LEVITIKUS 1:13 - Ombibeli Iyapuki

¹³ Ndelenee omandjadja nomakondo e noku a kosha nomeva, nomupristeli e noku a eta aeshe noku a xwikila po koaltari. Olo exwikiloyambo nokutya, omundiloyambo wedimba liwa kOmwene.

LEVITIKUS 1:13 ပူးပေါင်းရင်းမြစ်များ

GENESIS 8:21

Ndele omwene okwa li e udite edimba liwa, ndele Omwene okwe lipopila momutima waye ta ti: “Ame itandi ka finga vali edu molwovanhu, osheshi omadiladilo omutima womunhu omai kokudja kounona waye. Ndele itandi ka nyonauna po vali aishe i na omwenyo ngaashi nda ningile.

2 OMAFIMBO 4:6

Nokwa ninga eembalisha omulongo dokulikoshela nokwa tula nhano koumbuwanhu nanhano koumbangalanhu. Oinima yomaxwikiloyambo va li ve noku i kosha mo, ndelenee efuta la li po ovapristeli ve likoshe mo.

HESEKIEL 40:38

Nokakololo kamwe noshivelo shako ke li peengudi dopekuma poshivelo, oko va kosha omaxwikiloyambo.

LEVITIKUS 1:9

Ndelenee omandjadja nomakondo vo ve noku a kosha nomeva, nomupristeli e noku i xwika po aishe koaltari exwikiloyambo nokutya, omundiloyambo wedimba liwa kOmwene.

LEVITIKUS 2:11

“Omwene ina etelwa eendjayambo di nonhafi. Kape nonhafi nomaadi eenyiki taa xwikilwa Omwene momundiloyambo.

LEVITIKUS 2:2

ndele e noku i twaalela ovapristeli, ovana ovamati vaAron. Nomupristeli e noku kufa mo muyo shi fike peke limwe moufila wa nakwa, pamwe nomaadi noitwiminifo aishe i li mo, ndele ye e noku i xwikila po koaltari edimbulukifoyambo nokutya, omundiloyambo wedimba liwa kOmwene.

LEVITIKUS 3:5

Novana ovamati vaAron ve noku i xwika po koaltari kexwikiloyambo olo li li koikuni kombada yomundilo eshi osho omundiloyambo wedimba liwa kOmwene.

LEVITIKUS 4:31

Nomakaadi aeshe ye e noku a kufa mo ngaashi omakaadi epanduloyambo a kufwa mo, nomupristeli e noku a xwika po koaltari edimba liwa kOmwene. Osho ngaha hano omupristeli te mu kwatakanifa, ndele omatimba aa tae ke mu diminwa po.

LEVITIKUS 6:14

Nomhango yeendjayambo oyo ei: “Ovana ovamati vaAron ve noku di eta koshipala shOmwene poaltari.

LEVITIKUS 8:21

Ndelenee okwa kosha nomeva omandjadja nomakondo, ndele Moses okwa xwika po odi yondume aishe koaltari. Olo exwikiloyambo ngaashi edimba liwa, heeno, olo la li omundiloyambo wOmwene, Omwene ngaashi a lombwela Moses.

NUMERI 15:3

ndele mwa hala okuyambela Omwene omundiloyambo, exwikiloyambo netomenoyambo mu wanife eudaneko ile ngaashi oshali yehalo liwa ile moivilo yeni mu yambele Omwene edimba liwa leengobe, leedi ile loikombo,

NUMERI 15:4

hano ou ta etele Omwene eyambo e nokweeta eendjayambo oufila wa nakwa wokilograma imwe, mwa pilulilwa omaadi olita.

NUMERI 28:11

“Ndele pehovelo leehani deni dipe nye mu nokweetela Omwene exwikiloyambo: eengobe eenyasha mbali deemhedi nodi imwe yomhedi, oudjona vaheyali vomudo umwe vehe noipo.

NUMERI 28:8

Ndele odjona u noku i yamba onguloshi. U noku i yamba panghedi yeendjayambo dongula noikunwayambo yado, ngaashi edimba liwa kOmwene.”

DEUTERONOMION 12:27

ndele u nokuyamba omaxwikiloyambo oye nonhumba nohonde, koaltari yOmwene Kalunga koye, nohonde yomatomenoyambo i nokufininwa kombinga yoaltari yOmwene Kalunga koye. Ndelenee ombelela u noku i lya.