JOSUA 6:24 - Ombibeli Iyapuki

²⁴ Noshilando naashishe sha li mo ve shi xwika po nomundilo. Oshisiliveli ashike noshingoldo noinima yoshikushu noyoshivela ve i weda kemona lOmwene.

JOSUA 6:24 ပူးပေါင်းရင်းမြစ်များ

2 SAMUEL 10:5

Ndele David eshi e shi shiivifilwa, okwe va shakenekifa ovatumwa osheshi ovalumenhu va fifwa ohoni unene. Nohamba ya tya: “Kaleni muJeriko fiyo eendjedi deni tadi kulu. Opo nee tamu uya.”

2 EEHAMBA 25:9

Nokwa xwika po ongulu yOmwene nongulu yohamba. Nosho yo eengulu adishe domuJerusalem, heeno, ongulu keshe inene okwe i xwika po nomundilo.

1 OMAFIMBO 18:11

Ohamba David okwe i yapulila Omwene, pamwe noshisiliveli noshingoldo osho ye a kufa koiwana aishe nokutya kOvaedom nokOvamoab nokovana vaAmmoni nokOvafilisti nokOvaamaleki.

NUMERI 31:10

Navali va xwika po nomundilo oilando yavo aishe neenhele davo dokukala mo neenhanda davo adishe.

DEUTERONOMION 13:16

Noihakanwa aishe yomusho u noku i ongela kondabo yomoshilando noihakanwa aishe u noku i xwika po nomundilo ngaashi ouyadiyambo wOmwene Kalunga koye. Sho oshi nokuninga oshikulukumanduba fiyo alushe, itashi ka tungululwa vali.

DEUTERONOMION 13:17

Mwaashishe eshi sha yapulilwa ehanauno muha kale nande osha tashi kanyatele komake oye, opo Omwene e lilotife mehandu laye noku ku fila onghenda, noku ku tala onheni, noku ku hapupalifa, ngaashi a udanekela nokwaana ooxo,

DEUTERONOMION 20:16

Ndelenee ovanamwenyo ava ve li moilando yoiwana ei, Omwene Kalunga koye, te i mu pe efyuululo, ino va xupifa nande umwe.

JOSUA 11:11

Ndele vo ova dipaa neongamukonda eemwenyo adishe da li mo ndele ve di yapulila ehanauno. Nande umwe ou a li e nomufudo a xupa po; ndele ye okwa xwika po Hasor nomundilo.

JOSUA 6:19

Ndelenee oshisiliveli ashishe noshingoldo noinima yoshikushu noyoshivela, oya yapulilwa Omwene, nai tulwe memona lOmwene.”

JOSUA 6:25

Ndelenee Josua okwa efa Rahab neumbo laye naaveshe va li puye va kale nomwenyo. Opo ye a kala mokati kaIsrael fiyo onena eli, shaashi okwa holeka eendadi dinya da tuminwe kuJosua okulava Jeriko.

JOSUA 8:28

Opo nee Josua okwa xwika po Ai nokwe shi ninga onduba yomakuma fiyo alushe, ofuka fiyo onena eli.

EHOLOLO 17:16

Neembinga odo omulongo we di mona, noshilyani, ovo tava ka tonda ombwada ndele tave i dula, tai kala hamunghele ndele tava li ombelela yayo, ndele tave i xwike momundilo.

EHOLOLO 18:8

Onghee hano omahepeko asho otae shi hange efiku limwe alike, efyo neefya nondjala, ndele tashi xwikwa momundilo, osheshi Omwene Kalunga Oye omunaenghono ou e shi tokola.”