JOSUA 4:10 - Ombibeli Iyapuki

¹⁰ Novapristeli ava va humbata oshikefa va kala ofika mokati kaJordan fiyo ashishe sha wanifwa eshi Josua e shi lombwelwa kOmwene, e shi lombwele ovanhu, ashishe ngaashi Moses e shi lombwela Josua. Ndele ovanhu va taulula diva.

JOSUA 4:10 ပူးပေါင်းရင်းမြစ်များ

OMAPSALOME 119:60

Ohandi uluma ndele itandi kanghama, ndi wanife oipango yoye.

EXODUS 12:39

Ndele vo ova ninga omingome dihe nonhafi olumbololo lomungome ve li humbata mokudja muEgipiti. Osheshi lo inali tumbifwa konhafi, shaashi ova tewa mo muEgipiti, inava shiiva okwoovelelwa ko, ngaashi inave litwila onghuta.

OMAYELETUMBULO 27:1

Ino litangela efiku lomongula, osheshi ino shiiva efiku otali ka eta shike.

OMUUDIFI 9:10

Longa ashishe to shi dulu neenghono doye, osheshi moshovafi omu to i, kamu na nande oshilonga, ediladilo neshiivo ile ounongo.

JESAJA 28:16

Onghee hano Omwene Kalunga ota ti ngaha: “Tala, Ame ohandi dikile muSion emanya lekanghameno, emanya la yelekwa, omutwe u nondilo womokolonela, wa dikwa wa pama; ou ta itavele, ita i onhapo.

2 OVAKORINTO 6:2

osheshi ota ti: “Efimbo la wapala onde ku uda, nefiku lexupifo onde ku kwafa.” Tala, efimbo la wapala opaife, tala, efiku lexupifo opaife.

DEUTERONOMION 31:9

Ndele Moses okwa shangela membo omhango ei, nokwe li yandja kovapristeli, Ovalevi, ava va li ve nokuhumbata oshikefa shehangano lOmwene nokovakulunhu vOvaisraeli.

JOSUA 24:11

Nye eshi mwa tauluka Jordan ndele mwe uya kuJeriko, opo nee oonakukala muJeriko nOvaamori nOvaperesi nOvakaanan nOvaheti nOvagirgasi nOvahevi nOvajebusi ve mu lwifa. Ndelenee Ame onde va yandja momake eni,

JOSUA 3:13

ndele eemhadi dovapristeli ava hava humbata oshikefa shaKalunga Omwene wedu alishe, ngeenge tadi lyata omeva aJordan, omeva omuJordan taa tukuka, omeva aa taa di kombinga yopombada taa ka kanghama ngaashi ekuma.”

JOSUA 4:11

Ndele ovanhu aveshe eshi va taulula, oshikefa shOmwene pamwe novapristeli osha taulula, ndele tashi i komesho yovanhu.

JOSUA 4:9

Josua okwa dika yo mokatielela kaJordan omamanya omulongo naavali monhele apa eemhadi dovapristeli, va humbata oshikefa shehangano, da li ofika. Ndele fiyo onena eli oko e li.