JOSUA 6:4 - Ombibeli Iyapuki

⁴ Novapristeli vaheyali ve nokuhumbata omanghuma aheyali eembinga deedi deemhedi komesho yoshikefa. Ndelenee efiku etiheyali nye mu nokudingilila oshilando luheyali. Novapristeli ve nokushika omanghuma.

JOSUA 6:4 ပူးပေါင်းရင်းမြစ်များ

GENESIS 2:3

Ndele Kalunga okwa nangeka noupuna efiku etiheyali nokwe li yapula, shaashi Ye omo a tulumukwa koilonga yaye aishe e i shita noku i ninga.

1 EEHAMBA 18:43

Opo nee ta ti komupiya waye: “Londa ko u ka taalele langhele kefuta.” Ye okwa londa ndele ta liamene ko, ndelenee ta ti: “Kaku na sha!” Oye kwa tya: “Shuna ko vali! Osho ngaha luheyali.”

2 EEHAMBA 5:10

Opo nee Elisa a tuma kuye omutumwa e mu lombwela: “Inda u ke likoshe luheyali muJordan, opo nee olutu loye tali ka kala ngaashi shito, ndele ove to ka yela.”

2 EEHAMBA 5:14

Opo nee a londoloka ndele ta ningine mo luheyali muJordan pandjovo yomulumenhu waKalunga. Nolutu laye la kala ngaashi shito, ngaashi olutu lomunyasha, ndele okwa yela.

2 OMAFIMBO 13:12

Ndele taleni, pamwe nafye, heeno, omupitili komesho yetu Oye Kalunga, novapristeli pamwe nomanghuma onghuwo oku mu shikila onghuwo. Ovana vaIsrael, inamu lwifa Omwene Kalunga kooxo, osheshi itamu ka kala nelao.”

2 OMAFIMBO 20:17

Hanye tamu ka lwa. Fikameni, kaleni mu li ofika ndele taleni nhumbi Omwene te mu xupifa, nye Ovajuda noonakukalamo muJerusalem.’ Inamu tila ndele inamu haluka. Mongula fikameni mu va homone, nOmwene ta ka kala pamwe nanye.”

2 OMAFIMBO 20:19

NOvalevi vomovana Ovakohati novomovana Ovakora, va kala ofika va hambelele Omwene, Kalunga kaIsrael nondaka inene.

2 OMAFIMBO 20:21

Ndele ye okwa kundafana novanhu nokwa tula ovaimbi okuhambelela Omwene, va djala omidjalo diyapuki ndele tava piti komesho yovakwaita tava imbi tava ti: “Hambeleleni Omwene, osheshi onghenda yaye tai kalelele fiyo alushe!”

JOB 42:8

Kufeni hano paife eengobe heyali deemhedi needi heyali deemhedi, mu ka ye komupiya wange Job nye mu twale exwikiloyambo leni, omupiya wange Job ne mu ilikanene. Osheshi molwaye aeke, opo ndi ninge osho e shi hokwa, itandi mu handukile noku mu fifa ohoni, osheshi nye inamu popya nge eendjovo da yuka ngaashi omupiya wange Job.”

JESAJA 27:13

Ndele mefiku tuu olo enghuma linene otali ka shikwa, naaveshe ovo va kanena medu laAsiria naava va twalelwe kuEgipiti, otava alukile keumbo lavo, ndele tave ke linyongamena Omwene komhunda iyapuki muJerusalem.

LEVITIKUS 14:16

Opo nee omupristeli e nokutwa omunwe weke lokolulyo momaadi aa e li meke lokolumosho nokushamina omaadi nomunwe waye luheyali koshipala shOmwene.

LEVITIKUS 4:6

nomupristeli e nokutwa omunwe waye mohonde nokushamina ohonde luheyali koshipala shOmwene, komesho yoshitukulifoyata shetwali liyapuki.

SAKARIA 4:2

Ndele ye okwa tya kwaame: “Ou wete shike?” Ame nda nyamukula: “Ndi wete oshikwatelwashela shoshingoldoelela, nokombada yasho oshiyuma shasho shomaadi neelamba dasho heyali kombada yasho nominino heyali da tondokifila mo omaadi meelamba da kala kombada yasho.

