JOSUA 3:4 - Ombibeli Iyapuki

⁴ Ndelenee pokati keni nasho napa kale onhele i fike pokilometa imwe. Inamu ehena popepi nasho, opo mu shiive ondjila ei mu nokweenda, osheshi inamu enda nondjila oyo nale.”

JOSUA 3:4 ပူးပေါင်းရင်းမြစ်များ

GENESIS 31:2

Jakob okwa koneka yo kutya oshipala shaLaban kashi li vali ngaashi ongheleinya.

1 OMAFIMBO 11:2

Nokuli shito nale, fimbo Saul kwa li ohamba yetu, ove wa endifa Ovaisraeli mokuya nomokwaaluka. NOmwene, Kalunga koye e ku lombwela: ‘Ove u nokulifa oshiwana shange shOvaisraeli, ndele u nokuninga ohamba yovanhu vange Ovaisraeli.’ ”

OMAPSALOME 25:12

Ou ha tila Omwene, ye olyelye? Ye ote mu longo ondjila ei ye e nokuhoolola.

OMAPSALOME 89:7

A fe Kalunga ou ha tilika moshiongalele shovayapuki, noku neshushu mwaaveshe ava hava kala puye.

EXODUS 19:12

Ovanhu u noku va findila omufinda wa dingilila ko, noku va lombwela: ‘Likeleleni, muha londe komhunda ile mu i kume nomhadi. Osheshi keshe umwe ta kumu omhunda, ota ka fya shili.

EXODUS 3:5

Ndele Ye ta ti: “Ino ehena oku. Dula ko eenghaku keemhadi doye, osheshi onhele apa u li ofika oyo edu liyapuki.”

EXODUS 4:10

Opo nee Moses okwa lombwela Omwene: “Akutu Omwene, ame nghi shii kupopya; onghela nongheleinya nonena eli, eshi wa popifa omupiya woye; osheshi okutumbula kwange taku nyenge nge nelaka lange olidjuu.”

JESAJA 30:33

Osheshi ediko ola pwa okulongekidwa nale, la longekidilwa yo ohamba Molek. Mokule ola fewa la mbwalangadja, mulo omwa tulwa omundilo noikuni ihapu. Nomufudo wOmwene ngaashi ekunguluko losulfuri otau li xwameke.

JESAJA 48:17

Omwene Omukulili woye, Omuyapuki waIsrael ota ti ngaha: “Aame Omwene Kalunga koye, ou handi ku longo eshi tashi ku wapalele, ndele handi ku tula mondjila ei u nokweenda nayo.

JOSUA 3:3

ndele va lombwela ovanhu tava ti: “Nye ngeenge tamu mono oshikefa shehangano lOmwene Kalunga keni novapristeli Ovalevi ava tave shi humbata, nye mu nokufikama mu dje meenhele deni noku shi shikula.

JOSUA 3:5

Josua okwa lombwela vali oshiwana ndele ta ti: “Liyapuleni, osheshi mongula Omwene ta ka longa oikumwifa mokati keni.”