JOSUA 24:1 - Ombibeli Iyapuki

¹ Ndele Josua okwa ongela omapata aeshe aIsrael muSekem, ndele okwa ifana ovakulunhu vaIsrael nomalenga avo novatokoli vavo novapashukili vavo, ndele ve uya okukala ofika koshipala shaKalunga.

JOSUA 24:1 ပူးပေါင်းရင်းမြစ်များ

GENESIS 12:6

Ndele Abram okwa enda moshilongo fiyo okonhele yaSekem, fiyo okoshuundungila shaMore. Mefimbo linya Ovakaanan ovo va li medu olo.

GENESIS 35:4

Opo nee va yandja kuJakob oikalunga yavo yokoilongo ve i kwete, neelinga domomatwi avo, ndele Jakob e i paka medu momwandi u li muSekem.

1 EEHAMBA 12:1

Ndele Rehabeam okwa ya kuSekem, osheshi Ovaisraeli aveshe va ya kuSekem ve mu ninge ohamba.

2 EEHAMBA 23:1

Opo nee ohamba ya ifana ndele va ongaleka ovakulunhu aveshe vaJuda novaJerusalem kuyo.

OILONGA YOVAYAPOSTOLI 10:33

Opo nee onda endelela oku ku tumina elaka, ndele ove owa ninga nawa, eshi we uya po, nopaife ofyeni atusheni otu li apa koshipala shaKalunga, fye tu ude ko adishe odo we di lombwelwa kOmwene.”

DEUTERONOMION 29:9

Diinineni hano eendjovo dehangano eli noku di wanifa, opo mu mone elao mwaashishe tamu shi ningi.

JOSUA 20:7

Opo nee va tongola Kedes muGalilea keemhunda daNaftali naSekem keemhunda daEfraim naKiriat-Arba nokutya, Hebron keemhunda daJuda.

JOSUA 23:2

Josua okwa ifana Israel ashishe, ovakulunhu vasho nomalenga asho, ovatokoli vasho novapashukili vasho, ndele ta ti kuvo: “Ame nda kulupa, omafiku ange a ninga mahapu.

OVATOKOLIPANGELI 20:26

Opo nee ovana vaIsrael, ovanhu aveshe, va dja po, ndele tave uya muBetel. Ndele va lila ndele tava kala koshipala shOmwene nokulidilika fiyo onguloshi, ndele tava yambe omaxwikiloyambo nomapanduloyambo koshipala shOmwene.

1 SAMUEL 10:19

Ndelenee nena eli tamu ekeleshi Kalunga keni, ou e mu xupifa mo moiponga yeni aishe nomomahepeko, ndele tamu ti: Ahowe, ove u noku tu pa ohamba, oyo tai tu pangele. Kaleni hano ofika koshipala shOmwene pamapata eni nopamaludi eni.