JOSUA 6:17 - Ombibeli Iyapuki

¹⁷ Ndelenee oshilando naashishe shi li mo, shi nokuninga omundiloyambo kOmwene. Rahab, ombwada, ye aeke na xupe, ye pamwe naaveshe ava ve li puye mongulu yaye, osheshi oye okwa holeka eendadi twe di tuma ko.

JOSUA 6:17 ပူးပေါင်းရင်းမြစ်များ

GENESIS 12:3

Ndele Ame ohandi ka nangeka noupuna ava tave ku nangeke noupuna, ndele handi ka finga ou te ku fingi. Ndele omapata aeshe kombada yedu otaa nangekwa noupuna mwoove.”

ESRA 10:8

Ndele keshe ou ite uya momafiku oo atatu, emona laye alishe li nokuhanaunwa po pamhango ya pangelwa komalenga nokovakulunhu, ndele ye mwene ta ka tewa mo meongalo leenghwate.

JESAJA 34:6

Eongamukonda lOmwene ola nyika eehonde, la kuta omaadi, nohonde youdjona noyoikombo nokomakaadi eefiyo deedi. Osheshi Omwene e na etomenoyambo muBosra, omatomeno mahapu medu laEdom.

JEREMIA 46:10

Ndelenee efiku olo olOmwene womatanga ovakwaita, efiku longhone, a kwatele ovatondadi vaye onghone. Ndele eongamukonda otali ka lya ndele tali ka kuta nokukolwa kohonde yavo. Osheshi Omwene Kalunga komatanga ovakwaita e netomenoyambo medu lokoumbangalanhu, pomulonga waEufrat.

HESEKIEL 39:17

Ndele oove, kaana komunhu, Omwene Kalunga ta ti ngaha: “Lombwela eedila noikwamavava i lili nai lili noilyani aishe yomomufitu: Ongaleni, ileni oku, ongaleni keembinga adishe, ileni ketomenoyambo lange, nde li mu longekidila, etomenoyambo linene keemhunda daIsrael! Lyeni ombelela! Nweni ohonde!

LEVITIKUS 27:21

Ndelenee epya, eshi tali mangululwa momudo wekuwililo, li nokuyapulilwa Omwene ngaashi epya laye mwene. Lo otali ningi lomupristeli.

MIKA 4:13

Fikama ove u xwe, ove omona okakadona kaSion! Osheshi eembinga doye Ame ohandi ke di ninga oshivela neenyala doye ohandi di ningi oshikushu, ndele ove to ka nyanyaula oiwana ihapu. Ndele omamona avo ve li likolela noipupulu, taa ka yapulilwa Omwene, noupuna wavo tau ka yapulilwa Omwene wedu alishe.

MATEUS 25:40

Ndele ohamba tai ke va nyamukula ndele tai ti kuvo: ‘Oshili handi mu lombwele: aishe ei mwe i ningila umwe waava ovamwatate vanini, Aame mwe i ningila.’

1 OVAKORINTO 16:22

Ngeenge ope na ou ehe hole Omwene, oye na fingwe! Maran ata!

1 OVAKORINTO 2:7

ndelenee hatu popi ounongo ou waKalunga wa li wa holekwa, ou Kalunga e u ufa nale omafimbo ounyuni manga aha li ko, u ninge efimano letu.

OVAGALATI 3:10

Osheshi aveshe ava vomoilonga yomhango, otava kala koshi yefingo, osheshi opa shangwa: “Keshe ou iha kala mwaai aishe ya shangelwa momushangwa womhango e u wanife, oye omufingwa.”

OVAGALATI 3:12

Ndele omhango kai fi yomeitavelo, osheshi: “Ou te i wanifa, oye ta kala e nomwenyo muyo.”

DEUTERONOMION 20:17

Ndelenee ove u noku va komba po sheke: Ovaheti nOvaamori nOvakaanan, nOvaperesi nOvahevi nOvajebusi, ngaashi Omwene Kalunga koye e ku lombwela.

OVAHEBERI 11:31

Meitavelo ombwada Rahab ina hanaunwa po pamwe novanandubo eshi a idilila eendadi nombili.

OVAHEBERI 6:10

Osheshi Kalunga ke fi omuhenouyuki a dimbwe ngeno oilonga yeni nohole yeni mokufimanekifa edina laye, eshi mwa yakulile ovayapuki ndele hamu shi ningi natango.

JAKOB 2:25

Osho sha li yo sha ningwa kombwada Rahab oo a yukipalifwa molwoilonga, eshi a yakulile eendadi ndele te di pitifa mondjila i lili moku va lekela.

JOSUA 2:1

Opo nee Josua yaNun okwa lekela muSittim ovalumenhu vavali ngaashi eendadi meholeko ndele ta ti: Indeni mu ka lave oshilongo naJeriko. Vo ova ya ndele ve uya mo mongulu imwe yombwada edina layo Rahab, ndele omo va nangala.

JOSUA 2:22

Ova ya hano, ndele va fika keemhunda, ndele oko va kala omafiku atatu fiyo ovashikuli vavo va aluka. Osheshi ovashikuli va li va ka konga mondjila aishe, ndelenee inava mona sha.

JOSUA 7:1

Ndelenee ovana vaIsrael ova nyona eaneno lavo mokukufa moinima ya tokolelwa ehanauno. Osheshi Akan yaKarmi yaSabdi yaSera womepata laJuda okwa kufa moinima ya tokolelwa ehanauno, onghee hano ehandu lOmwene la xwamena ovana vaIsrael.

1 SAMUEL 15:3

Inda hano paife u ka taatae Ovaamaleki ndele mu nokuhanauna po ashishe ve shi kwete. Ndele ino va fila onghenda, ndelenee u nokudipaa omulumenhu nomukainhu, okaana nokahanana, ongobe nodi, ongamelo nondongi.”

1 SAMUEL 15:6

Saul ta ti kOvakeni: “Djeni po, tukaukeni nOvaamaleki, ndihe mu hanaune po pamwe navo; osheshi nye omwa fila onghenda ovana aveshe Ovaisraeli eshi va dja muEgipiti.” Opo nee Ovakeni ve litukauka nOvaamaleki.