JOSUA 3:3 - Ombibeli Iyapuki

³ ndele va lombwela ovanhu tava ti: “Nye ngeenge tamu mono oshikefa shehangano lOmwene Kalunga keni novapristeli Ovalevi ava tave shi humbata, nye mu nokufikama mu dje meenhele deni noku shi shikula.

JOSUA 3:3 ပူးပေါင်းရင်းမြစ်များ

2 SAMUEL 6:13

Ndele ovahumbati voshikefa shOmwene eshi va enda eenghatu hamano, ye okwa yamba ongobe nonhana.

2 SAMUEL 6:3

Osho va kufa oshikefa shaKalunga meumbo laAbinadab, olo la li koshikulundu ndele va enda pamwe nasho, Ussa naAhjo, ovana ovamati vaAbinadab va shinga etemba,

1 EEHAMBA 8:3

Ovawiliki aveshe vaIsrael eshi va ongala muJerusalem, ovapristeli va tumba Oshikefa Shehangano,

JEREMIA 33:18

Nomovapristeli Ovalevi itamu ka pumba omulumenhu moipafi yange, ou ta eta omaxwikiloyambo, ndele ta xwike eendjayambo ndele ta longekida omatomenoyambo efimbo alishe.

NUMERI 10:33

Ndele vo ova enda omafiku atatu va dja komhunda yOmwene. Ndele oshikefa shehangano lOmwene oshe va kwatela komesho omafiku atatu oku va kongela onhele yetulumuko.

NUMERI 4:15

Aron novana vaye ovamati ngeenge va mane okutuvika etwali liyapuki noinima aishe yetwali, opo nee ovana ovamati vaKohat nave uye va ka humbate. Ndele vo vaha kume oinima iyapuki, opo vaha fye. Oinima oyo tuu oyo yetwali leongalo ovana ovamati vaKohat ve nokuhumbata.

MATEUS 16:24

Ndele Jesus okwa lombwela ovalongwa vaye: “Ngeenge ku na ou a hala okushikula nge, oye ne lixupule ye mwene, ne litwike omushiyakano waye, ye na shikule nge.

MATEUS 8:19

Ndele omunongo womishangwa umwe okwe uya ndele ta ti kuye: “Omuhongi, onda hala oku ku shikula keshe apa to i.”

DEUTERONOMION 31:25

Moses okwa lombwela Ovalevi ava hava humbata oshikefa shehangano lOmwene, ndele ta ti:

DEUTERONOMION 31:9

Ndele Moses okwa shangela membo omhango ei, nokwe li yandja kovapristeli, Ovalevi, ava va li ve nokuhumbata oshikefa shehangano lOmwene nokovakulunhu vOvaisraeli.

JOSUA 3:4

Ndelenee pokati keni nasho napa kale onhele i fike pokilometa imwe. Inamu ehena popepi nasho, opo mu shiive ondjila ei mu nokweenda, osheshi inamu enda nondjila oyo nale.”

JOSUA 3:6

Ndele Josua okwa popya novapristeli ndele ta ti: Tumbeni oshikefa shehangano mu pite komesho yovanhu. Opo nee va kufa oshikefa shehangano ndele va pita komesho yovanhu.

JOSUA 3:8

Lombwela hano ovapristeli hava humbata oshikefa shehangano u tye: Nye ngeenge tamu fiki komunghulo womeva aJordan nye mu nokukanghama nokukala ofika puJordan.”

JOSUA 4:10

Novapristeli ava va humbata oshikefa va kala ofika mokati kaJordan fiyo ashishe sha wanifwa eshi Josua e shi lombwelwa kOmwene, e shi lombwele ovanhu, ashishe ngaashi Moses e shi lombwela Josua. Ndele ovanhu va taulula diva.

JOSUA 6:6

Opo nee Josua yaNun okwa ifana ovapristeli ndele okwe va lombwela ta ti: “Kufeni oshikefa shehangano, novapristeli vaheyali nava humbate omanghuma aheyali eembinga deedi deemhedi komesho yoshikefa shOmwene.”

EHOLOLO 14:4

Ovo tuu ovo inave linyateka novakainhu osheshi ovo va yela ngaashi oukadona. Ovo ava hava shikula Odjona keshe apa tai i. Ovo va kulilwa movanhu, va ninga votete vaKalunga novOdjona,

1 SAMUEL 6:15

NOvalevi va tula poshi oshikefa shOmwene pamwe nokakefa oko ka li pusho, muko mwa li oinima yoshingoldo ndele ve i tula kemanya lakula. Ndele mefiku tuu olo ovalumenhu vomuBet-Semes va yambela Omwene omaxwikiloyambo nomatomenoyambo.