JOSUA 7:4 - Ombibeli Iyapuki

⁴ Opo nee ovanhu kashiimba ve fike pomayovi atatu va ya ko. Ndelenee vo va li ve nokuya onhapo komesho yovalumenhu vaAi.

JOSUA 7:4 ပူးပေါင်းရင်းမြစ်များ

OMAPSALOME 89:43

Osho vali omukonda waye weememo owe u shunifa monima molwoodi, Ove ino mu pamekela mo ofika.

JESAJA 30:17

Ovanhu veni eyovi limwe, otava ka ya onhapo konghuwo yomunhu umwe, otamu twala onhapo konghuwo yovanhu vatano, fiyo oshixupe sheni tashi kala ngaashi edidilikoshiti la dikwa komhunda nongaashi oshiti shepandela shi li petunda.

JESAJA 59:2

ndelenee omanyonauno eni e mu tukula muKalunga keni, nomatimba eni okwa tuvika oshipala shaye aha ude ko.

LEVITIKUS 26:17

Ndele oshipala shange Ame ohandi ke shi mu taalelifila nehandu, opo nye mu tewatewe kovatondadi veni. Novatondadi veni tave ke mu pangela, ndele nye otamu ke litwala onhapo nande pehe na ou te mu taataa.

DEUTERONOMION 28:25

“Omwene te shi ningi nokutya, ove to tewa kovatondadi voye. Nondjila imwe to i u ke va shakeneke, ndelenee neendjila heyali ove to ke va ya onhapo; ndele ove to ka ninga oixuna koilongo aishe kombada yedu.

DEUTERONOMION 32:30

Umwe ta dulu ngahelipi okutaataa eyovi ndele vavali okutaataa omayovi omulongo, ongeenge emanya lavo inali va landifa po nOmwene ngeenge ine va efa po.

JOSUA 7:3

Vo eshi va aluka kuJosua, ove mu hokololela: “Oshiwana ashishe itashi pumbwa okuya ko, shapu ovalumenhu omayovi avali ile omayovi atatu otava dulu okuya, ndele tava ka ta Ai. Inamu monifa omatanga aeshe ovakwaita oixuna, osheshi venya ve li ko ovanini.”