JOSUA 7:25 - Ombibeli Iyapuki

²⁵ Ndele Josua okwa tya: “Omolwashike we tu twala momupya! Omwene ote ke ku twala nena eli momupya?” Opo nee Ovaisraeli aveshe ve mu dipaa nomamanya ndele vo ove va xwika po nomundilo, ndele ve va kupula nomamanya.

JOSUA 7:25 ပူးပေါင်းရင်းမြစ်များ

GENESIS 34:30

Opo nee Jakob a lombwela Simeon naLevi ta ti: “Nye omwa twala nge momupya nomokuhandukilwa koonakukala moshilongo eshi nokOvakaanan nokOvaperesi. Ongudu yange oinini. Ngeenge va hangakene nge, otava ka dula nge, naame nepata lange otali ka kombwa po.”

GENESIS 38:24

Ngeno eshi pa pita eehani nhatu, Juda okwa shiivifilwa nokutya: “Tamar, oshitenya shoye okwa haelwa, nokwa ninga oufimba mokuhaelwa!” Ndele Juda okwa nyamukula ta ti: “Mu twaleni ko a ka xwikwe po.”

1 OMAFIMBO 2:7

Novana ovamati vaKarmi ovava: Akar, ou a twala Israel momupya, eshi a kufa oinima ya hoololelwa ehanauno.

OMAYELETUMBULO 1:19

Osho ngaha tashi ningilwa aveshe ava have likongele omamona oulunde: Oo otae va kufa omwenyo.

OMAYELETUMBULO 15:27

Ou te likongele eliko loipupulu, ota hanauna po eumbo laye. Ndele ou ha tondo ombubo, ota kala nomwenyo.

LEVITIKUS 20:14

Nomulumenhu ngeenge ta hombola omukainhu na ina yomukainhu ou, osho oshififahoni. Vo ve noku va xwika po momundilo aveshe vavali. Mokati keni muha kale onhiko nande.

LEVITIKUS 20:2

“Keshe umwe womovana vaIsrael nowomovanailongo hava kala muIsrael, ou ta yandje kuMolek ounona vaye, ye e nokufya shili. Ovanhu vomoshilongo nave mu dipae nomamanya.

LEVITIKUS 21:9

Nomona okakadona komupristeli ngeenge te lififa ohoni mokuhaelwa, ye ota fifa xe ohoni. Ye e nokuxwikwa po momundilo.

LEVITIKUS 24:14

“Twala omutukani pondje yonhanda, naaveshe ava ve mu uda ta tukana, ve nokutenheka omake avo komutwe waye. Opo nee eongalo alishe nali mu dipae nomamanya.”

OVAGALATI 5:12

Ovapiyaaneki veni ngeno ove lilutule, ngeno xwepo!

DEUTERONOMION 13:10

Ndele ove u noku mu dipaa nomamanya. Osheshi ye a hetekela oku ku hongaula u liteeke kOmwene Kalunga koye, ou e ku pitifa mo medu laEgipiti, meumbo loupika.

DEUTERONOMION 13:11

Ndele Israel ashishe shi noku shi uda nokutila, ndele vo itava ka ninga vali oixuna ya tya ngaha mokati keni.

DEUTERONOMION 17:5

ove u nokutwala omulumenhu ou ile omukainhu ou a ninga owii u fike opo, komesho yeenhu doye, omulumenhu ile omukainhu u mu dipae nomamanya.

DEUTERONOMION 21:21

Opo nee ovalumenhu aveshe vomoshilando ve noku mu dipaa nomamanya. Osho ngaha hano mu nokudima po owii mokati keni; naIsrael ashishe tashi ke shi uda nokutila.

2 OVATESSALONIKI 1:6

Kalunga okwe shi tala sha yuka okwaalulila ovahepeki veni omahepeko,

OVAHEBERI 12:15

Litaleni, paha kale nande umwe te likufa mefilonghenda laKalunga, paha tutume nande omudi woululu mokati keni ndele tau eta edundakano ndele vahapu tava nyatekwa kuwo.

JOSUA 6:18

Ndelenee lungameni shili mu kukume eshi sha yapulilwa ehanauno, muha hangike ketulomutima, ngeenge tamu kufa sha shomoinima ya yapulilwa okuhanaunwa po, nena otamu twala onhanda yaIsrael koshi yetulomutima ndele tamu i etele omupya.

JOSUA 7:15

Ndele ou a monika e noinima ya tongolelwa ehanauno, e nokuxwikwa po nomundilo, ye naaveshe ava ve li puye, osheshi ye okwa tauluka ehangano lOmwene nokwa ninga oshilonga shefifohoni muIsrael.”

1 SAMUEL 14:29

Ndee Jonatan ta ti: “Tate ta twala oshilongo momupya. Tala, omesho ange nhumbi taa yela paife, eshi nda makela omaadi manini eenyiki.