JOSUA 3:5 - Ombibeli Iyapuki

⁵ Josua okwa lombwela vali oshiwana ndele ta ti: “Liyapuleni, osheshi mongula Omwene ta ka longa oikumwifa mokati keni.”

JOSUA 3:5 ပူးပေါင်းရင်းမြစ်များ

JOB 1:5

Ndele omafiku oitelekela eshi a pita po, Job okwa tuma ko ndele te va yapula. Opo nee Job ta fikama ongula inene ndele ta yambe omaxwikiloyambo akeshe umwe womuvo. Osheshi Job a diladila: Ovamwange kashiimba va nyona ndele va sheka Kalunga momitima davo! Osho Job a ninga alushe.

OMAPSALOME 77:15

Owa kulila oshiwana shoye nokwooko kwa pama, ovana ovamati vaJakob novaJosef. Sela

OMAPSALOME 86:10

osheshi Oove omunene nomulongi woikumwifa, Oove auke Kalunga.

JOEL 2:16

Ongeleni oshiwana, yapuleni eongalo, shiveni ovakulunhu. Ongeleni ounona nouhanana! Omuhomboli na dje mo mondjuwo yaye, nomuhombolwa mondjuwo yaye.

LEVITIKUS 10:3

Opo nee Moses ta ti kuAron: “Eshi osho tuu osho Omwene e shi tile, eshi ta ti: ‘Mwaava ve li popepi naame, Ame nda hala okushiivifa ouyapuki wange nomoipafi yovanhu aveshe nda hala okulifimanekifa.’ ” Ndelenee Aron okwa mwena.

LEVITIKUS 20:7

Onghee hano liyapuleni ndele kaleni mwa yapulwa, osheshi Aame Omwene Kalunga keni.

NUMERI 11:8

Ovanhu va endaenda moku a toola, ndele ve a twila pokati komamanya ile moini ndele ve a teleka meembiya ndele va ninga nao oikuki ya yofwa. Oyo oya makelwa ngaashi oikuki yomaadi.

JOHANNES 17:19

Ndele Ame ohandi liyapula molwavo, vo va yapulilwe moshili.

JOSUA 3:13

ndele eemhadi dovapristeli ava hava humbata oshikefa shaKalunga Omwene wedu alishe, ngeenge tadi lyata omeva aJordan, omeva omuJordan taa tukuka, omeva aa taa di kombinga yopombada taa ka kanghama ngaashi ekuma.”

JOSUA 3:15

ndele eshi ovahumbati voshikefa ve uya kuJordan novapristeli ava hava humbata oshikefa eshi eemhadi davo da lyata omeva okomunghulo, fimbo Jordan wa li wa yada fiyo okominghulo momafiku aeshe eteyo,

JOSUA 3:4

Ndelenee pokati keni nasho napa kale onhele i fike pokilometa imwe. Inamu ehena popepi nasho, opo mu shiive ondjila ei mu nokweenda, osheshi inamu enda nondjila oyo nale.”

JOSUA 3:6

Ndele Josua okwa popya novapristeli ndele ta ti: Tumbeni oshikefa shehangano mu pite komesho yovanhu. Opo nee va kufa oshikefa shehangano ndele va pita komesho yovanhu.

JOSUA 7:13

Penduka! Yapula ovanhu u tye: ‘Liyapuleni ongula, osheshi Omwene Kalunga kaIsrael ta ti ngaha: Mokati keni, Israel, omu noinima ya tokolelwa ehanauno! Nye itamu dulu okulipopila moipafi yovatondadi veni fimbo inamu kufa po mokati keni oshinima sha tongolelwa ehanauno.’

1 SAMUEL 16:5

Ndele ye ta ti: “Heeno, ombili. Nde uya ndi yambele Omwene. Liyapuleni, mu uye pamwe naame koshitelekela sheyambo.” Ndele ye okwa yapula Isai novana vaye ovamati, ndele e va ifana koshitelekela sheyambo.