JOSUA 22:23 - Ombibeli Iyapuki

²³ eshi twe litungila oaltari tu liteeke ngeno Omwene. Ndele ngeenge twe i tunga tu yambe kuyo omaxwikiloyambo neendjayambo ile tu yambe kuyo omapanduloyambo, Omwene Ye mwene ne shi ngumaune po.

JOSUA 22:23 ပူးပေါင်းရင်းမြစ်များ

GENESIS 9:4

Ashike ombelela i na omwenyo nokutya, i na ohonde, inamu i lya.

2 OMAFIMBO 24:22

Nohamba Joas inai diladila ouwa ye u monifwa kuJehoiada, xe yaSakaria, ndelenee okwa dipaa omona waye omulumenhu. Ndelenee pokufya kwaye oye okwe i lombwela: “Omwene ne shi tale ndele ne shi handukile!”

HESEKIEL 3:18

Ame ngeenge handi lombwele omuhenakalunga nokutya, u nokufya shili, ito mu londwele ndele ito popi u kumaide omuhenakalunga omolwondjila yaye youhenakalunga, opo a xupife omwenyo waye, nena omuhenakalunga ta ka fila moulunde waye, ndelenee ohonde yaye ohandi ke i pula meke loye.

HESEKIEL 33:6

Ndelenee omunangeli, ngeenge ta mono eongamukonda tali uya, ndelenee ita shiki enghuma, ovanhu opo va londolwe, neongamukonda tali uya, ndele tali kufa po omwenyo umwe mokati kavo, opo ye a kufwa po molwetimba laye ndelenee ohandi ke i pula meke lomunangeli.

HESEKIEL 33:8

Ame ngeenge handi ti komuhenakalunga: Akutu omuhenakalunga, oshilielela, u nokufya, ndele ove ito popifa omuhenakalunga oku mu londwela, opo nee ye, omuhenakalunga, ota ka fya molwetimba laye, ndelenee ohonde yaye ohandi i pula meke loye.

DEUTERONOMION 12:11

Opo nee mu nokutwala omaxwikiloyambo eni nomatomenoyambo eni noitimulongo yeni neeshaliyambo domomake eni nomaudanekoyambo eni mawa, aa tamu ke a udanekela Omwene, konhele oyo Omwene Kalunga keni ta ka hoolola opo edina laye li kale ko. Oko mu nokutwala aishe ei ame handi mu lombwele.

DEUTERONOMION 18:19

Ndele omulumenhu ou ita dulika keendjovo dange, odo Ye te di tongo medina lange, Ame mwene ohandi ke mu twifa eemhata.

JOSUA 22:24

Ndelenee oshili, fye twe shi ninga molwoshisho eshi: ‘Komesho ovana veni tava dulu okulombwela ovana vetu ndele tava ti: Nye omu na shike nOmwene Kalunga kaIsrael?

1 SAMUEL 20:16

Osho ngaha hano Jonatan okwa panga oukaume nepata laDavid. Ndele Omwene na handukile ovatondadi vaDavid!