngaashi omutima waye tau mu lombwele, hanomunyengutima ile kefininiko, osheshi Kalunga e hole ou ta yandje nehafo.

OVAEFESO 2:18

Osheshi omolwaye ofyeni atusheni tu nomhito kuTate mOmhepo imwe.

OVAEFESO 5:27

opo a dule okukaleka ofika moipafi yaye mwene eongalo la yelifwa lihe nedilo ile eengonyoto ile oinima inai wapala, ndelenee li kale liyapuki nolihe noshipo.

DEUTERONOMION 12:27

ndele u nokuyamba omaxwikiloyambo oye nonhumba nohonde, koaltari yOmwene Kalunga koye, nohonde yomatomenoyambo i nokufininwa kombinga yoaltari yOmwene Kalunga koye. Ndelenee ombelela u noku i lya.

DEUTERONOMION 15:21

Ndelenee musho ngeenge omu noshipo sholutu, ngeenge tashi shongola ile oshipofi ile keshe oshipo shi shi na, opo nee ino shi yambela Omwene Kalunga koye.

DEUTERONOMION 17:1

“Omwene Kalunga koye ino mu yambela ongobe ile odi i noshipo shokolutu ile owii washa, osheshi sho oixuna koshipala shOmwene Kalunga koye.

OVAHEBERI 7:26

Heeno, omupristeli omukulunhu a tya ngaha okwe tu wapalela yo, omuyapuki ehe nomatimba, ke na nande oshipo, a yoololwa movalunde, nokwa ningwa munene a yelwa pombada yomaulu.

OVAHEBERI 9:14

unene hano ohonde yaKristus, ou a li ehe na nande oshipo, e liyandja Ye mwene eyambo kuKalunga okOmhepo yaalushe, oyo tai ka kosha omaliudo etu okoilonga ei ya fya okulongela Kalunga omunamwenyo.