JOSUA 24:18 - Ombibeli Iyapuki

¹⁸ NOmwene okwa taataa oiwana aishe nOvaamori, oonakukala moshilongo, komesho yetu. Nafye yo ohatu ka longela Omwene, osheshi Oye Kalunga ketu.”

JOSUA 24:18 ပူးပေါင်းရင်းမြစ်များ

OMAPSALOME 116:16

Akutu, Omwene, aame omupiya woye, ondi mona womwalikadi omupiya woye. Omapando ange we a pandukulula.

EXODUS 10:2

naave yo opo u shiive okuhepaululila omumwoye nomutekulu woye, eshi Ame nda ninga muEgipiti, nomadidiliko ange nde a longa mokati kavo, opo va shiive nokutya, Aame Omwene.”

EXODUS 15:2

“Omwene Ye eenghono dange neimbilo lepandulo lange, Muye mwa dja exupifo lange! Oye Kalunga kange, onghee nda hala oku mu hambelela. Oye Kalunga katate, onghee handi mu fimaneke

EXODUS 23:31

Neengaba doye ohandi ke di dika okudja kEfuta Litilyana fiyo okEfuta Lopokati nokombuwa fiyo okuEufrat. Osheshi oonakukalamo moshilongo ohandi va yandje meke leni, ndele nye otamu va taataa mo momesho eni.

MIKA 4:2

Ndele oiwana ihapu otai ka ya, ndele tai ti: “Ileni, fye tu londeni komhunda yOmwene nokotembeli yaKalunga kaJakob, opo Ye e tu longe omalila aye, fye tu ende neendjila daye. Osheshi omhango otai di muSion nondjovo yOmwene muJerusalem.”

SAKARIA 8:23

Omwene womatanga ovakwaita ota ti: ‘Omafiku tuu enya ovalumenhu omulongo vomomalaka aeshe oiwana otava ka kwata koshikutu shomulumenhu Omujuda nokukanyatela ko, ndele tava ti: Ofye twa hala okweenda pamwe nanye, osheshi ofye twa uda, nokutya Kalunga e li pamwe nanye.’ ”

OILONGA YOVAYAPOSTOLI 7:45

Ndele ootate vetu ove li tambula efyuululo, nove li eta oku pamwe naJosua, edu eshi ve li kufa ovanhu venya, Kalunga e va ta mo koshipala shootate, osho sha kala fiyo okounyuni waDavid.

DEUTERONOMION 10:21

Ye ehambelelo loye, ndele Ye oKalunga koye, ou e ku ningila oinima ei inene noitilifa, omesho oye e i mona.

DEUTERONOMION 33:27

Kalunga kaalushe Oye ehondameno loye, ndele koshi omaoko aye aalushe tae ku papata. Ndele Ye okwa taataa omutondadi komesho yoye nokwa tile, mu hanauna po!

JOSUA 23:9

Onghee Omwene okwa taataa komesho yeni oiwana inene i neenghono. Ndele inapa fyaala nande shimwe sha kala moshipala sheni.

JOSUA 24:17

Osheshi Omwene Kalunga ketu Oye tuu ou e tu pitifa mo nootate medu laEgipiti meumbo loupika, ndele a ninga omadidiliko aa manene moipafi yetu, nokwe tu amena mondjila aishe twe i enda nomoiwana aishe muyo twa taulula mo.

JOSUA 24:19

Ndelenee Josua okwa lombwela ovanhu ta ti: “Nye itamu dulu okulongela Kalunga. Osheshi Oye Kalunga omuyapuki, Ye Kalunga omuladi. Ye ita ka dima po omatauluko eni nomatimba eni.