JOSUA 24:7 - Ombibeli Iyapuki

⁷ Ndelenee vo ova kuwa kOmwene ndele Ye okwa tula po omilaulu pokati keni nOvaegipiti nokwe va undulila mefuta, lo ole va tuvikila, nomesho eni vene a mona osho nde shi ningila Ovaegipiti. Opo nee mwa kala omafiku mahapu mombuwa.

JOSUA 24:7 ပူးပေါင်းရင်းမြစ်များ

EXODUS 14:10

Farao eshi a ehena po, Ovaisraeli va yelula omesho avo, ndele tala, Ovaegipiti ove uya tave va shikula. Ndele va kwatwa koumbada munene. Opo Ovaisraeli va kuwa kOmwene.

EXODUS 14:20

Osho hano lo le uya pokati keemhunga dOvaegipiti neemhunga dOvaisraeli. Noshilemo osha li shilaula kwaavenya, ndelenee sha minikila oufiku kwaava. Onghee hano eemhunga dimwe da nyengwa okweehena kudikwao oufiku.

EXODUS 14:31

Israel okwa mona yo oshilonga shinene eshi shi neenghono, Omwene eshi a nyonauna po Ovaegipiti. Opo nee oshiwana sha tila Omwene, nosha itavela Omwene naMoses, omupiya waye.

DEUTERONOMION 1:46

Osho ngaha nye mwa li mu nokukala omafiku oo mahapu muKades, ngaashi mwe a kala ko.

DEUTERONOMION 2:14

Ndele efimbo twa kala nokweenda okudja kuKades-Barnea fiyo okokamulonga kaSered, ola li omido omilongo nhatu nahetatu, fiyo epupi alishe lovakwaita vomonhanda la fya po, Omwene ngaashi e shi va anena.

DEUTERONOMION 29:2

Ndele Moses okwa shiva Ovaisraeli aveshe ndele ta ti kuvo: “Onye vene mwa mona ashishe eshi Omwene e shi ningila Farao novapiya vaye aveshe noshilongo shaye ashishe medu laEgipiti,

DEUTERONOMION 4:34

Ile Kalunga umwe okwa hetekela tuu okulikufila oshiwana shomoshiwana shikwao nomayelekoponga, nomadidiliko noikumwifa noita neke li neenghono nokwooko kwa yeluka noilonga tai tilifa ngaashi Kalunga keni a ninga muEgipiti momesho eni?

OVAHEBERI 3:17

Oolyelye ava e va uditile ehandu omido omilongo ine? Havaava va nyona, noimhu yavo ya nyonaukila mombuwa?

JOSUA 5:6

Osheshi ovana vaIsrael va endaenda mombuwa omido omilongo nhee, fiyo ovanhu aveshe, tashi ti, ovakwaita venya va dja muEgipiti, venya inava dulika kondaka yOmwene ova fya, ovo va anenwa kOmwene, nokutya ite ke va monifa edu olo Omwene a udanekela ooxe nokwaana, Ye e li tu pe, oshilongo tashi kunguluka omashini nomaadi eenyiki.