JOSUA 23:1 - Ombibeli Iyapuki

¹ Eshi pa pita efimbo lile Omwene eshi a pa Israel etulumuko kovatondadi vaye aveshe keembinga adishe, ndele Josua okwa kulupa nomafiku aye a ninga mahapu,

JOSUA 23:1 ပူးပေါင်းရင်းမြစ်များ

GENESIS 25:8

Abraham okwa fuda mo omhepo yaye nokwa fya moukulupe waye muwa, a kulupa nokwa kuta omwenyo. Ndele ye okwa ongelwa kovanepata vaye.

1 EEHAMBA 1:1

Ohamba David eshi ya kulupa nomafiku aye a ninga mahapu, okwa nyengwa okupupyala nande a li a uvikilwa nomakumbafa.

1 OMAFIMBO 23:25

Osheshi David a tya: “Omwene Kalunga kaIsrael okwa pa oshiwana shaye etulumuko, ndele Ye ota kala muJerusalem fiyo alushe.

1 OMAFIMBO 27:1

Ndele ovo hano ovana vaIsrael pamuvalo wavo, ovakulunhu vomapata novaneyovi novanefele novapashukili vavo ava va longela ohamba moinima aishe yomatanga oo a pingafana ohani nohani meehani adishe domomudo. Metanga keshe mwa li omayovi omilongo mbali naane.

2 OMAFIMBO 14:1

Ndele Abia okwa ka nangala pooxe nokwa pakwa moshilando shaDavid. Nomona waye Asa okwa ninga ohamba ponhele yaye. Mefimbo laye oshilongo sha li shi nombili omido omulongo.

2 OMAFIMBO 14:5

Nokwa hanauna po yo oikulundu yokuyambela neengudi doiyelekelatango domoilando aishe yomuJuda. Noshilongo sha kala nombili mepangelo laye.

2 OMAFIMBO 20:30

Opo nee oshilongo shaJosafat sha mona ombili, naKalunga kaye e mu pa etulumuko keembinga adishe.

OMAPSALOME 46:9

Ou ta xulifa po oita fiyo okeengaba dedu, ndele ta teyaula omauta nomaonga, nomatemba oita te a xwike po nomundilo.

JESAJA 63:14

Ngaashi oimuna tai filukile mefilu, osho yo Omhepo yOmwene Ye va twala ketulumuko lavo. Nosho yo wa findikila ovanhu voye u lidikile edina la fimana.

DEUTERONOMION 31:2

ndele ta ti kuvo: “Nena eli nda wanifa omido efele nomilongo mbali. Ame nghi dulu vali okupita nokuuya mo, nOmwene okwa lombwela nge: ‘Ito tauluka omulonga ou waJordan.’

JOSUA 11:23

Osho ngaha hano Josua okwa nangala edu alishe ngaashi Omwene lombwela Moses. Ndele Josua okwe li yandja kOvaisraeli efyuululo keshe epata oshitukulwa shalo. Nedu ola tulumukwa koita.

JOSUA 13:1

Ndele Josua eshi a kulupa nomafiku aye a ninga mahapu, Omwene okwe mu lombwela ndele ta ti: Ove wa kulupa nomafiku oye a ninga mahapu, ndele natango onhele inene yomedu ya fyaala inai nangalwa.

JOSUA 21:44

NOmwene okwe va pa etulumuko keembinga adishe naanaa ngaashi a udanekelele ooxe nokwaana. Inapa kala nande omutondadi wavo umwe, a shiiva oku va kala moshipala, osheshi Omwene okwa yandja ovatondadi vavo aveshe momake avo.

JOSUA 22:4

Ndelenee paife Omwene Kalunga keni a pa ovamwanyoko etulumuko ngaashi Ye e va udanekela. Hano shuneni mu ye komatwali eni koshilongo mwe shi pewa kuMoses, omupiya waKalunga, kombada yaJordan.

1 SAMUEL 12:2

Ndele taleni, paife ohamba otai ke mu pitila komesho. Ndele ame nda kulupa nda ninga eenghwakutoka, novana vange ovamati ve li apa punye. Ndele ame onde mu pitila komesho okudja kounyasha wange fiyo onena eli.