JOSUA 22:18 - Ombibeli Iyapuki

¹⁸ Ndele nye mwa hala paife okuliteeka Omwene; nye ngeenge tamu tu ondubo nOmwene, nena Ye ota ka handukila mongula eongalo alishe laIsrael.

JOSUA 22:18 ပူးပေါင်းရင်းမြစ်များ

2 SAMUEL 24:1

Nehandu lOmwene la xwama vali kOvaisraeli, ndele Ye okwa hongaifa David navo ndele ta ti: “Inda u ka vale Israel naJuda.”

1 EEHAMBA 9:6

Ndelenee ngeenge tamu liteeka nge ndele itamu diinine oipango neenghedimhango odo nde di mu pa, ndele tamu fimaneke oikalunga noku i linyongamena,

2 EEHAMBA 17:21

Osheshi okwa taula Israel meumbo laDavid, ndele Ovaisraeli va ninga Jerobeam yaNebat ohamba yavo. Ndele Jerobeam okwe liteekifa Israel mOmwene nokwe shi hongaula okunyona unene.

1 OMAFIMBO 21:1

Ndelenee Satana okwa twifa Ovaisraeli ondubo ndele ta tu David omayele okuvala Ovaisraeli.

1 OMAFIMBO 21:14

NOmwene okwa tumina Ovaisraeli oudu wolutapo, ndele mOvaisraeli mwa fya ovalumenhu omayovi omilongo heyali.

2 OMAFIMBO 25:27

Ndele okudja kefimbo tuu olo Amasia eshi a amuka kOmwene, okwa hangakenwa muJerusalem, ndele okwa ya onhapo kuLakis. Ndele pa tumwa ovalumenhu ve mu shikula kuLakis, ndele ve mu dipaela ko.

2 OMAFIMBO 34:33

Ndele Josia okwa hanauna po oixuna aishe yomomikunda adishe dovana vaIsrael, naaveshe ovo va monika muIsrael ye okwe va fininika okulongela Omwene Kalunga kavo. Pomafiku aeshe aye, vo inava kanduka mOmwene Kalunga kooxe.

LEVITIKUS 10:6

Opo nee Moses okwa lombwela Aron novana vaye ovamati Eliaser naItamar: “Taleni, muha efele eexwiki dokomutwe di endjelele, ndele inamu pombaula oikutu yeni, opo muha fye, nehandu laye liha hange eongalo alishe. Ndelenee ovamwaxo, eumbo alishe laIsrael nali lilile epeya eli la temwa kOmwene.

NUMERI 16:22

Ndelenee vo ove litwa oipala yavo poshi ndee tava ti: “Akutu Kalunga, Kalunga keemhepo dombelela aishe! Omulumenhu umwe ngeenge ta nyono, Ove to handukile tuu eongalo alishe?”

NUMERI 32:15

Nye ngeenge tamu mu liteeka paife, oshiwana ote ke shi efela natango mombuwa, ndele nye otamu ka manifa po oshiwana ashishe.”

DEUTERONOMION 7:4

osheshi ye ote ke liteekifa omona woye omumati kwaame, opo a longele oikalunga imwe, nehandu lOmwene tali mu xwamene ndele Ye ote mu halakanifa po diva.

JOSUA 22:15

Vo eshi ve uya kovana vaRuben nokovana vaGad noketata lepata lovana vaManasse medu laGilead, vo ova popya navo ndele tava ti:

JOSUA 22:16

Eongalo alishe lOmwene tali ti ngaha: “Nye omwa tauluka ngahelipi eudafano nokuliteeka Kalunga kaIsrael, nye eshi tamu liteeka Omwene nena eli, eshi mwe litungila oaltari ndele tamu tu ondubo nOmwene paife?

JOSUA 22:20

Akan yaSera eshi a kufa mo moinima ya tokolelwa ehanauno, ehandu inali uya nani kombada yeongalo alishe laIsrael? Ndele haye mwene aeke a nyonauka molwokunyona kwaye.”

JOSUA 7:1

Ndelenee ovana vaIsrael ova nyona eaneno lavo mokukufa moinima ya tokolelwa ehanauno. Osheshi Akan yaKarmi yaSabdi yaSera womepata laJuda okwa kufa moinima ya tokolelwa ehanauno, onghee hano ehandu lOmwene la xwamena ovana vaIsrael.

JOSUA 7:11

Israel okwa nyona ndele a tauluka ehangano lange, eli nde li ninga navo, ndele okwa kufa yo moinima ya tokolelwa ehanauno ndele a vaka ndele meholeko e i tula moinima yaye.

JOSUA 7:21

Onda mona moixuulwa oshikutu shiwa shokombada shokuSinear noshisiliveli shi fike peekilograma mbali; oingoldo i fike peegrama omafele atano; ame nde i haluka ndele nde i kufa, ndele tala, yo oi li metwali lange ya fudikwa medu noshisiliveli koshi.”

1 SAMUEL 12:14

Nye ngeenge tamu tila Omwene aeke, ndee tamu mu longele nokupwilikina ondaka yaye, ndele ihamu anye omhango yOmwene, ndele nye vene nohamba ei tai mu pangele, tamu shikula Omwene Kalunga keni aeke.

1 SAMUEL 12:20

Opo nee Samuel ta ti kovanhu: “Inamu tila. Nye omwa ninga owii aushe ou. Ndelenee inamu kanduka po pOmwene, ndele longeleni Omwene nomutima weni aushe.