JOSUA 2:11 - Ombibeli Iyapuki

¹¹ Fye eshi twe shi uda, omutima wetu wa limbililwa, opo nee kape na vali nande umwe e nonyati oku mu lwifa. Osheshi Omwene Kalunga keni, Oye Kalunga komeulu pombada noposhi kombada yedu.

JOSUA 2:11 ပူးပေါင်းရင်းမြစ်များ

1 EEHAMBA 8:60

opo oiwana aishe yomounyuni i shiive nokutya, Omwene Oye Kalunga, ndele kape na kalunga ponho yaye.

2 EEHAMBA 5:15

Opo nee ye naaveshe ava ve mu shikula, ova piluka va ya komulumenhu waKalunga, nokwa ya mo ndele ta kala ofika koshipala shaye ndele ta ti: “Tala, paife ndi shi shii nokutya, kombada yedu alishe kape na Kalunga kamwe, omuIsrael amuke. Tambula hano oshali komupiya woye.”

NEHEMIA 6:16

Novatondadi vetu aveshe eshi ve shi uda, noiwana aishe yomoushiinda ya tila ndele ye litala itai dulu sha vali, ndele ve shi dimbulukwa, nokutya oshilonga eshi sha longwa kuKalunga ketu.

ESTER 8:17

nomoitukulwalongo aishe nomoilando aishe omo oshipango shohamba nomhango yayo ya fika, omwa li ehafo nelao mokati kOvajuda, noitelekela nefiku loshivilo. Ndele vahapu vomovanhu va ninga Ovajuda, osheshi ehaluko molwOvajuda ve uya kombada yavo.

OMAPSALOME 102:15

Opo nee opo ovapaani otava ka tila edina lOmwene, neehamba dokombada yedu efimano loye.

OMAPSALOME 22:14

Onda fa omeva a tilwashi, omakipa ange aeshe a damuka; omutima wange owa ninga ngaashi edi, wa dilukila meni lange.

OMAPSALOME 58:7

Nava pwiinine po, ngaashi omeva aa taa ningine medu. Ngeenge ta shoneke oikuti yaye, nai kale ya fa ihe nonhele.

OMAPSALOME 83:18

Vo va kale, ve shi koneka, nokutya Oove ou to ifanwa Omwene, Ove auke u li po Okombadambada medu alishe.

EXODUS 15:14

Oiwana ye shi kundana, yo oya kakama, etyololoko la kwata oonakukala muFilistia.

EXODUS 15:15

Eehamba domuEdom da haluka, ovakulunhu vaMoab va kwatwa kekakamo; oonakukala aveshe muKaanan ova dekweta.

JESAJA 13:7

Onghee hano omaoko aeshe otaa fi ounye nomutima womutima womunhu keshe otau hemuka,

JESAJA 19:1

Okuxunganekwa kwaEgipiti. Tala, Omwene ota ende koshilemo shi nonhapo ndele te uya kuEgipiti. Noikalunga yomuEgipiti otai kakama koshipala shaye, nomutima waEgipiti tau diluka monhulo yasho.

HESEKIEL 21:15

Ame nda dika po oshipundi shokutomena kweongamukonda poivelo aishe yavo, omutima u diluke noipundukifo i ninge ihapu. Akutu, lo ola yawa la taima ngaashi oluvadi la upikilwa okudipaa.

NAHUM 2:10

Ofilu! Hamungaho! Ashishe sha hanaunwa po! Omutima tau hemuka, eengolo tadi tifauka. Moiya aishe omu nouyehame. Noipala yavo aishe ya pemba.

DEUTERONOMION 1:28

Openi hatu i? Ovakwetu ova mbadapaleka omitima detu, vo eshi va tile: Ovanhu venya ovahapu ve tu dule, nomifika davo odile di tu dule. Oilando oya kula ndele ya pamekwa neehotekuma fiyo okeulu. Noko twa mona yo oludalo laAnak.’

DEUTERONOMION 20:8

Omalenga naa popife vali ovanhu noku va lombwela: ‘Ou ha tila ndele e noumbada, na shune keumbo, opo vakwao yo vaha kanife onyati yavo ngaashi winya.’

DEUTERONOMION 4:39

Onghee hano kala u shi shii nena eli u li tambule momutima woye nokutya, Omwene Oye Kalunga meulu noposhi kombada yedu. Kape na umwe.

JOSUA 14:8

Ovakwetu venya va ile ko pamwe naame, va mbadapaleka omitima dovanhu, ndelenee ame nda li nda diinina mokushikula Omwene Kalunga koye.

JOSUA 2:24

Vo ova lombwela vali Josua, tava ti: “Oshili, edu alishe Omwene okwe li tu pa momake etu. Osheshi oonakukalamo aveshe ohava kakama nokutila molwetu.”

JOSUA 5:1

Ndele eehamba adishe dOvaamori, odo da li kombinga inya yokouninginino waJordan, neehamba adishe dOvakaanan, edi da kala pEfuta Lopokati, eshi da uda nokutya, Omwene okwa pwiininifa omeva aJordan komesho yovana vaIsrael, fiyo va taulula, omitima dado da tila nokutililila, ndele mudo inamu kala vali onyati omolwovana vaIsrael.

JOSUA 7:5

Novalumenhu vokuAi ova dipaa muvo ovalumenhu ngeno omilongo nhatu navahamano, ndele ve va shikula okudja koshivelo fiyo okuSebarim, ndele ve va taataa fiyo opefina lomhunda. Nomitima dovanhu da mbadapala ndele da talala.

JOSUA 9:24

Opo nee va nyamukula Josua ndele tava ti: “Ovapiya voye va hepaululilwa nokutya, Omwene Kalunga koye a lombwela Moses, omupiya waye, e mu pe edu alishe eli nokuhanauna po oonakukalamo aveshe komesho yeni, onghee hano fye otwa li twe mu tila unene molwokukalamwenyo kwetu ndele twa ninga oshinima eshi.

EHOLOLO 6:16

ndele va lombwela eemhunda nomamanya tava ti: “Tu wileni, nye mu tu holeke oshipala shaau e li omutumba kolukalwapangelo nokehandu lOdjona;