JOSUA 22:5 - Ombibeli Iyapuki

⁵ Ashike diinineni shili oshipango nomhango ei, Moses omupiya wOmwene, e mu lombwela mu kale nokuhola Omwene Kalunga keni nokweenda neendjila daye adishe nokudiinina oipango yaye nokukanyatela muye noku mu longela nomutima weni aushe nomwenyo weni aushe.”

JOSUA 22:5 ပူးပေါင်းရင်းမြစ်များ

OMAPSALOME 106:3

Ovanelao ovava, va dama mouyuki, ndele tava kala alushe nokuwanifa ouyuki.

OMAPSALOME 78:7

navo ve lineekele Kalunga, vaha dimbwe oinenelonga yaye, ndelenee va diinine oipango yaye;

EXODUS 15:26

ndele ta ti: “Ove ngeenge to pwilikine nokudiinina ondaka yOmwene Kalunga koye ndele to longo eshi sha yuka momesho aye, ndele to dulika koipango yaye nokeenghedimhango daye, opo nee itandi ku undulile oshiponga nande shimwe sha fa oyo Ame nda undwila kombada yoshilongo shOvaegipiti. Osheshi Aame Omwene ou te ku velula.”

EXODUS 20:6

Ndele Ame ohandi file onghenda omayovi, aava ve hole nge ndele tava diinine oipango yange.

EXODUS 23:13

“Ashishe eshi nde shi mu lombwela, shi diinineni. Ndele omadina oikalunga oikwailongo inamu a tumbula, aha pite momilungu deni.

EXODUS 23:25

Ndele nye mu nokulongela Omwene Kalunga keni. Opo nee Ye ota ka nangeka noupuna omungome weni nomeva eni, nomaudu ohandi ke a kandula mo mokati keni.

OMAYELETUMBULO 4:23

Omutima woye u amena komesho yoinima aishe oyo i nokwaamenwa, osheshi muwo otamu di omwenyo.

JESAJA 55:2

Oshike tamu yandje oimaliwa apa pehe na eendja? Neliko loilonga yeni tamu li yandjele oinima ihai kutifa? Pwilikinei nge hano, nye mu lye ounyenye, neemwenyo deni nadi hepuluke pomaadi.

JEREMIA 12:16

Ndele ngeenge otave lilongo noudiinini okushiiva eendjila doshiwana shange ndele tava ane medina lange: Oshili, ngaashi Omwene e nomwenyo, ngaashi va longa oshiwana shange okwaana kuBaal, nena tava nangekwa moshiwana shange.

MATEUS 22:37

Ndele Ye okwa tya kuye: “ ‘Hola Omwene Kalunga koye nomutima woye aushe nomwenyo woye aushe neendunge doye adishe.’

MATEUS 4:10

Jesus okwa tya kuye: “Dja po, Satana, osheshi opa shangwa: ‘Omwene Kalunga koye u noku mu twila eengolo, noye aeke u noku mu kalela.’ ”

MATEUS 6:24

“Kaku na ou ta dulu okukalela oovene vavali; osheshi ota tondo umwe, ye e hole omukwao, ile a hokwa ou ndele ta dini winya. Kamu dulu okukalela Kalunga nemona.

LUKAS 1:74

e tu pe omhito, opo eshi twa xupifwa momake ovatondi vetu, tu mu longele tuhe na oumbada

JOHANNES 12:26

Ngeenge pe na ou ta kalele nge, na shikule nge; naapa ndi li, omupiya wange oko ta ka kala. Ndele ngeenge pe na ou ta kalele nge, Tate ote mu fimaneke.

JOHANNES 14:15

“Ngeenge omu hole nge, diinineni oipango yange.

OILONGA YOVAYAPOSTOLI 11:23

Ye eshi a fika ko, ndele ta mono onghenda yaKalunga, okwa hafa ndele te va kumaida aveshe va kale mOmwene noku mu diinina momitima davo.

OILONGA YOVAYAPOSTOLI 27:23

Osheshi oufiku wonena pwaame opa li omweengeli waKalunga ou e kwete nge, naau handi mu kalele yo,

OVAROMA 1:9

Osheshi Kalunga, ou handi mu longele momhepo yange mokuudifa evaengeli lOmona waye, Oye ondobwedi yange, nhumbi handi mu dimbulukwa alushe,

OVAROMA 12:9

Ohole inai kala noihelele, tileni owii, dameni ouwa.

