JOSUA 4:23 - Ombibeli Iyapuki

²³ osheshi Omwene Kalunga keni okwe mu pwiininifila omeva aJordan, fiyo mwa taulula ngaashi Omwene Kalunga keni a ninga nEfuta Litilyana, olo ye e li tu pwiininifila fiyo twa taulula,

JOSUA 4:23 ပူးပေါင်းရင်းမြစ်များ

1 EEHAMBA 8:43

Mu uda hano meulu, monhele yoye, u ninge ashishe osho omunailongo te shi ku indile, opo oiwana aishe yomounyuni i shiive edina loye noku ku tila, ngaashi ovanhu voye Ovaisraeli, ndele va kale ve shi shii nokutya, ongulu ei nde i tunga, ya lukilwa edina loye.

NEHEMIA 9:11

Owa tukula efuta komesho yavo, onghee va tauluka efuta va enda poukukutu. Ndelenee ovataatai vavo we va ekela moule mwi, ngaashi emanya momeva manene.

OMAPSALOME 78:13

Okwa tukula omeva, ndele te va pitifa mo, okwe a dika ngaashi ohote.

EXODUS 14:21

Opo nee Moses okwa yelula eke laye kombada yefuta, nOmwene okwa pepifa omhepo idjuu yokoushilo oufiku aushe nokwa pwiininika efuta. Efuta la ninga edu likukutu nomeva e litukuka.

EXODUS 15:19

Osheshi eenghambe daFarao nomatemba aye oita novalondi, eshi va ya mefuta, Omwene okwa shunifa omeva efuta kombada yavo. Ndelenee Ovaisraeli va enda poukukutu mokati kefuta.

JESAJA 43:16

Omwene osho ta ti, ou a ninga ondjila mokati komeva nelila mokati komeva madjuu,