JOSUA 7:24 - Ombibeli Iyapuki

²⁴ Opo nee Josua nOvaisraeli aveshe pamwe naye ova kufa Akan yaSera pamwe noshisiliveli noshikutu shokombada nokaila yoshingoldo novana vaye ovalumenhu noukadona neengobe daye neendongi daye needi daye netwali laye naashishe shaye ndele vo ve i twala kefilu laAkor.

JOSUA 7:24 ပူးပေါင်းရင်းမြစ်များ

GENESIS 18:25

Nashi kale kokule naave oku shi ninga: u nyonaune ovayuki pamwe novahenakalunga, opo ovayuki va tokolelwe ngaashi ovahenakalunga. Nashi kale kokule naave: Omutokoli wedu alishe ita tokola pauyuki?”

JOB 20:15

Okwa pona po oupuna, ndelenee e noku u kunga mo vali. Medimo laye Kalunga te u taataa mo.

EXODUS 20:5

“Ino linyongamena moipafi yayo ndele ino i longela. Osheshi Aame Omwene Kalunga koye, Aame Kalunga omuladi, ou ta kongolola omanyono ooxe kovana fiyo okepupi etitatu netine, kwaava hava tondo nge.

OMAYELETUMBULO 15:27

Ou te likongele eliko loipupulu, ota hanauna po eumbo laye. Ndele ou ha tondo ombubo, ota kala nomwenyo.

OMUUDIFI 5:13

Nda mona koshi yetango oshiponga shidjuu: oupuna owo wa tuvikilila oshipuna omupya.

JESAJA 65:10

Ndele Saron otashi ka ninga oulifilo weedi, nefilu laAkor otali ka ninga onhele yokwoomba eengobe, oloshiwana shange eshi sha konga nge.

HOSEA 2:15

Okudja oko ohandi ke mu pa oikokola yomiviinyu daye, nefilu laAkor li ninge oshivilo sheteelelo, ndele ye ota ka dulika ngaashi nale pomafiku ounyasha waye nongaashi mefiku linya a dja medu laEgipiti.

JOSUA 15:7

Opo nee omufinda tau ende kuDebir okudja kefilu laAkor ndele tau ngolyokele koumbangalanhu waGilgal osho sha shaama naAdummim, kombinga yokoumbuwanhu wokamulonga. Opo nee omufinda tau taulula omeva olufifiya laSemes fiyo tau xulile polufifiya laRogel.

JOSUA 22:20

Akan yaSera eshi a kufa mo moinima ya tokolelwa ehanauno, ehandu inali uya nani kombada yeongalo alishe laIsrael? Ndele haye mwene aeke a nyonauka molwokunyona kwaye.”

JOSUA 6:18

Ndelenee lungameni shili mu kukume eshi sha yapulilwa ehanauno, muha hangike ketulomutima, ngeenge tamu kufa sha shomoinima ya yapulilwa okuhanaunwa po, nena otamu twala onhanda yaIsrael koshi yetulomutima ndele tamu i etele omupya.

JOSUA 6:21

Naashishe eshi sha li moshilando, ove shi dipaa neongamukonda, omulumenhu nomukainhu, omunyasha nomukulunhu fiyo okongobe nodi nondongi.

JOSUA 7:1

Ndelenee ovana vaIsrael ova nyona eaneno lavo mokukufa moinima ya tokolelwa ehanauno. Osheshi Akan yaKarmi yaSabdi yaSera womepata laJuda okwa kufa moinima ya tokolelwa ehanauno, onghee hano ehandu lOmwene la xwamena ovana vaIsrael.

JOSUA 7:23

Ndele vo ve i kufa mo metwali ndele ve i twala kuJosua nokovana aveshe vaIsrael, ndele ve i tula koshipala shOmwene.

JOSUA 7:26

Ndele vo ove mu ndubila onduba inene yomamanya ei i li po fiyo onena eli. Opo nee Omwene okwa handukuluka koupyuhandu waye. Onghee hano onhele inya otai ifanwa fiyo onena eli Efilu laAkor.