JOSUA 2:24 - Ombibeli Iyapuki

²⁴ Vo ova lombwela vali Josua, tava ti: “Oshili, edu alishe Omwene okwe li tu pa momake etu. Osheshi oonakukalamo aveshe ohava kakama nokutila molwetu.”

JOSUA 2:24 ပူးပေါင်းရင်းမြစ်များ

EXODUS 15:15

Eehamba domuEdom da haluka, ovakulunhu vaMoab va kwatwa kekakamo; oonakukala aveshe muKaanan ova dekweta.

EXODUS 23:31

Neengaba doye ohandi ke di dika okudja kEfuta Litilyana fiyo okEfuta Lopokati nokombuwa fiyo okuEufrat. Osheshi oonakukalamo moshilongo ohandi va yandje meke leni, ndele nye otamu va taataa mo momesho eni.

OMAYELETUMBULO 25:13

Ngaashi outalala weandu mefiku leteyo, osho omutumwa ou e shii kulineekelwa e li komutumi waye. Osheshi ta talaleke omwenyo womwene waye.

JOSUA 1:8

Embo lomhango ei iha dje mo mokanya koye, ndelenee i konakona omutenya noufiku, opo u shiive okuwanifa naanaa ashishe eshi sha shangelwa mo. Osheshi osho ove to ka kala u nelao meendjila doye ndele oto kala nouwa.

JOSUA 2:23

Opo nee ovalumenhu venya vavali va londoloka keemhunda ndele va tauluka omulonga ndele ve uya kuJosua yaNun, ndele ve mu hepaululila ashishe ve shi mona.

JOSUA 5:1

Ndele eehamba adishe dOvaamori, odo da li kombinga inya yokouninginino waJordan, neehamba adishe dOvakaanan, edi da kala pEfuta Lopokati, eshi da uda nokutya, Omwene okwa pwiininifa omeva aJordan komesho yovana vaIsrael, fiyo va taulula, omitima dado da tila nokutililila, ndele mudo inamu kala vali onyati omolwovana vaIsrael.

JOSUA 6:2

Opo nee Omwene okwa lombwela Josua ndele ta ti: “Tala, Ame ohandi yandje Jeriko pamwe nohamba yasho novakwanyati meke loye.

JOSUA 8:1

Opo nee Omwene okwa lombwela Josua ndele ta ti: “Ino tila, ino mbadapala! Kufa omatanga aeshe ovakwaita pamwe naave, fikama inda kuAi. Tala, ohandi yandje momake oye ohamba yaAi novanhu vayo noshilando shayo noshilongo shayo.

OVATOKOLIPANGELI 1:2

NOmwene okwa tya: “Juda e nokufikama tete. Taleni, Ame ohandi yandje oshilongo momake aye.”

OVATOKOLIPANGELI 18:10

Nye ngeenge tamu fiki ko, tamu ka fika kovanhu vehe noshisho. Noshilongo shi neenhele keembinga adishe, osheshi Kalunga ote shi yandje momake eni, onhele inya inai pumbwa nande sha shi li kombada yedu.”

OVATOKOLIPANGELI 7:9

Ndele oufiku tuu winya Omwene okwe mu lombwela ta ti: “Fikama, inda konhanda, osheshi Ame ohandi va yandje meke loye.