SAKARIA 4:6

Opo nee ye okwa nyamukula ndele ta ti kwaame: “Ondjovo yOmwene kuSerubbabel oyei, nokutya: Hakeenghono ile kefininiko, ndelenee okOmhepo yange, Omwene womatanga ovakwaita ota ti.

NUMERI 23:1

Opo nee Bileam okwa lombwela Balak: “Tungile nge eealtari heyali u longekidile nge eengobe heyali deemhedi needi deemhedi.”

JOSUA 6:13

Novapristeli vaheyali ava va humbata omanghuma aheyali eembinga deedi deemhedi ova enda komesho yoshikefa shOmwene efimbo alishe ndele va shika omanghuma fimbo ovakwaita va enda komesho yavo. Nongudu yovanhu oya enda konima yoshikefa shOmwene, fimbo omanghuma a shikwa efimbo alishe.

JOSUA 6:3

Nye ovakwaita amushe, omu nokudingilila oshilando. Oshilando shi dingilileni lumwe. Osho ngaha mu nokuninga omafiku ahamano.

JOSUA 6:5

Ndele vo ngeenge tava shiki omanghuma eembinga deedi deemhedi mokutwaalela, nye ngeenge tamu udu ondaka yomanghuma, ovanhu aveshe ve nokuyelula ondaka nokwiingida pombada. Opo nee ohotekuma yoshilando tai ka ngumauka po monhele yayo. Novanhu ve nokutotela mo, keshe umwe ta yukilile.”

EHOLOLO 1:20

Oshiholekwa sheenyofi odo heyali we di tala meke lange lokolulyo, noshoixwekelwashela ei iheyali yoshingoldo otashi ti ngaha: Eenyofi odo heyali odo ovaengeli vomaongalo aheyali noixwekelwashela ei iheyali oyo omaongalo aheyali.

EHOLOLO 1:4

Johannes komaongalo aheyali muAsia: Efilonghenda kunye nombili kwaau e li po, nokwa li po ndee te uya, nokeemhepo odo heyali hadi kala kolukalwapangelo laye,

EHOLOLO 10:3

nokwa ingida nondaka inene ngaashi onghoshi tai kumbu. Hano eshi a ingida ngaha, omangungumo aa aheyali a popya eendaka dao.

EHOLOLO 15:1

Ndele onda mona edidiliko likwao meulu, linene nolikumwifa: Ovaengeli vaheyali ava ve kwete omahepeko aheyali axuuninwa, omo mwa wanifwa ehandu laKalunga.

EHOLOLO 15:7

Ndele shimwe shomoinamwenyo oyo ine sha pa ovaengeli venya vaheyali oiyaxa yoshingoldo iheyali i yadi ehandu laKalunga, ou e nomwenyo alushe fiyo alushe.

EHOLOLO 16:1

Ndele nda uda ondaka inene ya dja motembeli, ya lombwela ovaengeli venya vaheyali: “Indeni mu ka tileshi oiyaxa ei iheyali yehandu laKalunga kombada yedu.”

EHOLOLO 5:1

Ndele ame onda mona meke lokolulyo lomukalimutumba kolukalwapangelo omushangwatonywa wa shangwa meni nokombada nowa patifwa oipatifo iheyali.

EHOLOLO 5:6

Ndele onda mona mokati kolukalwapangelo nomokati koinamwenyo ei ine nomokati kovakulunhu Odjona, i li ko ofika, ya fa ya dipawa, i neembinga heyali nomesho aheyali, oo eemhepo odo heyali daKalunga, da tumwa medu alishe.

EHOLOLO 8:2

Ndele onda mona ovaengeli venya vaheyali va kala ofika koshipala shaKalunga, ova pewa omanghuma aheyali.

EHOLOLO 8:6

Novaengeli venya vaheyali ava ve kwete omanghuma aheyali ove lilongekidila okushika omanghuma.