LEVITIKUS 1:10 - Ombibeli Iyapuki

¹⁰ “Ndele ye ngeenge ta yambe odi ile oshikombo exwikiloyambo, e nokweeta odi yondume ihe na oshipo:

LEVITIKUS 1:10 ပူးပေါင်းရင်းမြစ်များ

GENESIS 4:4

Ndele Abel yo okwa eta eshi sha dalwa tete shomoimuna yaye nokutya, omaadi ayo. Ndele Omwene okwa tala nokuhokwa Abel noiyandjiwa yaye,

GENESIS 8:20

Ndele Noa okwa tungila Omwene oaltari, ndele okwa kufa moinamwenyo aishe ya koshoka nomeedila adishe da koshoka, ndele okwa yamba omaxwikiloyambo koaltari.

EXODUS 12:5

Yo i nokukala odjona ihe noshiponga, odi okamhedi komudo umwe. Tava dulu oku i kufa ngeenge meedi ile moikombo.

HESEKIEL 43:22

Ndele mefiku etivali ove u nokweeta oshikombo shihe noshiponga ngaashi etimbayambo. Noaltari i nokuyapulwa ngaashi ya yapulwa nongobe yomhedi.

LEVITIKUS 14:10

Ndele mefiku etihetatu e nokukufa oudjona vavali vehe noshipo nokadjona okakadi komudo umwe kehe noshipo ndele e nokukufa oufila wa nakwa u fike peekilograma nhatu ngaashi eendjayambo mwa pilulilwa omaadi, nomaadi oshitatu sholita.

LEVITIKUS 16:3

Aron e nokuya monhele iyapuki noinima ei: nomhedi onyasha etimbayambo nodi exwikiloyambo.

LEVITIKUS 16:5

Ndele ye e nokutambula keongalo lovana vaIsrael oikombo yoindume ivali etimbayambo nodi imwe exwikiloyambo.

LEVITIKUS 22:19

vo ve noku di eta ngaha, opo va wapalele Omwene nokutya, oshinima oshindume shihe noshipo ngee eengobe ile eedi ile oikombo.

LEVITIKUS 23:12

Mefiku tuu olo nye tamu dungadungifa oshipandi, mu nokuyambela Omwene odi yomudo umwe ihe noshipo exwikiloyambo,

LEVITIKUS 3:1

“Ndele eyambo laye ngeenge epanduloyambo, e nokweeta koshipala shOmwene oshinamwenyo shihe noshipo, ngeenge te shi eta meengobe, ongobe yomhedi ile ondema.

LEVITIKUS 4:23

ile omanyonauno aye e a ninga ngaha ngeenge a dimbulukiwa kuye, ye e nokweeta oshikombo shihe noshipo nokutya, oshikombo oshindume, osho eyambo laye,

LEVITIKUS 4:3

ngaashi ngeenge omupristeli a vaekwa ta nyono ndele ta ningi oshihopaelelwa shii kovanhu, omolwokunyona kwaye e nokweetela Omwene ongobe yomhedi onyasha ihe noshipo etimbayambo;

LEVITIKUS 5:15

Omunhu ngeenge ta tauluka nomolwoungone ta nyono nokukufa sha shomwaayo ya yapulilwa Omwene, na etele Omwene ofuto odi ondume ihe noshipo yomoimuna opakuyeleka kwaye moisekeli oisiliveli pakushikula kwoisekeli yetwali liyapuki, ehandukulukifo.

LEVITIKUS 9:2

ndele ta lombwele Aron: “Likufila onhana yondume inai lutulwa ngaashi etimbayambo, nodi yondume ngaashi exwikiloyambo, adishe mbali dihe noshipo. Di eta koshipala shOmwene.

MALAKIA 1:14

Omukengeleli na fingwe, ou e noshikombo oshindume mokati koikombo, ndele nande e shi udaneka, ta eta eshi shi noshipo osho a yambele Omwene. Osheshi Aame ohamba inene, Omwene womatanga ovakwaita ta ti, nedina lange ola tilika mokati kovapaani.

NUMERI 15:5

Oikunwayambo u noku i yamba olita yomaviinyu akeshe odjona pamwe nexwikiloyambo ile netomenoyambo.

NUMERI 19:2

“Onghedimhango oyo tuu ei Omwene e i tongele ta ti: Lombweleni ovana vaIsrael, nave ku etele ondema itilyana ihe noshipo ndee molutu kamu noipo, ndele inai kala natango koshi yondjoko.

NUMERI 6:14

ndele ye e nokuyambela Omwene eyambo laye: odi yomudo umwe ihe noshipo exwikiloyambo, odi yonghadi yomudo umwe ihe noshipo etimbayambo, odi yomhedi ihe noshipo epanduloyambo,

JOHANNES 1:29

Efiku la shikula eli ye ota mono Jesus te uya kuye, ndele ta ti: “Tala, Odjona yaKalunga tai kufa po omatimba ounyuni.

1 PETRUS 1:19

ndelenee onohonde yaKristus i nondilo, ngaashi ei yodjona ihe noshipo noihe nonyata.