JOSUA 8:31 - Ombibeli Iyapuki

³¹ ngaashi Moses, omupiya wOmwene, a lombwelele ovana vaIsrael, nongaashi sha shangelwa membo lomhango yaMoses nokutya: “Oaltari ya tungwa nomamanya inaa hongwa,” aa inaa kumwa koshilongifo shoshivela. Ndele kusho va yambela Omwene omaxwikiloyambo ndele va toma omapanduloyambo.

JOSUA 8:31 ပူးပေါင်းရင်းမြစ်များ

2 EEHAMBA 14:6

Ndelenee ina dipaa ovana vovadipai, ngaashi pa shangwa momhango yaMoses, omo Omwene ta ti: “Ooxe itava ka fila ovana vavo, novana itava ka fila ooxe. Ndelenee keshe umwe ota file etimba laye mwene.”

2 EEHAMBA 22:8

Opo nee omupristeli omukulunhu Hilkia ta ti komushangi Safan: “Ame nda mona embo lomhango mongulu yOmwene.” Ndele Hilkia a yandja embo kuSafan, ndele ye okwe li lesha.

2 OMAFIMBO 25:4

Ndelenee ina dipaa ovana vovadipai, ngaashi pa shangwa momhango yaMoses, omo Omwene ta ti: “Ooxe itava ka fila ovana vavo, novana itava ka fila ooxe. Ndelenee keshe umwe ota file etimba laye mwene.”

2 OMAFIMBO 35:12

ndele va tukula mo osho shokexwikiloyambo, ve shi yandje kovanhu vomoshiwana pamaumbo avo, ve shi yambele Omwene, ngaashi pa shangwa membo laMoses. Nosho yo va ninga neengobe.

ESRA 6:18

Ndele va tula po ovapristeli paengudu davo nOvalevi paengudu davo va longele Kalunga muJerusalem ngaashi sha shangwa membo laMoses.

NEHEMIA 13:1

Efiku tuu olo va leshela momatwi ovanhu momhango yaMoses. Ndele omo mwa shangwa nokutya, nande Omuammoni ile Omumoabi umwe ita itavelelwa okuuya fiyo alushe meongalo laKalunga.

EXODUS 18:12

Opo nee Jetro, xemweno yaMoses, okwa yambela okufimaneka Kalunga exwikiloyambo netomenoyambo. Ndele Aron novakulunhu aveshe vaIsrael ve uya va lye pamwe naxemweno yaMoses moipafi yaKalunga.

EXODUS 24:5

Ndele okwa tuma ovalumenhu ovanyasha Ovaisraeli. Vo ova yamba omaxwikiloyambo ndele va tomena Omwene eemhedi omapanduloyambo.

MATEUS 12:26

Ndele ngeenge Satana ta te mo Satana mukwao, hano oye okwe litwila ondubo muye mwene, oshilongo shaye otashi kala po ngahelipi?

DEUTERONOMION 27:2

Mefiku tuu olo nye tamu ka tauluka Jordan ndele tamu i moshilongo Omwene Kalunga keni ta ka yandja, nye mu nokudika omamanya manene noku a kolongifa nomunoko.

DEUTERONOMION 27:8

Ndele ove u nokushangela momamanya eendjovo adishe domhango ei di wetike nawa.”

JOSUA 1:8

Embo lomhango ei iha dje mo mokanya koye, ndelenee i konakona omutenya noufiku, opo u shiive okuwanifa naanaa ashishe eshi sha shangelwa mo. Osheshi osho ove to ka kala u nelao meendjila doye ndele oto kala nouwa.