JOSUA 3:11 - Ombibeli Iyapuki

¹¹ Taleni, oshikefa shehangano lOmwene wedu alishe otashi mu tetekele okuya muJordan.

JOSUA 3:11 ပူးပေါင်းရင်းမြစ်များ

1 OMAFIMBO 29:11

Omwene, ounene owoye, neenghonopangelo odoye, noshinge oshoye, nouyelele owoye, nepangelofimano oloye, heeno, aishe yomeulu nokombada yedu oyoye. Oshilongo oshoye Omwene, ndele Oove Omupangeli waaishe!

JOB 41:11

Olyelye a pa nge sha tete ndi mu futile ngeno? Aishe oyo i li koshi yeulu alishe oyange.

OMAPSALOME 24:1

Edu olOmwene, naashishe shi yadi mo,

OMAPSALOME 97:5

Koshipala shOmwene eemhunda otadi diluka ngaashi edi leenyiki, koshipala shOmupangeli wedu alishe.

JESAJA 3:12

Ovakwateli komesho voshiwana shange ovo ounona, ndele tava pangelwa kovakainhu. Akutu ovanhu vange, ovaulikili veni ovo ovapukifi, va nyona po ondjila yelila leni.

JESAJA 54:5

Osheshi Omumi woye, omulumenhu woye, Omwene, Omwene womatanga ovakwaita, olo edina laye, Omukulili woye Omuyapuki waIsrael. Oye ta ka ifanwa Kalunga kedu alishe.

JEREMIA 10:7

Olyelye ehe ku tile ngeno, Oove ohamba yoiwana? Heeno, Ove u neshushu, osheshi movanongondunge aveshe vomoiwana nomomauhamba avo kamu na nande umwe e ku fa.

MIKA 4:13

Fikama ove u xwe, ove omona okakadona kaSion! Osheshi eembinga doye Ame ohandi ke di ninga oshivela neenyala doye ohandi di ningi oshikushu, ndele ove to ka nyanyaula oiwana ihapu. Ndele omamona avo ve li likolela noipupulu, taa ka yapulilwa Omwene, noupuna wavo tau ka yapulilwa Omwene wedu alishe.

SEFANIA 2:11

Omwene ota ka kala omutiliki kuvo, osheshi ota hanauna po oikalunga aishe yokombada yedu, opo keshe umwe monhele yaye keenhunhu adishe doiwana ve ke linyongamene kuye nokwiilikana.

SAKARIA 14:9

Ndele Omwene ta ka kala ohamba kombada yedu alishe. Mefiku tuu olo Omwene ota ka kala umwe, nedina laye limwe.

SAKARIA 4:14

Ndele Ye ta ti: “Ovo ovavaekwa vavali hava kala ofika koshipala shOmupangeli wedu alishe.”

SAKARIA 6:5

Ndele omweengeli okwa nyamukula nge ndele ta ti kwaame: “Oo eemhepo nhee dokeulu, tadi fikama okudja po eshi da kala koshipala shOmwene wedu alishe.”

DEUTERONOMION 9:3

Hano kala u shi shii nena eli nokutya, Omwene Kalunga koye ote ku tetekele ngaashi omundilo tau lungwinifa. Ye ote ke va hanauna po, Oye ote ke va ta po komesho yoye, opo ove u shiive oku va taataa diva ndele to dulu oku va komba po, Omwene ngaashi e ku udanekela.

JOSUA 3:13

ndele eemhadi dovapristeli ava hava humbata oshikefa shaKalunga Omwene wedu alishe, ngeenge tadi lyata omeva aJordan, omeva omuJordan taa tukuka, omeva aa taa di kombinga yopombada taa ka kanghama ngaashi ekuma.”