JOSUA 6:27 - Ombibeli Iyapuki

²⁷ NOmwene okwa li pamwe naJosua. Netumbalo laye ola ya nedu alishe.

JOSUA 6:27 ပူးပေါင်းရင်းမြစ်များ

GENESIS 39:21

Ndelenee Omwene okwa li naJosef nokwe mu monifila ouwanghenda nokwe mu hokwifa momesho omukulunhu wodolongo.

2 SAMUEL 7:9

ndele Ame nda li pamwe naave apeshe apa wa enda, ndele nda halakanifa ovatondadi voye aveshe moipafi yoye. Nohandi ke ku ningila edina linene ngaashi edina lovanenenhu vokombada yedu,

1 OMAFIMBO 14:17

Nedina laDavid la tandavela moilongo aishe, nOmwene okwa pendula ehaluko loku mu tila moiwana aishe.

ESTER 9:4

Osheshi Mordekai kwa li a kula mouhamba wohamba, netumbalo laye la tandavela moitukulwalongo aishe, shaashi omulumenhu Mordekai okwa ehena komesho moulenga.

MATEUS 14:1

Ndele opo nee pomafiku enya omupangeli woshitine shoshilongo Herodes okwa uda etumbalo laJesus.

MATEUS 18:20

Osheshi oku ku na vavali ile vatatu va ongala medina lange, Ame ondi li mokati kavo.”

MATEUS 28:20

noku va longa okudiinina aishe ei nde i mu lombwela. Ndele tala, Ame ondi li pamwe nanye omafiku aeshe, fiyo okexulilo lefimbo lounyuni.”

MATEUS 4:24

Ndele etumbalo laye la udika muSiria ashishe, ndele ovo va eta kuye aveshe va li ve noudu u lili nau lili, nouyehame, naava ve neendemoni, novanashinhona, oonakuvela ombada, nokwe va velula aveshe.

2 OVAKORINTO 13:14

Efilonghenda lOmwene Jesus Kristus, nohole yaKalunga, noukumwe wOmhepo Iyapuki nau kale pamwe nanye amushe. Amen.

DEUTERONOMION 31:6

Kala wa pama nokunyatipala. Ino tila. Ino va haluka. Osheshi Omwene Kalunga koye ta ende pamwe naave. Ye ite ku efa ndele ite ku fii po.”

2 TIMOTEUS 4:17

Ndelenee Omwene okwa kala pamwe naame, nokwa pameka nge, eudifo levaengeli opo li wanifwe kwaame novapaani aveshe ve li ude; ndele ame onda xupifwa mokanya konghoshi.

2 TIMOTEUS 4:22

Omwene Jesus Kristus na kale nomhepo yoye. Efilonghenda nali kale nanye.

JOSUA 1:5

Kape nomunhu ta dulu okulipopila koshipala shoye momafiku aeshe omokukala kwoye. Ngaashi Ame nda kala naMoses, osho Ame ohandi ka kala naave. Ame itandi ku efa ndele itandi ku fii po.

JOSUA 1:9

Ame inandi shi ku lombwela hamba: kala wa pama ndele nyatipala? Ino tila ndele ino haluka, osheshi Omwene Kalunga koye oku li naave keshe apa to i.”

JOSUA 9:1

Ndele eehamba adishe odo da kala mouninginino waJordan, keemhunda nokepumbu nomomunghulo aushe wEfuta Lopokati kombinga yokuLibanon nokutya, Ovaheti, Ovaamori, Ovakaanan, Ovaperesi, Ovahevi nOvajebusi, eshi ve shi uda,

JOSUA 9:3

Ndelenee oonakukalamo muGibeon, eshi va uda eshi Josua a ningila Jeriko naAi,

JOSUA 9:9

Ndele vo ove mu lombwela: “Ovapiya voye otava di moshilongo shokokule unene omolwedina lOmwene Kalunga koye. Osheshi fye otwa uda eenghundana daye naashishe Ye e shi ningile muEgipiti,

OVATOKOLIPANGELI 1:19

NOmwene okwa li pamwe naJuda, onghee ye okwa nangala eemhunda. Ndelenee oonakukala vomomaluhaela ye a nyengwa oku va taataa shaashi vo va li ve nomatemba oivela.

1 SAMUEL 18:14

Ndele David okwa li e nelao meendjila daye adishe, osheshi Omwene okwa li e mu na.

1 SAMUEL 2:30

Onghee hano Omwene Kalunga kaIsraeli ta ti: ‘Ame nde shi tonga shili nokutya, eumbo loye neumbo laxo tali ka enda koshipala shange fiyo alushe.’ Ndelenee paife Omwene ta ti: ‘Ahowe, shi dalelwe! Osheshi ava hava fimaneke nge, Ame ohandi ke va fimaneka. Ndelenee ava tava dini nge, otava ka dinika.