JOSUA 6:6 - Ombibeli Iyapuki

⁶ Opo nee Josua yaNun okwa ifana ovapristeli ndele okwe va lombwela ta ti: “Kufeni oshikefa shehangano, novapristeli vaheyali nava humbate omanghuma aheyali eembinga deedi deemhedi komesho yoshikefa shOmwene.”

JOSUA 6:6 ပူးပေါင်းရင်းမြစ်များ

EXODUS 25:14

Nomitengi odo di xwekela mo meengodo di li kombinga nombinga yoshikefa, oshikefa opo shi humbatwe nado.

OILONGA YOVAYAPOSTOLI 9:1

Ndelenee Saulus ou okwa fula onya natango nedipao lovalongwa vOmwene. Ye okwa ya komupristeli omukulunhu,

JOSUA 24:11

Nye eshi mwa tauluka Jordan ndele mwe uya kuJeriko, opo nee oonakukala muJeriko nOvaamori nOvaperesi nOvakaanan nOvaheti nOvagirgasi nOvahevi nOvajebusi ve mu lwifa. Ndelenee Ame onde va yandja momake eni,

JOSUA 3:3

ndele va lombwela ovanhu tava ti: “Nye ngeenge tamu mono oshikefa shehangano lOmwene Kalunga keni novapristeli Ovalevi ava tave shi humbata, nye mu nokufikama mu dje meenhele deni noku shi shikula.

JOSUA 3:6

Ndele Josua okwa popya novapristeli ndele ta ti: Tumbeni oshikefa shehangano mu pite komesho yovanhu. Opo nee va kufa oshikefa shehangano ndele va pita komesho yovanhu.

JOSUA 6:13

Novapristeli vaheyali ava va humbata omanghuma aheyali eembinga deedi deemhedi ova enda komesho yoshikefa shOmwene efimbo alishe ndele va shika omanghuma fimbo ovakwaita va enda komesho yavo. Nongudu yovanhu oya enda konima yoshikefa shOmwene, fimbo omanghuma a shikwa efimbo alishe.

JOSUA 6:5

Ndele vo ngeenge tava shiki omanghuma eembinga deedi deemhedi mokutwaalela, nye ngeenge tamu udu ondaka yomanghuma, ovanhu aveshe ve nokuyelula ondaka nokwiingida pombada. Opo nee ohotekuma yoshilando tai ka ngumauka po monhele yayo. Novanhu ve nokutotela mo, keshe umwe ta yukilile.”

JOSUA 6:7

Ndele okwa lombwela ovanhu: “Indeni mu ka dingilile oshilando. Ndelenee ava va ve nokutetekela oshikefa shOmwene.”

JOSUA 6:8

Opa ningwa, Josua eshi a lombwela ovanhu, ovapristeli vaheyali va humbata omanghuma aheyali eembinga deedi deemhedi ova enda koshipala shOmwene ndele va shika omanghuma, fimbo oshikefa shehangano lOmwene she va shikula.

1 SAMUEL 4:3

Ovakwaita fimbo tave uya monhanda, ovakulunhu vOvaisraeli tava ti: Omolwashike Omwene e tu taataifa nena kOvafilisti? Natu ka taleni oshikefa shehangano shOmwene muSilo shi kale mokati ketu ndele tashi tu xupifa momake ovatondadi vetu.