JOSUA 6:2 - Ombibeli Iyapuki

² Opo nee Omwene okwa lombwela Josua ndele ta ti: “Tala, Ame ohandi yandje Jeriko pamwe nohamba yasho novakwanyati meke loye.

JOSUA 6:2 ပူးပေါင်းရင်းမြစ်များ

2 SAMUEL 5:19

Opo nee David a pula kOmwene ndele ta ti: “Nandi ka lwife tuu Ovafilisti? Ove oto va yandje tuu meke lange?” Omwene okwe mu nyamukula: “Inda ko; Ame ohandi ke va yandja meke loye.”

NEHEMIA 9:24

Novana va ya mo ndele va nangala oshilongo noonakukalamo moshilongo, Ovakaanan, we va taataa komesho yavo, ndele we va yandja meke lavo, neehamba davo ngaashi yo ovanhu voilongo, ve va ningile ngaashi va hala.

DANIEL 2:21

Oye ta lundulula omafimbo neetundi, ndele Ye ota xutula eehamba noha nangeke eehamba, ndele Oye ha yandje ounongo kovanongo nomayele kovanamayele.

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

DANIEL 4:17

Oshinima eshi osha pangelwa momhangela yovaengeli nokondjovo yovayapuki, opo ovanamwenyo va shiive nokutya, ou wOkombadambada e kwete eenghonopangelo kombada yoilongo yovanhu, ndele te i yandje kwaau Ye a hala, nomufyoonelela Ye ote mu tula mepangelo.’

DANIEL 4:35

Noonakukala kombada yedu otava talwa ovo vongaho. Ngaashi Ye a hala osho ta ningile omatanga ovakwaita vomeulu noonakukala kombada yedu. Ndele kape na ou ta dulu okukelela eke laye noku mu lombwela: Oto ningi shike?

DANIEL 5:18

Hano tatekulu ohamba! Kalunga ou wOkombadambada okwa pele xo Nebukadnesar ouhamba neenghono netumbalo nefimanopangelo.

DEUTERONOMION 7:24

Ye ota ka yandja meke loye eehamba davo yo, opo u shiive okudima po omadina avo koshi yeulu. Nande umwe ta ka dula oku ku kangheka fiyo ove we va mana po.

JOSUA 12:9

Jeriko, Ai (popepi naBetel),

JOSUA 2:24

Vo ova lombwela vali Josua, tava ti: “Oshili, edu alishe Omwene okwe li tu pa momake etu. Osheshi oonakukalamo aveshe ohava kakama nokutila molwetu.”

JOSUA 2:9

ndele ta ti kovalumenhu: “Ame ondi shi shii, Omwene okwa yandja kunye edu eli, ndele tu kwetiwe komahaluhalu omolweni, noonakukala moshilongo otave mu kakama;

JOSUA 20:1

NOmwene okwa popya naJosua ndele ta ti:

JOSUA 6:1

Ndelenee Jeriko osha idila po oshivelo ndele sha kala sha idilwa molwovana vaIsrael. Inamu pita nande omunhu ndele inamu ya nande omunhu.

JOSUA 6:3

Nye ovakwaita amushe, omu nokudingilila oshilando. Oshilando shi dingilileni lumwe. Osho ngaha mu nokuninga omafiku ahamano.

JOSUA 8:1

Opo nee Omwene okwa lombwela Josua ndele ta ti: “Ino tila, ino mbadapala! Kufa omatanga aeshe ovakwaita pamwe naave, fikama inda kuAi. Tala, ohandi yandje momake oye ohamba yaAi novanhu vayo noshilando shayo noshilongo shayo.

OVATOKOLIPANGELI 11:21

Ndelenee Omwene, Kalunga kaIsrael, okwa yandja Sihon noshiwana meke laIsrael. Onghee hano Israel okwa nangala oshilongo ashishe shOvaamori nokwa taataa oonakukalamo vomoshilongo.

OVATOKOLIPANGELI 11:24

Ove ndishi ho nangala oshilongo osho oshikalunga shoye Kemosh tai shi ku pe, ndele fye ohatu nangala ashishe eshi Omwene Kalunga ketu te tu pe mokutaataa oonakukalamo komesho yetu?