JOSUA 22:27 - Ombibeli Iyapuki

²⁷ ndelenee opo shi ninge ondobwedi pokati ketu nanye nomaludalo etu konima yetu, opo tu longe eyakulolonga lOmwene koshipala shaye nomaxwikiloyambo etu nomatomenoyambo etu nomapanduloyambo etu, opo ovana veni komesho vaha ka shiive okutya: ‘Nye kamu na mo sha mOmwene.’

JOSUA 22:27 ပူးပေါင်းရင်းမြစ်များ

GENESIS 31:48

Opo nee Laban ta ti: “Onduba ei oyo ondobwedi pokati ketu naave.” Onghee ove i luka Galed.

GENESIS 31:52

Onduba ei yomamanya oyo ondobwedi, nedimbulukifomanya olo ondobwedi nokutya, ame itandi ke uya kwoove nokutauluka onduba ei, naave ito uya kwaame nokutauluka onduba ei nedimbulukifomanya nomauko mai.

OMAPSALOME 16:5

Omwene Oye oshitukulwa shefyuululo lange noshoneka yange. Ove ho diinine oshihoololifo shange.

JESAJA 19:19

Mefiku tuu olo mokati koshilongo shaEgipiti otapa ka kala oaltari yOmwene nopongaba edimbulukifomanya lOmwene.

DEUTERONOMION 12:11

Opo nee mu nokutwala omaxwikiloyambo eni nomatomenoyambo eni noitimulongo yeni neeshaliyambo domomake eni nomaudanekoyambo eni mawa, aa tamu ke a udanekela Omwene, konhele oyo Omwene Kalunga keni ta ka hoolola opo edina laye li kale ko. Oko mu nokutwala aishe ei ame handi mu lombwele.

JOSUA 22:10

Ovana vaRuben novana vaGad netata lepata laManasse eshi ve uya koyuunda yomamanya puJordan, ei i li medu laKaanan, ova tunga ko oaltari puJordan, oaltari inene unene.

JOSUA 22:26

Onghee twa tya: Tu litungileni oaltari ndelenee hakuyamba omaxwikiloyambo nomatomenoyambo,

JOSUA 22:28

Ndele fye otwa diladila nokutya: ‘Vo ngeenge tave shi tu lombwele komesho, noludalo letu, fye ohatu ka tya: Taleni oshiyelekela shoaltari yOmwene ootate va ninga hakuyamba omaxwikiloyambo nomatomenoyambo, opo i kale ondobwedi pokati ketu nanye.’

JOSUA 22:34

Novana vaRuben novana vaGad va luka oaltari ondobwedi: “Osho ondobwedi pokati ketu nokutya, Omwene Oye Kalunga.”

JOSUA 24:27

Opo nee Josua okwa lombwela ovanhu aveshe ta ti: “Taleni, emanya eli tali ka ninga ondobwedi yetu, osheshi lo ola uda eendjovo adishe dOmwene, Ye e di popya nafye. Ndele lo otali ka kala ondobwedi kunye, opo muhe lidimbike Kalunga keni.”

1 SAMUEL 7:12

Opo nee Samuel okwa kufa emanya ndele e li dika pokati kaMispa naSen, ndele e li luka Eben-Eser ndele ta ti: “Fiyo opapa Omwene e tu kwafa!”