JOSUA 22:25 - Ombibeli Iyapuki

²⁵ Omwene, tu shii, okwa tula po Jordan ngaashi ongaba pokati ketu nanye, ovana vaRuben novana vaGad.’ Nye muhe noshitukulwa mOmwene. Osho ngaha hano ovana vetu itava tila vali Omwene omolwovana veni.

JOSUA 22:25 ပူးပေါင်းရင်းမြစ်များ

2 SAMUEL 20:1

Ndele omukolokoshi umwe a holokela ko, edina laye Sheba yaBikri, Omukwabenjamin. Ye okwa shika enghuma loluvinga lodi yomhedi ndele ta ti: “Fye katu noshitukulwa muDavid, ndele katu noshitukulwafyuululwa momona waIsai; akutu Israel, keshe umwe na ye ketwali laye!”

1 EEHAMBA 12:16

Ovaisraeli aveshe eshi va mona nokutya, ohamba inai va pwilikina, ovanhu va nyamukula ohamba ndele tava ti: “Fye otu noshitukulwa shilipipo muDavid? Katu noshitukulwafyuululwa momona waIsai. Israel, inda komatwali oye! David, tala hano paife eumbo loye mwene!” Opo nee Ovaisraeli va ya komatwali avo.

1 EEHAMBA 14:16

Ndele Ye ota ka ekelashi Israel omolwomatimba aa Jerobeam e a ninga, ndele okwe a twalifa Israel okulonga oulunde.”

1 EEHAMBA 15:30

omolwomatimba oo Jerobeam a ninga nokwa hongaula Ovaisraeli okunyona, onghee hano a handukifa Omwene, Kalunga kaIsrael.

NEHEMIA 2:20

Opo nee nde va nyamukula ndele handi ti kuvo: “Kalunga komeulu, Ye ote ke shi tu wanifila, nafye, ovapiya vaye, ohatu ka fikama tu tunge. Ndele nye kamu na nande oshitukulwa ile oshipewa ile oshidimbulukifo muJerusalem.”

OMAPSALOME 16:5

Omwene Oye oshitukulwa shefyuululo lange noshoneka yange. Ove ho diinine oshihoololifo shange.

OILONGA YOVAYAPOSTOLI 8:21

Ove ku kwete nande oshitukulwa ile oshipewa mondjovo ei, osheshi omutima woye inau yuka koshipala shaKalunga.

JOSUA 22:24

Ndelenee oshili, fye twe shi ninga molwoshisho eshi: ‘Komesho ovana veni tava dulu okulombwela ovana vetu ndele tava ti: Nye omu na shike nOmwene Kalunga kaIsrael?

JOSUA 22:26

Onghee twa tya: Tu litungileni oaltari ndelenee hakuyamba omaxwikiloyambo nomatomenoyambo,

JOSUA 22:27

ndelenee opo shi ninge ondobwedi pokati ketu nanye nomaludalo etu konima yetu, opo tu longe eyakulolonga lOmwene koshipala shaye nomaxwikiloyambo etu nomatomenoyambo etu nomapanduloyambo etu, opo ovana veni komesho vaha ka shiive okutya: ‘Nye kamu na mo sha mOmwene.’

1 SAMUEL 26:19

Omwene wange ohamba na pwilikine eendjovo domupiya waye: Omwene ngeenge e ku twifa ondubo naame, mu yambela hano eendjayambo. Ndelenee ovanhu ngeenge ve shi ninga, nava tulwe omutima koshipala shOmwene, vo eshi tava taataa nge mo moshitukulwafyuululwa shOmwene ndele tava ti: Inda u ka longele oikalunga imwe!