OVAROMA 8:28

Ndele otu shi shii, ava ve hole Kalunga, oinima aishe kumwe otave i longelwa ouwa, ava va ifanwa pamhangela yaye.

DEUTERONOMION 10:20

U nokutila Omwene Kalunga koye, u noku mu longela, muye u nokukanyatela, ndele medina laye u nokwaana.

DEUTERONOMION 11:1

“Onghee hano u nokuhola Omwene Kalunga koye nokudiinina alushe omayukifo aye neenghedimhango daye nomalombwelo aye noipango yaye.

DEUTERONOMION 11:13

Hano nye ngeenge tamu pwilikine nawa oipango yange ei ame handi mu lombwele nena eli, mu kale nokuhola Omwene Kalunga keni noku mu longela nomutima weni aushe nomwenyo weni aushe,

DEUTERONOMION 11:22

“Osheshi nye ngeenge tamu diinine shili oipango aishe ei ame handi mu lombwele mu i wanife nokuhola Omwene Kalunga keni, nokweenda neendjila daye adishe nokukanyatela muye,

DEUTERONOMION 13:4

Nye mu nokushikula Omwene Kalunga keni noku mu tila nokudiinina oipango yaye, nokupwilikina ondaka yaye noku mu longela nokukanyatela muye.

DEUTERONOMION 4:29

Opo nee nye otamu ka konga Omwene Kalunga keni noku mu mona ngeenge tamu mu kongo nomutima aushe, nomwenyo aushe.

DEUTERONOMION 4:4

Ndelenee ava mwa li mwa kanyatela kOmwene Kalunga keni, nye amushe omu nomwenyo natango fiyo onena.

DEUTERONOMION 4:6

Di diinineni hano noku di wanifa, osheshi do ounongo weni neendunge deni momesho oiwana, oyo tai ka uda eenghedimhango edi ndele tai ti: ‘Oshili, oshiwana eshi shinene oshovanhu ve nounongo neendunge.’

DEUTERONOMION 4:9

Kala wa lungama u lipashukile, uha dimbwe eshi we shi mona nomesho oye mwene, ndele shiha dje mo momutima woye mokukala kwoye akushe, ndelenee u shi shiivifile ovana voye novatekulu voye,

DEUTERONOMION 5:10

Ndele Ame ohandi file onghenda omayovi, aava ve hole nge ndele tava diinine oipango yange.

DEUTERONOMION 6:17

Nye omu nokudiinina shili oipango yOmwene Kalunga keni nomahepaululo aye neenghedimhango daye, Ye e di mu lombwela.

OVAHEBERI 12:15

Litaleni, paha kale nande umwe te likufa mefilonghenda laKalunga, paha tutume nande omudi woululu mokati keni ndele tau eta edundakano ndele vahapu tava nyatekwa kuwo.

JAKOB 1:12

Omulumenhu omunelao oye ou te lididimikile eshindo, osheshi ngee a ningi omuduli walo, ota ka pewa oshishani shomwenyo, ou Omwene a udanekela ava ve mu hole.

JAKOB 2:5

Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?

JOSUA 23:8

Ndelenee mu nokukanyatela kOmwene, Kalunga keni ngaashi mwa ninga fiyo onena eli.

EHOLOLO 15:3

Ndele vo ova imba eimbilo laMoses, omupiya waKalunga neimbilo lOdjona, tava ti: “Oilonga yoye oinene noikumwifa, Omwene Kalunga, Omunaenghono adishe, eendjila doye oda yuka nodoshili, Oove ohamba yoiwana aishe.

1 SAMUEL 12:20

Opo nee Samuel ta ti kovanhu: “Inamu tila. Nye omwa ninga owii aushe ou. Ndelenee inamu kanduka po pOmwene, ndele longeleni Omwene nomutima weni aushe.

1 SAMUEL 12:24

Tileni ashike Omwene noku mu longela noudiinini nomutima weni aushe. Osheshi taleni oinima inene i fike peni Ye e mu ningila.

1 SAMUEL 7:3

Ndelenee Samuel okwa popya neumbo alishe laIsrael ndele ta ti: “Nye ngeenge tamu alukile kOmwene nomutima weni aushe, efeni hano oikalunga yokoilongo nooAstarot mokati keni, nomitima deni di kanyatelifeni kOmwene, ndele Oye aeke mu longeleni. Opo nee Ye ote ke mu xupifa momake Ovafilisti.”