JOSUA 4:24 - Ombibeli Iyapuki

²⁴ opo oiwana aishe kombada yedu i shiive nokutya, eke lOmwene oli neenghono, opo nye mu kale nokutila alushe Omwene Kalunga keni.”

JOSUA 4:24 ပူးပေါင်းရင်းမြစ်များ

1 EEHAMBA 8:40

opo ve ku tile, efimbo alishe eli tava kala medu eli we va pa nooxe.

1 EEHAMBA 8:60

opo oiwana aishe yomounyuni i shiive nokutya, Omwene Oye Kalunga, ndele kape na kalunga ponho yaye.

2 EEHAMBA 19:19

Tu xupifa, Omwene Kalunga ketu, momake ayo, opo oilongo aishe yokombada yedu i shiive nokutya, Oove Omwene auke Kalunga kashili.”

2 EEHAMBA 5:15

Opo nee ye naaveshe ava ve mu shikula, ova piluka va ya komulumenhu waKalunga, nokwa ya mo ndele ta kala ofika koshipala shaye ndele ta ti: “Tala, paife ndi shi shii nokutya, kombada yedu alishe kape na Kalunga kamwe, omuIsrael amuke. Tambula hano oshali komupiya woye.”

1 OMAFIMBO 29:12

Oupuna nefimano tali di kwoove, ndele Ove ho pangele ashishe. Ndele meke loye omu neenghono nepangelonghono. Ndele momapangelelo eke loye hamu di enenepeko neyombamo.

JOB 40:9

Ile u nokwooko ngaashi okwooko kwaKalunga? Ndele to dulu tuu okundunduma nondaka yoye ngaashi Ye?

OMAPSALOME 106:8

ndelenee Ye okwe va xupifa molwedina laye, okuholola eenghono daye.

OMAPSALOME 89:13

Okwooko kwoye oku neenghono, neke loye ola pama, nolulyo loye ola yeluka.

OMAPSALOME 89:7

A fe Kalunga ou ha tilika moshiongalele shovayapuki, noku neshushu mwaaveshe ava hava kala puye.

EXODUS 14:31

Israel okwa mona yo oshilonga shinene eshi shi neenghono, Omwene eshi a nyonauna po Ovaegipiti. Opo nee oshiwana sha tila Omwene, nosha itavela Omwene naMoses, omupiya waye.

EXODUS 15:16

Ehaluko netilo ole va kwata; omolwounene wokwooko kwoye va mwena filu ngaashi emanya, fimbo oshiwana shoye tashi ende nokufika kefikilo, oshiwana we shi likongela tashi fiki kefikilo.

EXODUS 20:20

Opo nee Moses okwa nyamukula ovanhu ta ti: “Kaleni inamu tila, osheshi Kalunga e uya oku mu yeleka, opo etilo laye li kale momesho eni, muha nyone.”

EXODUS 9:16

ndelenee Ame nde ku efa u kale po, opo ndi shiive okumonifa eenghono dange mwoove, edina lange opo li udifwe kombada yedu alishe.

JESAJA 52:10

Omwene okwa holola okwooko kwaye kuyapuki moipafi yoiwana aishe, nominghulo adishe dedu otadi ka mona exupifo laKalunga ketu.

JEREMIA 32:40

Ndele ohandi ka ninga ehangano laalushe navo, ndele itandi efa oku va ningila ouwa. Netilo okutila nge ohandi tula momitima davo va kale vehe liteeke nge vali.

DEUTERONOMION 28:10

Noiwana aishe yokombada yedu otai ka mona nokutya, edina lOmwene ola tumbala kombada yoye, ndele yo otai ke ku tila.

DEUTERONOMION 6:2

opo mu shiive okutila Omwene Kalunga keni neenghedimhango daye adishe noipango yaye ei ame handi mu lombwele, mu i diinine, nye vene novana veni novatekulu veni momafiku aeshe omokukalamwenyo kweni; omafiku eni opo a hapupalifwe.

1 SAMUEL 17:46

Onena eli Omwene te ku yandje meke lange, opo ndi ku dipae ndele ndi kufe po omutwe woye ndele ndi shiive okuyandja oimhu yovakwaita Ovafilisti keedila dokeulu nokoifitukuti yokombada yedu, opo edu alishe li shiive nokutya, Israel e naKalunga.